انا نويت ان شاء الله اعمل تأمين على العربية مع الجمعية المصرية ياريت يا جماعة لو حد جرب التعامل معاهم يقول ايه المزايا وايه العيوب (ان وجدت) وايه اللى أسال عليه، وهل يتم ذكر الشروط المميزة لاعضاء المنتدى (موضوع الـ 1.6%) فى الوثيقة ؟؟؟
وشكرا ليكم
انا نويت ان شاء الله اعمل تأمين على العربية مع الجمعية المصرية ياريت يا جماعة لو حد جرب التعامل معاهم يقول ايه المزايا وايه العيوب (ان وجدت) وايه اللى أسال عليه، وهل يتم ذكر الشروط المميزة لاعضاء المنتدى (موضوع الـ 1.6%) فى الوثيقة ؟؟؟
وشكرا ليكم
زي ما قلت لك في التيليفون يا أستاذ عمرو الجمعيه من أحسن شركات التأمين في مصر إن لم تكن أحسنهم على الأطلاق
وبالنسبه لموضوع ذكر نسبة الـ1.6% في الوثيقه فهذا مستحيل
لأن هذا العرض عرض خاص جدا جدا ولا يمكن ذكره في الوثيقه وإيصال الدفع لان الرقابه العامه على التأمين تمنع أن يكون هناك منافسه في السعر التأميني بين الشركات لذلك سوف تجد إيصال الدفع الذي سوف تستلمه بقيمه أكثر من ما دفعته أنت !!!!
أضم صوتي لصالح الجمعية عن تجربة شخصية فهم بالفعل ناس محترمة وجادة
للعلم يا جماعه الجمعية المصريه للتأمين التعاوني هي سبب أنخفاض أسعار التأمين في مصر وهذا بخلاف فكرها المتطور القائم على المصداقيه مع العميل والخدمات المقدمه إليه
انا مش فاهم كل ما واحد يسأل عن مكان معين للاستفادة منه او شركة معينة له فيها مصلحة معينة نقوم نقول له دول ناس محترمين قوى !! او دى احسن شركة فى مصر والشرق الاوسط ان لم يكن فى العالم .. بامارة ايه .. انا راجل واقعى واحب ان الكلام يكون عملى مش مجاملات وذلك لتعم المصلحة والاستفادة .. يعنى لما واحد يسال عن شركة تامين نقوم نقول له مزاياها وعيوبها .. انا مالى ومال انهم ناس محترمين .. طيب ما الناس كلهم محترمين .. على سبيل المثال وليس الحصر نقول المزايا .. مثلا لو عملت حادثة هل تقوم شركة التامين تبعت لك ونش يجر العربية لمكان الاصلاح ولا لا.. دى لوحديها توفر لك 300 - 400 جنيه ومعظم الشركات والحمد لله بتقول لك ابقى ودى العربية انت للمكان الفلانى ومنهم الشركة المذكورة.. لو عملت حادثة هل شركة التامين المحترمة تقوم بالاصلاح فى التوكيل ولا ورش سمكرة خارجية ده سؤال مهم جدا واعتقد ان الشركة المذكورة بتقوم باعطاءك بعض عناوين الورش التى تتعامل معها وسعادتك تقوم بنقل العربية اليها وهما يحاسبوها بعد كده .. سؤال كمان مهم هل الشركة تقوم بالدفع وانا ماليش دعوة ولا انا بادبس وادفع حاجة .. واعتقد ان الشركة المذكورة تقوم بالدفع فى اى مكان ما عدا التوكيل بتقول لك ادفع انت وهات الفاتورة واحنا نحاسبك .. طيب لو ماعيش سيولة اركن العربية تحت البيت لحد ما ربتا يفرجها ولا ايه .. المفروض ان المنتدى للصالح العام ومصلحة الناس الشباب الغلابة دول فلازم الصورة دائما تبقى واضحة .. انا عن نفسى سألت وتحريت فى كذا شركة ومنهم الشركة المذكورة واستقر بى الاختيار على شركة كونتاكت مع انه غالية جدا لكن فيها كل المزايا اللى ذكرتها وبتقسط المبلغ على اقساط شهرية كمان .. وعلى فكرة انا لست مع شركة كونتاكت ولا تهمنى فى شىء ولا تهمنى اى شركة منهم فى شىء انا يهمنى اصدقاء المنتدى فقط ومصلحتهم
سؤال عابر يا جماعة
هوا ممكن المساعدين تتغير تبع التأمين ولا ملهمش دعوة ؟
Zebaala Moottttttttttttttttttttttttttttttt