ماشاء الله
ربنا يزيدهم علما
لونه رصاصى ميتالك بالفرش الداخلى بتاعه
http://nileup.com/up/uploads/nilemotors_13604075751.jpg
هبأة أصوره صورة أوضح
الله يخليك ياسيد والله انت وايهاب منصور الله اكبر عليكم انا ولا حاجة جنبكم....كريم باشا نصيحة افتكرتها والميكانيكي او الكهربائي وهو بيركب كويل التكييف بعد مايفك الطابلوه عندك اوعي يخرم لك في صدر العربية سواءا بشنيور او صاروخ اوعي اوعي اوعي اللي في ظهر الطابلوه علشان يركب الكويل لانه كده هيقطع في العزل وهتدخل لك حرارة شديدة صيف وشتاء وهواء ودي بتكسر الفبر البلاستيك فالطابلوه زي الفريم..وتسمع فووو وانت في الكابينة ومتنساش تاخد من القطعية العزل اللي في ظهر التابلوه قطع كده من السفنج والبلاك لانك ممكن تحتاج تغير العزل اللي عندك والطبب الكاوتش اللي في الصاج من تحت ل..انا اعرفه شكل وزي ماقلتلك كنت هاشتريه بس ماحصلش نصيب بس موتوري واعتقد برضه المكنة 1400 وش سلندر فضي طالما راكب فيها باور وتكييف فابريكة بيبقي فيها الفبرة دي لانها كانت عندي واتكسرت بسبب طوبة طلعت فوقيها العربية وبدل مانزل ارفع العربية بالكريك خفت لاتثبت فاديت مرشدير فاتكسرت
الكويل الفكرة في مخارجة لانك المفروض راكب عندك كويل او حاجة شبيهه له لان العربية من غير تكييف مروحة هواء فقط...انت تركز مع مخارج الكويل وهما ماسورتين تقريبا وجزء اسطواني مستطيل رابط بينهم ودول اللي بيطلعوا من صدر العربية وشوفهم فالقطعية ورا الموتور من الشمال وبرضه فتحة فائظ مياه التكييف ورا الموتور بالظبط..الصدر ممكن يتفك متهيألي وتركب الصدر التاني من القطعية من غير تخريم وعكككككك وان كان هما ممكن يستسهلوا ويقلك ده خرم صغير مش هيعمل حاجة وهو بيبهدل العربية تراب وسخونية
عايز أقولك انك رعبتنى لما قولت بلاش يخرم فى الصدر لأن نصيحتك جت متأخرة وخليتنى ادقق فى صور كنت مصورها للجزء ده
عموما أنا مش هقول أكتر من كده دلوقتى غير لما يجى ميعاد الكلام فى الموضوع ده فى الجزء الخاص بيه
بس بجد ماشاء الله عليك ومتقلقش هطمنك :Bravo:
انا بعدل الكلام كتير علشان ماانساش حاجة ..عموما هي فكرة ان انت تشيل الصدر اللي عندك وتركب التاني عمليا ممكنة لكن فيها هدم كتير وده لان في مواسير زيت الباكم للفرامل ماشيه بس ياتري تنفع تتشال....ولو لاقدر الله فتح او قطع او خرم فالصدر فكل شيء له حل وهو العزل الكويس وزي ماقلتلك خد العزل من القطعية بتاعتك هينفعك اكيد..وفي عزل موءقت تمشي نفسك بيه وهو سبراي بيترش بتاع فواصل وبيعمل طبقة زي السفنجة قوية بتعزل الحرارة شويه ب50 جنيه الزجاجة بس اول ماترش من اول مرة لازم تخلصها لانها اول مرة رش بس والا تتعبك ومتستفدش بها استفادة كاملة...وده لحين مالسروجي يغير لك او يظبط لك العزل (مش عارف العزل ثابت لكل المواتير ولا لأ يعني اقصد عزل ال1000سي سي زي بتاع ال1400 فيما فوق) ... المكن ده حامي عن ال1000سي سي وهتحس بكده وانت بتفتح الكبوت...يعني بيطلع صهد اكتر من ال1000سي سي
تصدق الحوار اللي بتتكلم فيه دة كان محيرني انا وايهاب منصور
خط من الطينة بطول الكبوت من فوق سير التقسيمة
كان عندي في الموتور ال1000 وكان عنده في عربيته الابيزا القديمة
وبعد البحث عن السبب وعدم قدرتنا علي حل اللغز - تخيلنا ان دة طبيعي لاننا شوفناها في اكتر من عربية
تحياتي