السرقات زادت عن حدها ويا ريت الناس تركب اجهزه تتبع لعربياتها

**Eslam.Elrefaey** · 10-02-2013 04:09 PM

الجديد الى حضرتك متعرفوش انهم عادو بيعرفو يفكو جهاز التتبع ده اين كان نوعه !

**Bishoy.Girgis** · 10-02-2013 05:57 PM

المشاركة الأصلية كتبت بواسطة SHNORY

بيشو اولا واحشني يا برنس جدااااااااااااااااا

انت واحشني اكتر يا محمد :)))

عارف فيه ناس تستخصر ويقولك ادفع 1500 ولا 2000 جنيه علي ايه
ماهي في الجراج
المشكله انها ممكن تتسرق خلال اي مشوار مش لازم وهي في الجراج
وبجد الموضوع بقي صعب ويضايق

دا فعلا حقيقي العربيات بقت بتتسرق في ثواني معدودة مش دقايق و بعدين الجراج بياخد مش اقل من 200 جنيه في الشهر يعني 2400 جنيه في السنة .. ايه المشكلة لما اجيب جهاز بـ 1500 جنيه مرة واحدة في العمر و خلاص و اريح دماغي لما اسيب العربية في اي حتة و ممكن تتابع العربية من اي مكان في العالم

كمان العربيات الجديده كلها ما شاء الله بتجري
يعني محدش حيعرف يلحق اللي بيسرقها لما يطير بيها بجانب انه مش خايف عليها ممكن يخبطها ولا يقلبها حتي خلال هروبه ومش فارقه معاه

**M_Marwan** · 11-02-2013 06:50 PM

ياريت ايلى يعرف حد يشترى الجهاز التتبع ده يجيبه من الصين أرخص بكتير من الأستغلال ايلى هنا

انا جايبه ب 500 جنيه وجهازعادى جدا مفيهوش اى اختراع يعنى عشان يبيعوه هنا ب 1500 جنيه

**SHNORY** · 11-02-2013 07:17 PM

المشاركة الأصلية كتبت بواسطة m_marwan

ياريت ايلى يعرف حد يشترى الجهاز التتبع ده يجيبه من الصين أرخص بكتير من الأستغلال ايلى هنا

انا جايبه ب 500 جنيه وجهازعادى جدا مفيهوش اى اختراع يعنى عشان يبيعوه هنا ب 1500 جنيه

انا سمعت ان فيه واحد ب600 جنيه ومستني واحد صاحبي يركبه علشان نجربه
وسمعت برضه ان فيه اقل من كده ولسه حندور
اينعم عربيتي رخيصه بس ماهو علي اضعف الايمان لو اتسرقت مش حيتطلب مني اقل من 5000
دا لو مقطعوهاش وباعوها اصلا بتراب الفلوس
حشوف لو فيه حاجه سعرها مناسب وحركبها وحقولكم