awesome
بجد فكره الموضوع حلوه :)
رقم العضوية : 2780
تاريخ التسجيل : 24Oct2007
المشاركات : 4,837
النوع : ذكر
الاقامة : beneath the sky
السيارة: Renault Clio 2007
السيارة[2]: Daihatsu Sirion XL 2008
الحالة :
ساعات تبقي ماشي و صوت الكلاكسات عاملك صداع .. تحس إن الناس اللي في الشارع كلها عاملة مؤامرة عليك .. تقوم تقفل الإزاز .. و لو ركزت .. هتلاقي كل واحد فينا عربية بس فيها الف شباك .. بتفتح و تقفل فيهم زي ما انت عايز .. ممكن تعيش في أسرة مفككة و تحس إن كلمة أسرة بالنسبة لك ملهاش معني .. تقفل ازازها .. ممكن صحابك تلاقيهم بيقعوا واحد ورا التاني قصاد ماديات الحياة و بيبيعوك ببلاش .. تقفل ازاز الأصدقاء .. ممكن تحس إن بلدك بقت شوكة في ضهرك تقفل إزاز الإنتماء .. ممكن تبص في المرايا متعرفش انت باصص لمين و تطلع قفلت الإزاز اللي بينك و بين نفسك من غير ما تاخد بالك في زحمة الزراير .. و المشكلة إن إحنا -كعربيات- مش مهم تكون لسة بتشق طريقك أو واقف وراك إسم و توكيل كبير .. كلنا ماشيين في نفس الطريق .. ممكن تكون مخبط من كل حتة و لكن أصيل و متعملش دقات نقص .. و فيه مننا اللي شكل بس .. و في أول منحني يجيب كبالن .. فيه مننا اللي بيمشي ببنزين 80 .. و مع إنه بيقف عشانه طوابير بس حامد ربنا و شاكره .. و فيه اللي بيمشي ب 92 بيحاول يشبط في النضافة و لكن الفرق ما بينه و ما بين اللي تحتيه يادوب بريزة و الفرق ما بينه و بين اللي فوقيه جنيه بحاله .. و فيه اللي لو حط حاجة غير 95 يكركر .. فيه مننا اللي السي سي عنده عالي و سعة صدره بتخليه يستحمل طول المشوار .. و فيه مننا اللي "بيقرص" علي نفسه .. فا يبقي شايف المكان علي مرمي بصره .. يحاول يوصله يكتشف إنه حرق كل البنزين .. و فيه منا اللي من كتر ما بيقرص موتوره بيفوت .. ساعات نشد مع بعض .. و مش واخدين بالنا ان محدش كسب .. كتير مننا بيحب الطرق الملتوية و بيعمل غرز بين الناس و بيفتكر إنه كدة هيوصل و هما لأ .. و فيه اللي ميعرفش يمشي إلا في خط مستقيم .. و فيه اللي بيحب يخرم و يقصر و يجيب من الأخر .. و ايا كانت الطريقة اللي ماشي بيها .. مفيش أمان .. ممكن تتقلب .. أو تقع في حفرة .. أو تخش في عمود نور .. ممكن تحتاج نص .. و ممكن تقعد كتير أوي عشان تعدي أثار الحادثة .. و ممكن اما كل شئ يتصلح و تبصله تحس أنه عمره ما كان متكسر .. المشكلة إنك اما تقفل كل إزاز العربية .. بتتخنق .. مفيش منفذ للهوا .. هموت .. و لكن الخنقة تكون أهون عليك من إنك تفتح إزاز منهم تاني و ترجع للدوشة تاني .. حبيت تكون معزول .. تدوس علي زرار التكييف .. شغال لكن مش عامل حاجة .. الظروف المحيطة بيه أقوي منه .. مع الوقت .. ساعات تحس إنك قدمت .. مبقتش تلمع زي الأول و سحبك مبقاش قد كدة .. تحاول تسيب الطريق و تاخد طريق تاني تكتشف إن كوووووووول العربيات ماشية أصلاَ في طريق واحد .. طريق واحد مفيش غيره مهما تحاول ..أخره موقف كلنا لازم نقف فيه .. و أي عربية حتي لو موديل السنة دي .. متقدرش تجزملها بحاجة غير إنها في يوم من الأيام هتبقي حتة خردة مغطيها التراب ..
