اشتري تمليك ولا ايجار قديم

**Amr_MO** · 10-02-2013 08:57 AM

السلام عليكم ورحمة الله وبركاته

يا جماعة الخير انا واقع في حيرة ارجو من اصحاب الخبرات انهم يفيدوني فيها

دلوقتي انا معايا مبلغ 180 الف جنيه والمتاح دلوقتي قدامي ان اشتري شقة ايجار قديم ب 40 الف وايجار 250 جنيه شهريا

او ان اشتري نفس الشقة دي في نفس العمارة ب 120 الف جنيه

طبعا الشقة على الطوب الاحمر يعني لسة عاوزة توضيب في رينج 30 الف

في ناس تقولي اشتريها تمليك احسن وريح دماغك وتحس انها بتاعتك ومستقر فيها وميبقاش فيها قلق الايجار القديم والكلام ده حتى لما تحب تبيعها بعد كدة بعد كم سنة تجيبلك مبلغ كويس

وانا تفكيري في حاجة تانية، طيب ما اشتريها ايجار قديم واصرف على تشطيبها كويس خصوصا اني مش من هواه كل يوم انقل في شقة والكلام ده وبرضه ويتبقى معايا مبلغ اقدر اجيب بيه عربية مستعملة كويسة في حدود 40 الف مثلا بما ان عندي اسرة وطفلين بدل بهدلة ومصاريف المواصلات، وبرضه هيتبقى مبلغ كويس اقدر اعينه على جنب لأي ظرف او اشتري بيه شهادات استمثار في البنك اعينها بعيد عن ايدي المخرومة
ده تفكري ووجهة نظري

ولو انا اشتريت الشقة دي تمليك مش هيتبقى معايا حاجة او ممكن يتبقى في حدود 20 الف او اقل

طيب الصح ايه، هل فعلا الايجار القديم ليه مشاكل من اي نوع او قلق بخصوص عدم الاستقرار يعني صاحب الشقة يطالبني بيها في حالات معينة او فيها اي نوع من عدم الامان مستقبلا؟ يعني ياريت حد يشرحلي ايه هي عيوب ومساوئ الايجار القديم حسب القانون

وسؤال تاني، لو انا مثلا اشتريت الشقة دي ايجار قديم وصرفت عليها في التشطيب وخلافه، لو حبيت اسيبها هل هسترد الفلوس الي دفعتها فيها في الاول بخلاف التوضيب والتشطيبات الي عملتها ولا الفلوس الي انا صرفتها دي فيها تعتبر مرمية في الارض وملهاش اي مكسب او منفعة لو حبيت اسيبها مستقبلا؟ برضه ياريت حد يوضحلي النقطة دي

**dr.hazem** · 10-02-2013 09:17 AM

المشاركة الأصلية كتبت بواسطة Amr_MO

السلام عليكم ورحمة الله وبركاته

يا جماعة الخير انا واقع في حيرة ارجو من اصحاب الخبرات انهم يفيدوني فيها

دلوقتي انا معايا مبلغ 180 الف جنيه والمتاح دلوقتي قدامي ان اشتري شقة ايجار قديم ب 40 الف وايجار 250 جنيه شهريا

او ان اشتري نفس الشقة دي في نفس العمارة ب 120 الف جنيه

طبعا الشقة على الطوب الاحمر يعني لسة عاوزة توضيب في رينج 30 الف

في ناس تقولي اشتريها تمليك احسن وريح دماغك وتحس انها بتاعتك ومستقر فيها وميبقاش فيها قلق الايجار القديم والكلام ده حتى لما تحب تبيعها بعد كدة بعد كم سنة تجيبلك مبلغ كويس

وانا تفكيري في حاجة تانية، طيب ما اشتريها ايجار قديم واصرف على تشطيبها كويس خصوصا اني مش من هواه كل يوم انقل في شقة والكلام ده وبرضه ويتبقى معايا مبلغ اقدر اجيب بيه عربية مستعملة كويسة في حدود 40 الف مثلا بما ان عندي اسرة وطفلين بدل بهدلة ومصاريف المواصلات، وبرضه هيتبقى مبلغ كويس اقدر اعينه على جنب لأي ظرف او اشتري بيه شهادات استمثار في البنك اعينها بعيد عن ايدي المخرومة
ده تفكري ووجهة نظري

ولو انا اشتريت الشقة دي تمليك مش هيتبقى معايا حاجة او ممكن يتبقى في حدود 20 الف او اقل

طيب الصح ايه، هل فعلا الايجار القديم ليه مشاكل من اي نوع او قلق بخصوص عدم الاستقرار يعني صاحب الشقة يطالبني بيها في حالات معينة او فيها اي نوع من عدم الامان مستقبلا؟ يعني ياريت حد يشرحلي ايه هي عيوب ومساوئ الايجار القديم حسب القانون

وسؤال تاني، لو انا مثلا اشتريت الشقة دي ايجار قديم وصرفت عليها في التشطيب وخلافه، لو حبيت اسيبها هل هسترد الفلوس الي دفعتها فيها في الاول بخلاف التوضيب والتشطيبات الي عملتها ولا الفلوس الي انا صرفتها دي فيها تعتبر مرمية في الارض وملهاش اي مكسب او منفعة لو حبيت اسيبها مستقبلا؟ برضه ياريت حد يوضحلي النقطة دي

هو انا معنديش فكره عن تساؤلات حضرتك بس الاكيد من وجهة نظري انك تتملكها وربنا حيعوضك ان شاء الله...
تحياتي

Sent from my SE Arc S using Forum Runner

**dodo2000** · 10-02-2013 09:52 AM

فى الوضع الحالى لو مثلا اشتريت شقة ايجار قديم ب200 الف وطبعا هتكون فى منطقة كويسة و مساحة كويسة

