بدون جمارك وبـ 85 ألف ... ؟؟!!! يا لهوى !!!!!

**fellacd** · 09-02-2013 11:42 PM

عندما يصل سعر السيارة الرينو اللوجان المغربى إلى 85 ألف جنيه والمفترض أنها بدون جمارك يعنى زيرو جمارك فهذا يدل على مدى الاستغلال الذى يتعرض له المواطن المصرى ...
أو بمعنى آخر أن اللوجان لواتجمركت يصبح سعرها 130 ألف جنيه على الأقل .... تصدقو؟؟؟؟!!!!
يا ترى حد يعرف سعر السيارة دى الحقيقى فى المغرب كام؟؟
ويا ترى هل ممكن المواطن يشترى العربية من المغرب مباشرة ويستفيد بالإعفاء الجمركى وفق اتفاقية أغادير التى تلغى الجمارك على السيارات مطلقا بين مصر والمغرب ويترحم من جشع الوكيل؟؟؟؟
حاجة تانى ... المفترض إن تخفيض الجمارك بمعدل 10% سنويا وفق اتفاقية الجات بدأ تطبيقه من بداية عام 2010 م يعنى المفروض إن الجمارك انخفضت هذا العام بنسبة 40% من قيمتها ومع ذلك لم يحدث أى تخفيض على سعر أى سيارة أوروبية تخضع للاتفاقية .. لكن حينما زاد سعر الدولار قفزت أسعار السيارات فجأة من خمسة إلى عشرة آلاف جنيه أو أكثر بحجة ارتفاع سعر الدولار رغم أن الشركات لديها مخزون من قبل هذه الزيادة ...
طب اشمعنى بقى لم نشعر بتخفيض الجمارك بينما التهبت الأسعار بحجة زيادة الدولار ؟؟؟
للأسف ... المستهلك هو الضحية فى كل الأحوال ...
والوكلاء فى مصر تعودوا على الأرباح الطائلة والثروات الهائلة فى وقت قليل وجهد بسيط

**georgedada82** · 10-02-2013 02:25 AM

خلي بالك اللي اتخفض هو 40% من سعر الجمارك علي سيارات فئات في حدود 1600 سي سي ودي الجمارك عليها 40% من تمن العربية يعني التخفيض عبارة عن 16% بس في ثمن السيارة في حين ان الدولار زاد اكتر من 20% بالتالي الاسعار لازم تعلي اضف لذلك ان الوكيل لو الدولار زاد فعلا 20% هو مش بيزود 20% بس طبعا بيزود اكتر

**S O P H O S** · 10-02-2013 12:41 PM

البيكانتو اعلي فئة ب 100 دلوقتي !!
مفيش استغراب ..

**Johnny82** · 10-02-2013 02:09 PM

سوقها خلاص بيروح قدام اللانوس والفيرنا

**Egyzizo** · 10-02-2013 02:46 PM

ده غير الصيانات اللى بقت فى السما ..

كده فعلاً دخلت فى فئة تانية.

**Ahmed Selim** · 10-02-2013 02:47 PM

اللوجان معلهاش جمارك بس عليها ضرايب و شحن......

سعر اللوجان فى المغرب كنت جبته فى أكتر من موضوع قبل كده........على ما أذكر كان حوالي 67 ألف جم لأول فئة مع العلم أن اللوجان اللى بتتباع فى المغرب 1400 سي سي مش 1600.

بالنسبة لموضوع جمارك الأوروبي........الجمارك المفروض أنخفضت 40% من أصل 40%.......يعني الجمارك كانت 40 ألف على العربية اللى ب 100 ألف.........المفروض الجمارك الجديدة تكون 24 ألف بدل 40.

و مقارنة بأرتفاع سعر الدولار اللى زاد أكتر من 20%......يبقى زيادات الأسعار طبيعية شوية.

و مفيش شك أن أى توكيل بيحاول يزود السعر على قد ما يقدر و بيحط فى إعتباره أسعار المنافسين كمان.

لما تلاقي البيكانتو ب 100 و الفيرنا بحاجة و سبعين و تقريباً مفيهاش غير تكييف و سنتر و باور و الأكسنت ب 100 و شوية...... يبقى كويس ان اللوجان ب 85.

و لا عزاء للشعب.

**fellacd** · 13-02-2013 11:59 AM

الاستاذ احمد عبد المقصود مع كامل احترامى لكلام حضرتك معنى إن اللوجان الـ 1400 فى المغرب سعرها 67 ألف ج يبقى الوكيل لما كان بيبيع الـ 1600 هنا ب 71ألف جنيه يبقى كان بيخسر فيها بعد ماتحسب مصاريف شحنها وضرايبها ... إلخ إلخ
رجاء الكلام يكون دقيق ... إحنا مش مع أو ضد ... لكن نفسنا مرة واحدة ناخد حقنا كشعب ونحس باحترام عقولنا وكمان جيوبنا

**Ahmed Selim** · 13-02-2013 12:24 PM

المشاركة الأصلية كتبت بواسطة fellacd

الاستاذ احمد عبد المقصود مع كامل احترامى لكلام حضرتك معنى إن اللوجان الـ 1400 فى المغرب سعرها 67 ألف ج يبقى الوكيل لما كان بيبيع الـ 1600 هنا ب 71ألف جنيه يبقى كان بيخسر فيها بعد ماتحسب مصاريف شحنها وضرايبها ... إلخ إلخ
رجاء الكلام يكون دقيق ... إحنا مش مع أو ضد ... لكن نفسنا مرة واحدة ناخد حقنا كشعب ونحس باحترام عقولنا وكمان جيوبنا

يا ريت بس بالراحة عليا........انا مش معايا لوجان و مش مشارك فى رينو علشان أخدع الإعضاء

الحاجة الوحيدة اللى غلط فى كلامي هي أن سعر 67 كان سعر الفئة التانية تقريباً مش الأولى و مش الكاملة.............الكلام ده من فترة كبيرة يمكن أكتر من سنة ونص.

عاوز تعرف السعر بجد أتعب نفسك شوية و أدخل على الموقع بتاع داتشيا المغرب و أتأكد من الأسعار زي ما أنا عملت دلوقتي و لقيت أن أول فئة 59 ألف جم و كسور و تاني فئة 71 ألف جم و كسور و تالت فئة 82 ألف جم و كسور ( الدرهم المغربي = تقريباً 81 قرش)

لاحظ أن كل دول 1400 سي سي بنزين 73 حصان........و متوفر عندهم 1500 ديزل و مفيش 1600 خالص.

لينك لمقارنة ال 3 موديلات بالأسعار

Nouvelle Logan - Prix et spécifications - Gamme Dacia - Dacia France

لو مش شغال اللينك ممكن تدخل على اللينك ده و تختار ال 3 موديلات بنفسك

Nouvelle Logan - Prix et spécifications - Gamme Dacia - Dacia France