عربية بدون جمارك بـ 82 ألف ... يا لهوى؟؟

**fellacd** · 09-02-2013 11:37 PM

عندما يصل سعر السيارة الرينو اللوجان المغربى إلى 82 ألف جنيه والمفترض أنها بدون جمارك يعنى زيرو جمارك فهذا يدل على مدى الاستغلال الذى يتعرض له المواطن المصرى ...
أو بمعنى آخر أن اللوجان لواتجمركت يصبح سعرها 130 ألف جنيه على الأقل .... تصدقو؟؟؟؟!!!!
يا ترى حد يعرف سعر السيارة دى الحقيقى فى المغرب كام؟؟
ويا ترى هل ممكن المواطن يشترى العربية من المغرب مباشرة ويستفيد بالإعفاء الجمركى وفق اتفاقية أغادير التى تلغى الجمارك على السيارات مطلقا بين مصر والمغرب ويترحم من جشع الوكيل؟؟؟؟
حاجة تانى ... المفترض إن تخفيض الجمارك بمعدل 10% سنويا وفق اتفاقية الجات بدأ تطبيقه من بداية عام 2010 م يعنى المفروض إن الجمارك انخفضت هذا العام بنسبة 40% من قيمتها ومع ذلك لم يحدث أى تخفيض على سعر أى سيارة أوروبية تخضع للاتفاقية .. لكن حينما زاد سعر الدولار قفزت أسعار السيارات فجأة من خمسة إلى عشرة آلاف جنيه أو أكثر بحجة ارتفاع سعر الدولار رغم أن الشركات لديها مخزون من قبل هذه الزيادة ...
طب اشمعنى بقى لم نشعر بتخفيض الجمارك بينما التهبت الأسعار بحجة زيادة الدولار ؟؟؟
للأسف ... المستهلك هو الضحية فى كل الأحوال ...
والوكلاء فى مصر تعودوا على الأرباح الطائلة والثروات الهائلة فى وقت قليل وجهد بسيط

**phahkh** · 09-02-2013 11:51 PM

عندي سؤال يمكن غريب لكن ياريت لو حد يقدر يفيدني:
لو انا ناوي اسافر للسعودية للاقامة بعقد عمل ازاي اسافر بسيارتي علما انها باسمي و زيرو.. طبعا ممكن حد يستغرب ليه فأجاوب ان يوجد سببين:
1- مش ناوي اقعد فترة طويلة وبدلا من اشتري وارجع ابيع سيارة مستعملة
2- انا مقتنع ان تسيير السيارة افضل بكثييير من رفع السيارة

**S O P H O S** · 09-02-2013 11:56 PM

ده شئ طبيعي فالي بيحصل دلوقتي
+ ان مفيش اي رقابة علي اسعار او سلع ..

**khalid_adel** · 10-02-2013 12:13 AM

متابع للموضوع لان الموضوع ده في دماغي من زمان وحارق دمي اوي :~

**dr_7ooda** · 10-02-2013 01:41 AM

كفايه بقي .مش باقي مننا حاجه

**fellacd** · 13-02-2013 11:33 AM

والله حاجة تجنن ... العربية زادت كمان ووصلت 85 ألف ؟؟؟
لكن السؤال هنا يا ترى لو الدولار نزل .. وهو بالفعل بدأ فى الانخفاض .. يا ترى سعر العربية دى هايرجع زى الأول؟؟؟