انا عايزه اشتري عربيه ومش حابه الفيات وعجابني الادا النيفا
بس كل ما اقول لحد عليها يضحك ويقولي بنت تسوق لادا نيفا !!!!!
فكنت عايزه اعرف ايه المشكله في النيفا وهي افضل ولا 128
عرض للطباعة
انا عايزه اشتري عربيه ومش حابه الفيات وعجابني الادا النيفا
بس كل ما اقول لحد عليها يضحك ويقولي بنت تسوق لادا نيفا !!!!!
فكنت عايزه اعرف ايه المشكله في النيفا وهي افضل ولا 128
انا هقولك على العيوب والمميزات طبعاً عن تجربه ومازالت قائمة
العربيه قوة تحمل كويسه جداً وموتور جميل وقطع غيار موجوده واسعارها فى متناول الجميع وصيانتها سهله
الناس بقى مبتحبهاش عشان صوتها خشن شويه وده عادى فى اي عربيه الكاتينه بتاعت موتورها جنزير وده فى اغلب العربيات بيبقى سير كاوتش وطبعاً الجنزير بيستحمل اكتر لأنه بينقل حركه داخل الموتور
تانى حاجه عشان عاليه بيخافوا منها فى الملفات وعلى السرعات العاليه وطبعا بيركبلها كاوتش عريض بيحل الموضوع
واخيراً دريكسيونها تقيل شويه وفى منها باور بس انا بفضلها منغير الباور لأنه مع السرعات مبيفصلش وبيبقى خطر واخيراً انتى راكبه عربيه بيتعملها احترام من اي عربيه على الطريق
طبعا ال 128 تمشى بناتى اكتر لأنها اخف واسهل فى السواقه وبرضه قطع الغيار موجوده ومنتشره والصيانه سهله واي حد بيشتغل فيها و 4ابواب بس موتورها اقل قوه والعربيه ضعيفه شويه مع التحميل الزائد
هى نصيحتى لحضرتك لو عايزه نيفا مفيش مشكله بس تكونى بتسوقى مش هتتعلمى لسه لأن الموضوع هيبقى صعب عليكى لو لسه هتبدأى سواقه وعلى فكره انا شوفت بنات كتير راكبه نيفا
وبالتوفيق ودى صورة عربيتى
[IMG]http://im32.gulfup.com/JUVxx.jpg[/IMG]
لادا سمارا. راااائعة جدا...وركوبتها جميلة وثابتة جدااا...وناعمة مووووت...وسعرها حدود 15 الف بالكتير...كانت عندي وكنت مبسوط بيها جداا..ظ
تسلم الايادى يا كبير
على فكرة طلما عايزة نيفا اتوكلى على الله احسن 1000 مرة من ال 128
وانا اوفقى الراى عشان عمللك زى الاسم مهندسة
عشان كدة بفضل العربية دى فى مجال العمل بتاع حضرتك
ولكن لو مكانش مجال العمل محتاج العربية دى
يبقى فكرة فى اى عربية سيدان تانى
ولكن بكرر طلما انتى عايزها يبقة اتوكلى على الله
مقارانات جميله ومش عايزه تعليق ولايوجد وجه مقارنه بين 128 والنيفا لان النيفا لها ناسها وال128 لها عملها على حجم امكانيتها وتقريبا السعر مش هيبقى بعيد بين الاتنين
فعلا مفيش وجه مقارنة بين الاتنين الا السعر المتقارب...أعتقد الانسب-من الناحية الشكلية بس-ال128 على اعتبار ان حضرتك بنت
طبعاً هى من ناحية التقل مش هتفرق كتير عن البيجو لأنى من غواة البيجو كمان ومعايا واحده موديل قديم بس الفرق الى بتكلم فيه ان النيفا محتاجه تحكم اكتر وده بس لما تحبى تمشى على سرعات عاليه وده على فكره فى اي عربيه عاليه عن المستوى العادى للسيدان
وطبعا لما تفكرى تشترى نيفا لازم يكون معاكى ميكانيكى او سمكرى
ومتشكر على الكومنت على عربيتى
والله المستعان
متابع اوجه المقارنه بس النيفا عمليه ومتانه وتحميل اما بالنسبه للسرعه فاممكن التحكم فيها لمعرفه قدر السياره فى السرعه والدورنات وممكن يركب لها جنوط وكوتش عريض لتلاشى الدورنات المفاجئه واصلا مصر كلها بقت زحمه مش عايزه سرعه
بصى جيبى اي عربية ماعاد 128 و127و 132 والريجاتا ممكن تجيبى سوزوكى ماروتى او سوزوكى التو موفرة جدا فى البنزين اما النيفا موتورها 1600 بتاكل بنزين وانا بحب ابص للناحية الأقتصادية والعربيتين شيك وبناتى ؟؟؟؟
طبعاً بعد اذن حضرتك انا شايف انك راكب فليشيا انا لسه بايع واحده موديل 96 1300 سى سى وكانت فوق الممتازه فابريكه بره وجوه ودلوقتى معايا نيفا واستهلاك البنزين وااااااااااااحد مش معنى انها 1600 يبقى سحبها فى البنزين كتير اهم حاجة ظبط الموتور . وعلى فكره انا حاسبلها على طريق سفر هى والفليشيا
حضرتك انا باتكلم عن سوزوكى ماروتى 800 cc او سوزوكى التو 1000 cc انجكشن ودول بيعملوا فى اللتر حوالى 20 ك جوة البلد شوف بقى فى الطوالى بيعملوا كام ؟
بالنسبة للفليشيا فى السفر بتعمل معايا 12.5 ك فى اللتر وجوة البلد 9.5 ك لتر وهى كاربراتير بالنسبة للنيفا 1600 بتعمل معاك كام كمعلومة لى ؟؟
يا افاضل انا والحمد لله معايا لادا 2107 مودل2007 وعداده عامل اليوم94000كم يوم السبت الموافق 9/1 فولت السياره بنزين 80من محطه التعاون الى فى ميدان الجيزه وسافرت الزقازيق للمرور وكنت مصفر العداد بتاع الرحلات وعملت فى اليوم ده 260كم لانى رحت اكتوبر فى نفس اليوم وكملت على العداد 40كم تانى يوم ورجعت فولت السياره اخدت25.6 لتر بنزين وافتكر ان ده معقول جدا للادا فى الاستهلاك
بس انا دايما بحافظ على ضبط الكاربرتير عند واحد فى فيصل متخصص والكهرباء عند واحد تانى اسطى فى ضبط الكهرباء والبوجيهات ngkاصلى الكترونى مقاس 16 بغيرهم كل 10000 كم والابلتين والكوندنسر بنفس الفتره والحمد الله معاى السياره تمام مش عامله مشاكل
انا عارف قصد حضرتك على العربيات الصغيره .. بس انا قصدى اني بقول لحضرتك ان استهلاك النيفا الي معايا قريب من استهلاك الفليشيا عشان اغير فكرة الاستهلاك الزياده فى البنزين يعنى فى السفر اللتر بيعمل معايا 11 الى 11.5
وده مع السرعات العاليه
متابع