االمعلومة عارفها من المنتدى يا غالى
لكن عن غير تجربة
بس المحاولة مش هتخسرك
بس تكون عارف الرقم
هتقولى ازاى
قابله وشوف النمرة وهو جاى بيها
ليه محل ولا عنوان
عدى انت او اى حد من طرفك جنبه وخد النمرة وهيا راكنة لو عارف شكلها ونوعها
عرض للطباعة
االمعلومة عارفها من المنتدى يا غالى
لكن عن غير تجربة
بس المحاولة مش هتخسرك
بس تكون عارف الرقم
هتقولى ازاى
قابله وشوف النمرة وهو جاى بيها
ليه محل ولا عنوان
عدى انت او اى حد من طرفك جنبه وخد النمرة وهيا راكنة لو عارف شكلها ونوعها
بالنسبة للرقم اجيبه بسهولة لاني عارف عربيته وعنوانه
بس هل النيابه هتقبل الطعن وتحوله المخالفات نفسي الاقي حد كان في موقف شبيه يقولي
لان لو التظلم اترفض مافيش حل تاني غير انه يروح يعمل معارضة ومافتكرش انه هايستجيب لانه بيهرب من الاتصال والمقابلة من ساعة ماعرف المشكلة فمابالك بالقضاء
النيابه مش هترضى ترحل المخالفات عليه بدون شهاده مخالفات الى انت اخدها منها
وبعدين الترحيل بيكون على الرقم القومى بتاعه المدون فى العقد او التوكيل ولما بيجى بجدد اى عربيه تانيه او يجدد رخضه القياده بيدفعها
لو هوه اخد شهاده المخالفات من نيابه المرور وجدد بيها الرخصه هتلاقيها فى الملف
طيب معلش انت شارى العربيه امتى وتاريخ تحرير الرخصه امتى ؟ يمكن تلاقى شهاده مخالفات فى الملف بتاع العربيه تخدها وترحل المخالفات عليه ؟؟؟؟
بص يا باشا هقولك تعمل ايه بالظبط عشان كل ده حصل معايا
حضرتك روحت تجدد لاقيت مخالفات على العربية في تاريخ وجودها مع المالك القديم صح تمام
هتروح النيابة ومعاك اصل التوكيل + العقد وهطلع حاجة اسمها بيان صرف لوحات وتاخدها معاك لوكيل النيابة بكدا يبقى انت ثبت ان المخالفات على المالك القديم واوتوماتيك بتترحل على المالك القديم على عنوانه المثبت في الرخصة القديمة وتتشال من عليك نهائي
وده بالظبط حصل معايا وكان في مرور العتبة
انا لسه حاصل معايا الحوار ده بالظبط في مرور الجيزه بين السريات ... شاري العربية انا وكان فيها رخصة سنتين بتوكيل ... لما روحت اعمل شهادة المخالفات .. قاللي عليك 1350 جنيه !!! لما شوفت المخالفات لقيتها قبل ماشتري بحوالي 3 شهور ... ولحسن الحظ انا مبرميش ورق خالص ... شهادة براءة الذمه من اللي بايعلي والطلب اللي بيتقدم ده كمان معايا الاتنين الاصل مش صور بس.
دخلت لوكيل النيابه .. قولتلو ممكن اعرف الشهادة دي طلعت ازاي لما كنت بشتري؟ ازاي البس انا المخالفات دي؟
قاللي بالحرف كده ... معاك اصل العقد المسجل او التوكيلات؟ طبعا كان معايا التوكيل وكنت بايع لنفسي ومعايا عقد مسجل كمان الاصل ... وصور طبعا.
اديتهملو راح معلم بالقلم على التواريخ في الصور اللي معايا واتأكد من الاصل ... قاللي صورة البطاقة والرخصة والتوكيلات والعقد وشهادة براءة الذمه القديمه دي .. اطلع بيهم على شباك 4 وقولو يعملك مخالفات مالك سابق.
روحت للراجل ده هوا كمان راجع تاني بنفس الطريقه على الاصول .. وكتبت طلب كده جاهز عندهم .. وفيه ملخص للي حصل وانا اشتريت يوم كذا طبقا للعقد الفلاني والتوكيل العلاني .. وشهادة براءة الذمه بتاريخ كذا كذا.
الخنيق في الموضوع بقى ... قاللي تعالى كمان اسبوع او 10 ايام كده اسال عليها !!!! طبعا بعد محاولات شرعيه وغير شرعيه .. عرفت ان الموضوع فيه محامي عام وان المالك ده بيبحثو عن عربيه باسمه وتتحول عليه وحاجه زي كده ... انا مش مقتنع بالكلام ده بصراحه بس دا اللي حصل معايا بالظبط امبارح.
واديني مستني اما نشوف
ترحيل المخالفات على المالك الأصلى ده موجود وفى ناس جربتة توكل على الله وأسعى فى الموضوع هايتم ......
أنا إشتريت عربية فى شهر 10/2011 وبعتها شهر 4/2012 واللى إشتراها منى لقى عليها 1500 مخالفات طلعت بتاريخ قديم عن اللى إشتريت بيه أنا كمان من قبل الثورة مثلا ومن 2009 برغم العربية كانت مترحصة بعدها؟؟؟؟
فهمت إن المخالفات القديمة نزلت مرة واحدة عشان المرور اللى إتحرق والحوارات دى ودى مشكلة عامة.....
اللى إشترى العربية كلمنى قولتلة على موضوع ترحيل المخالفات على المالك الأصلى اللى العربية لسه بأسمة.....عشان أنا إشتريت وبعت بتوكيل
بصراحه ربنا معاك
ومتابع للاستفاده