عرض للطباعة
السلام عليكم ،
أنا بفكر جديا فى شراء ريو 2013 بس سمعت كلام كتير عن استهلاكها العالى فى البنزين وانه ما يناسبش ابدا 1400 فهل الكلام ده حقيقى؟ وده بيفرق اذا كانت وكيل او خليجى؟ ولو فيها مشكلة فى الإستهلاك التوكيل ما عندوش حل؟ هل العربية فيها عيوب تانيه الناس اكتشفتها مع الإستخدام؟ أرجو المساعدة ولكم جزيل الشكر
عن نفسي مش حاسس بموضوع البنزين ده :)
واساساً مشكلة الecu software كانت في اول فرزه للعربية واحنا دلوقتي نزلت الفرزه التالته والرابعة للعربية يعني متحدثه وجاهزه
لكن بشكل عام انا مش شايف كده ولعلمك استهلاك البنزين بيختلف بعوامل كتيره واولها طريقة السواقة والتكيف ورجلك على البنزين وسرعتك ومشيك جوه البلد ولا برا
يعني ممكن واحد يقول لك استهلاك عالي وواحد تاني يقول لك لا ده الطبيعي اللي انا اعرفه وممكن تلاقي انت حاجه تاني خالص ويبقي الموضوع مظبوط معاك
بصراحة انا بستهلك حوالي 15 لتر فى كل 230 كيلو تقريبا .. يعنى فى المتوسط 7 لتر لكل 100 كيلو .. ده تقريبا استهلاك محترم جدا مع الاعتبار ان العربية موتور شديد وسحب عالي وثبات معقول
يا باشا مشكلة البنزين كانت فى اول باتش و الحمد لله الباتشات الى بعد كده كلها اتحلت ونزل الباتش الثالث و الرابع كمان و العربيه دلوقتى زى الفل و الحمد لله استهلاكها معايا زى الفل 7 لتر لكل 100 ك فى الزحمه و بيقل على الطرق السريعه وبيوصل ل 5 لتر و اقل كمان .... انا معايا ريو هاتشباك خليجى 2013 ......
لو بتفكر فى العربيه توكل على الله و مش هتندم .... انا عمرى ما ندمت انى جبتها و لو رجع بيا الزمن هجبها تانى
ربنا يجازيكم خير على الإفادة وإن شاء الله اشتريها على بركة الله