الموضوع: استشاره بخصوص كاوتش - النترا 2010

المشاركة الأصلية كتبت بواسطة profimh

سلام عليكم اولا
فى اليومين اللى احنا مزنوقين فيهم دول ما فيش داعى نغير المقاس لاننا هنغير الاربعه و كمان خنخسر الفردتين الجداد اللى معانا فالأصلح نجيب فردتين نفس المقاس و نرجع الموجودين قدام دلوقتى ورا و نخلى اللى هنشتريهم قدام سواء جبتهم بريدجستون او نوع تانى ده راجع ليك و بصراحه انا شايف انه غالى بالنسبه للأنواع التانيه
اما بالنسبه لقضيه الزحف انت عارف طالما مفيش absيبقى لو الارض عليها حاجه هنزحف هنزحف حتى لو الكاوتش جديد خلى بالك انت و ربنا يسترها معانا كلنا

اخر حاجه و معلش طولت عليك انت لو غيرت المقاس مش هيزيد استهلاك البنزين زى ما انت متخيل طبعا هو علميا لابد هيزيد بس عن تجربه ان ملحظتش اى زياده ملموسه
ربنا يهديك للحل الأمثل و معلش طولت عليك

الف شكر لرد حضرتك وفى انتظار رد باقى الاعضاء

المشاركة الأصلية كتبت بواسطة badreldinahmad

أنا عندى نفس القصه عملت 58 الف كم بالالنترا بتاعتى (2011) وكنت فى اخر صيانه كتبولى فى الريبورت تغيير الاربع فرد.. لكن الناس نصحتنى اتقل على الكاوتش عشرة الاف كم كمان وبيكون امان، الراجل المحترم م/ سمير شهاوى كنت سألته ودى كانت نصيحته: "" أنصحك بالكومهو - أوبتيمو بس تعرض الكاوتش الي المقاس التالي للمقاس اللي راكب عندك حسب الجدول الموجود علي القائم الشمال جنب الكرسي بتاعك لما تفتح الباب"" دلوقتى بدأت اسأل على الاسعار وعرفت انها تبدأ من 450 حتى 575 (بصراحه مش عارف الانواع ايه لأن الاسعار دى اخدتها بالتليفون) وعرفت معلومه كمان.. الاطارات الجديده اوعى تعتمد على النقشه بتاعتها فى تحديد اذا كانت لسه شغاله ولا لأ.. كل الجديد مابيتمسحش النقشه بتاعته لكن بيشقق ولا قدر الله ممكن ينفجر لو عديت الصلاحيه بتاعته، ع العموم انا متابع لو فى حد عنده معلومه جديده بشأن الاسعار وخصوصا النوع اللى قال عليه الباشمهندس سمير شهاوى

انا متشكر جدا لرد حضرتك - بخصوص فرق المقاس من 185 الى 195 ناس كتييييييييييييره جدا أكدت لى ان الفرق هايكون ملحوظ جدا لسببين
الاول السنتى الفرق فى العرض هايفرق جدا على حسب كلامهم
الثانى ان الكاوتش كله هايبقى جديد وبالتالى هايكون أداؤه فى أعلى مستوى
انا مش بركب غير ميشلان وبريدجستون لسبب واحد - انى قبل كده جبت كاوتش GT وفرقعت بيه على الدائرى ومن ساعتها انا بجيب ميشلان وبريدجيستون فقط
ميشلان ثبات مهوووووووووووول - لكن يعيبه صوته المزعج جدااااااااا
البريدجيستون ناعم وصوته مش عالى أوى - لكن بصراحه ثباته بالكتييييير 80% من الميشلان
.
سؤال لو سمحتم - دلوقتى انا لو عايز ابيع فردتين 15/185 لسه ما كملوش 10.000 كيلو - ابيع الفرده على كاااااااااااااااام؟ ماركتهم حاجه اسمها linglong