-
السلام عليكم
بالنسبة للسؤال رقم 2 (بخصوص ار بي ام بتاع الموتور مع لفة الدركسيون أو التكييف) أنا عندي نفس الموضوع وكان زميلي قاللي ان التكييف بيحمل ع الموتور عشان كده اللفات بتقل شوية لحد الموتور مايعوض الحمل الزيادة اللي هو كمبريسور التكييف ويعلي اللفات شعرة بسيطة، وقاللي نفس الموضع على لفة الدركسيون لأن انت كده بتتعامل مع طرمبة الباور الهيدروليك
على فكرة: أنا عملت كشف عام بالكمبيوتر في التوكيل على الموتور وقاللي ان الموتور مضبوط (ودفعت 250 حتة واحدة) بس للأمانة مقلتلهمش على الملاحظة دي لأني متخيل انها عادية ومش مشكلة
بالنسبة للمساحات أعتقد من خبرتي المتواضعة ان المشكلة كده ممكن تكون في طرمبة مية المساحات، لأن كده انت اتأكدت ان النظام كله سليم وباقي الطرمبة - إلا لو حد من الزملاء يعرف حاجة تانية محتاجة تأكيد (خطر على بالي دراع المساحات وفيوز طرمبة المساحات - اتأكد من الفيوز الأول قبل الشك في الطرمبة نفسها)
الفوانيس اللي لونها مصفر: في 4 حلول
1- انك تجيب أصلي، وده غالي في التوكيل جدا (كان في موضوع انه في دايموند الواحد ب 1422 جنيه:crying2::019F3B~14:
2- انك تجيب تقليد تايواني اسمه ديبو، وفي ناس بتقول انه بيصفر بس بعد فترة طويلة شوية (معلومة مش مأكدة)
3- حد في المنتدى كتب موضوع ان في ناس بتغسل الفوانيس بمادة معينة بتشيل الصفار، بس معلوماتي مش كاملة
4- انك تتعايش مع الموضوع، وده أريح حل أنا شايفه، والفلوس اللي هتحطها للفوانيس خليها لحاجة مهمة أكتر
ملحوظة: حاولت أعدل الكلام بس كان عدى ال 10 دقايق على التعديل
-
اولا 10000 شكر لرد حضرتك يا استاذ ايهاب
ثانيا هو كده لسه موضوه التراب والدخان ( وياريت ذكر التكلفه ) ومفصلات الابواب
ارجو متزهقوش منى وتردو على اسئلتى :120146b
-
العفو وربنا يكرمك ويرزقك خيرها ويكفيك كل شر
الحمد لله الواحد استفاد من المنتدى ده بشكل كبير وبيحس انه لازم يرد الجميل
رزقك ياعم اني امبارح كنت باقلب في الكتالوج (بتاع موديل 2008) ولقيت الصفحة دي......اقرأ المستطيل الأحمر
http://nileup.com/up/uploads/nilemotors_13620478551.jpg
-
النهارده وانا رايح القاهره وطلعت على الطريق لاحظت ان الامبير بتاع الحراره تحت اوى يكاد يكون فوق البارد بحاجه بسيطه قولت استنى شويه برضه نفس الموضوع .. ووانا راجع نفس القصه برضه .. بس لما بقف فى اشاره او فى زحمه الاقيه رفع للنص ويثبت واجرى ع الطريق تانى الاقيه نزل خالص محصلش الربع حتى !!!!!!
Content Relevant URLs by
vBSEO 3.6.0 PL2