الموضوع: أنا والكلاكس وهواك ((:

الأخوة الأعزاء أعضاء أحلى منتدى في مصر والشرق الأبيض المتوسط
تحية طيبة,,,
إمبارح كنت في مشوار بالعربية بتاعتي اللي هي نيسان صني مو 2009 مانيوال, المهم طول اليوم الكلاكس كان شغال وميه ميه, وأنا راجع على البيت كان الكلاكس زي الفل برده, لكن قبل ما أوصل بدوس عليه لاقيت صوته متغير ( مكتوم ومسرسع ) وبعدها لاقيته مبيطلعش أي صوت خالص, المهم قعدت شويه ودوست تاني عليه لقيته برده بيطلع صوت مكتوم ومسرسع وبعدها يسكت خالص.
النهارده الصبح وانا خارج لاقيت نفس القصه برده يبتدي بصوت مكتوم ومسرسع وبعد كده اختفى صوته خالص.
فهل ممكن أي حد يفيدني المشكله فين بالظبط, وهل ده يحتاج إني أروح التوكيل والا ممكن أصلحه عند أي حد, ومين الحد ده يعني ميكانيكي والا كهربائي والا بتاع كاوتش
وشكرا .

المشاركة الأصلية كتبت بواسطة miceg

هما شوية برد ناتج عن فصل الشتاء وتغيير الجو
هههههههههههههه
ان شاء الله حد من ألاخوة يفيد حضرتك

هههههههههههه
لو برد ممكن أبقى أغطيها ببطانيه وأنا ماشي

المشاركة الأصلية كتبت بواسطة bishoy.girgis

بص الكلاكس بتاع الصني من الاخر مش بيعيش كتير ..
الحل الوحيد اللي انا عملته و شغال و قوي و محترم جدا جدا هو انك تشتري كلاكس هيلا اسباني تمنه حوالي 110 جنيه بس تتأكد انه الاسباني عشان في مضروب كتير و ركب و انسي
و كمان ركبهم بدوووووووووووووووووووون كتاوت حتي لو الكهربائي قال لك اركب كتاوت .. قول له لأ بكل المقاييس و صوتهم حقيقي رائع

+111
وصوته عالى بس فعلا حاول تشتريه من مكان موثوق فيه لأنك هتلاقى تقليد للتقليد

ألف شكر لأحلى أعضاء
ربنا يسهل بكرة ان شاء الله أبقى لأسأل عليه لأن النهاردة أعتقد قافلين
بس هل كده أسأل عند أي كهربائي سيارات والا عند محل أكسسوارات للسيارات؟
وهل الأنواع اللي قولتوا عليها دي سهل تكون موجوده والا بتتباع عند ناس معينين؟
وألف شكر