صاحب البيت الى هو المالك الاصلى بياخد 100 الف و الساكن او المؤجر هياخد 100

لو جيت تبيع الشقة بعد فترة هتاخد 100 الف و صاحب البيت 100 الف

يعنى لو دفعت 200 هيرجعولى 100

والمستفيد هو صاحب البيت الاصلى لانه مش قانونى موضوع الخلو و التأجير اصلا من المؤجر فعلشان كده صاحب البيت لازم يبقى متظبط

فالافضل اشترى الشقة

**Amr_MO** · 10-02-2013 02:27 PM

اشكركم على الافادة والمشاركة

علشان بس اوضح الصورة اكتر

الشقة الي انا عاوزها صاحبها بيقولي لو هتاخدها ايجار قديم 59 سنة هتدفع 40 الف جنيه خلو وايجار 250 جنيه في الشهر

انما لو هتاخدها تمليك هتدفع 120 الف جنيه

وانا المبلغ الي معايا على بعضه 180 الف وزي ما قلت طبعا الشقة على الطوب الاحمر

الحاجة بقى الي هتخليني احدد اشتريها منه ايجار قديم ولا تمليك هو هل الايجار القديم مفهوش امان واستقرار وممكن يكون فيه قلق من الناحية القانونية ولا ايه؟ لأن انا زي ما قلت بفكر اخدها ايجار قديم واشطبها وباقي المبلغ اشتري عربية مستعملة والباقي احطه في البنك كشهادات استثمار

انما لو اخدتها تمليك وبعد التشطيب غالبا مش هتيبقى غير مبلغ صغير جدا
انا عارف ان التمليك افضل من كل النواحي خصوصا في نقطة اعادة البيع لو حبيت ابيعها بعد كدة بس انا في العموم سواء اشتريتها ايجار قديم او تمليك مش ناوي او مش بفكر اني ابيعها خالص لأنها استقرار ابدي حتى لو جالي سفر برة برضه هتفضل دي شقتي في مصر لو حبيت ارجع في اي وقت

فهنا النقطة الي محيراني ان ناس بتخوفني من الايجار القديم على حسب كلامهم بيقولوا فيه ثغرات وصاحب البيت ممكن يمشيك من الشقة ومتاخدش حاجة منه وحوارات كدة غريبة فانا بتكلم من الناحية القانونية ايه هي عيوب ومساوئ الايجار القديم علشان اقتنع فعلا انه مش امان ليا ولأسرتي

فياريت لو حد عنده كمان خلفية قانونية في الموضوع ده يفيدنا فيه جزاكم الله خيرا

**mohamed_selim** · 10-02-2013 03:34 PM

يا فندم الايجار مدته 59 سنه ... يعنى بعد 59 سنه هيكون من حقه ياخد الشقه ... فى ايه مش امان اكتر من كده؟
كمان خلى بالك ده مش ايار قديم .. الايجار القديم غير محدد المده و بيمتد لابنك او بنتك ... اللى بتعمله ده ايجار جديد بس عشان مدته طويله بياخد منك جزء كبير مقدم ...

**Ghosts** · 10-02-2013 03:39 PM

تمليك وش و ريح دماغك ....

**shaaban2008** · 10-02-2013 07:32 PM

المشاركة الأصلية كتبت بواسطة Amr_MO

اشكركم على الافادة والمشاركة

علشان بس اوضح الصورة اكتر

الشقة الي انا عاوزها صاحبها بيقولي لو هتاخدها ايجار قديم 59 سنة هتدفع 40 الف جنيه خلو وايجار 250 جنيه في الشهر
ال 40 الف جنيه دول بتخصموا بنسه من الايجار ولاكلهم رايحين
وكمان ال 250 جنيه ايجار ده بزياده سنويه ولا ثابتين
دي الحاجات اللي تقرر علي اساسها هاتشتري تمليك ولا تاجر

انما لو هتاخدها تمليك هتدفع 120 الف جنيه

وانا المبلغ الي معايا على بعضه 180 الف وزي ما قلت طبعا الشقة على الطوب الاحمر

الحاجة بقى الي هتخليني احدد اشتريها منه ايجار قديم ولا تمليك هو هل الايجار القديم مفهوش امان واستقرار وممكن يكون فيه قلق من الناحية القانونية ولا ايه؟ لأن انا زي ما قلت بفكر اخدها ايجار قديم واشطبها وباقي المبلغ اشتري عربية مستعملة والباقي احطه في البنك كشهادات استثمار

انما لو اخدتها تمليك وبعد التشطيب غالبا مش هتيبقى غير مبلغ صغير جدا
انا عارف ان التمليك افضل من كل النواحي خصوصا في نقطة اعادة البيع لو حبيت ابيعها بعد كدة بس انا في العموم سواء اشتريتها ايجار قديم او تمليك مش ناوي او مش بفكر اني ابيعها خالص لأنها استقرار ابدي حتى لو جالي سفر برة برضه هتفضل دي شقتي في مصر لو حبيت ارجع في اي وقت

فهنا النقطة الي محيراني ان ناس بتخوفني من الايجار القديم على حسب كلامهم بيقولوا فيه ثغرات وصاحب البيت ممكن يمشيك من الشقة ومتاخدش حاجة منه وحوارات كدة غريبة
الموضوع بسيط هو انك تشوف محامي محترم يصيغلك عقد الايجار
فانا بتكلم من الناحية القانونية ايه هي عيوب ومساوئ الايجار القديم علشان اقتنع فعلا انه مش امان ليا ولأسرتي

فياريت لو حد عنده كمان خلفية قانونية في الموضوع ده يفيدنا فيه جزاكم الله خيرا

ربنا يوفقك للخير