Leadership is based on inspiration, not domination
رقم العضوية : 63
تاريخ التسجيل : 20Apr2007
المشاركات : 4,438
النوع : ذكر
الاقامة : Dystopia , blashyrkh
السيارة: N/A
السيارة[2]: Subaru Impreza 2006
الحالة :
رقم العضوية : 3907
تاريخ التسجيل : 30Dec2007
المشاركات : 756
النوع : ذكر
الاقامة : Egypt - CaIro
السيارة: Renault logan 2010
السيارة[2]: Renault Megane 2007
دراجة بخارية: NO
الحالة :
فكرة الموضوع جميله ماشاء الله تنم عن موهبه في مبتكرها بالطبع .........لكن بين السطور مش عارف ليه صابني حاله من الحزن لما قريتها مش عارف هل دي حالة حضرتك وانت بتكتبها وبهتت عليا ولا ايه اللي حصللي .
اعتذر عن شعوري الغريب ده ومشاركتكم اياه وارجو اني ماكونش محبط ليك يا MoToRiZeR قد اكون انا اللي حالتي النفسيه مهيئه للحزن والاكتئاب مش اكتر والله لا اقصد اي شيء واحييك على تشبيهاتك الجميله وفكرة الموضوع كاكل بجد حلوه جداً وجزاك الله خير.
East Or West Megane Is The Best
رقم العضوية : 1375
تاريخ التسجيل : 08Jul2007
المشاركات : 2,957
الحالة :
موضوع جامد يا محمود باشا
مش عارف ديه موهبتك و لا السواقة في المحروسة بتخلق فلاسفة (زاي مرات سقراط كده ) ....بس غريبة انك ما جبتش سيرة السوند سيستم في تحليلك ده ;)
في انتظار المزيد يا صديقي
رقم العضوية : 3891
تاريخ التسجيل : 29Dec2007
المشاركات : 3,655
النوع : انثى
الاقامة : القاهرة
السيارة: لا يوجد
السيارة[2]: Daihatsu Sirion GLX 2008
الحالة :
واااااااااو.. وااااااو بجد يعني
بس هون عليك يا محمود لسه بدري على تشوف الدنيا بالصورة القاتمة دي.
رقم العضوية : 2665
تاريخ التسجيل : 17Oct2007
المشاركات : 2,326
النوع : ذكر
الاقامة : cairo
السيارة: لا يوجد
السيارة[2]: 128 حمرا
دراجة بخارية: لا يوجد
الحالة :
موضوع جميل بس ليه الحزن البين السطور ارجو ان انت تكون بخير
سبحان الله وبحمده سبحان الله العظيم
اخوكم : محمد عماد الدين
الوظيفه : محاسب
سبحانك اللهم وبحمدك ، أشهد أن لا إله إلا أنت أستغفرك وأتوب إليك
رقم العضوية : 102
تاريخ التسجيل : 23Apr2007
المشاركات : 34,229
النوع : ذكر
الاقامة : Downtown - Cairo, Egypt
السيارة: Daewoo Lanos I 1999
السيارة[2]: Daewoo Lanos II 2001
دراجة بخارية: N/A
الحالة :
رقم العضوية : 3478
تاريخ التسجيل : 28Nov2007
المشاركات : 1,656
النوع : انثى
الاقامة : الهــــــــــــرم
السيارة: تويوتا ياريس
السيارة[2]: هوندا سيفك
دراجة بخارية: لا يوجد
الحالة :
يبدووووووووو انك بتفضل العزله
كلامك حلوووووو جدا بس من الاسهل ان يصيب الاخرين باحباط شديد وربما اكتئاب
ربنا يرحمنا جميعا
رقم العضوية : 102
تاريخ التسجيل : 23Apr2007
المشاركات : 34,229
النوع : ذكر
الاقامة : Downtown - Cairo, Egypt
السيارة: Daewoo Lanos I 1999
السيارة[2]: Daewoo Lanos II 2001
دراجة بخارية: N/A
الحالة :
الواحد مراحش للعزلة الا لما لقى التواصل الاجتماعى وصل لمستوى سىء للغاية.... الفكرة الغالبة بتبقى "انا مرتاح مع نفسى و فاهم نفسى و مش حشتغل نفسى و لا انصب على نفسى... يبقى خللينى مع نفسى"
MMamdouh
رقم العضوية : 1946
تاريخ التسجيل : 28Aug2007
المشاركات : 1,872
النوع : ذكر
الاقامة : الامارات - أبوظبي
السيارة: بيجو 207 - 2009
السيارة[2]: نيسان باثفيندر 2014
دراجة بخارية: عمرى ما سقتها
الحالة :
كلام ينم عن موهبه
ولكن ايضا ينم عن حزن عميق
المفضلات