بخصوص المخالفات والمرور

**A.Saad** · 10-02-2013 04:24 PM

االمعلومة عارفها من المنتدى يا غالى
لكن عن غير تجربة
بس المحاولة مش هتخسرك
بس تكون عارف الرقم
هتقولى ازاى
قابله وشوف النمرة وهو جاى بيها
ليه محل ولا عنوان
عدى انت او اى حد من طرفك جنبه وخد النمرة وهيا راكنة لو عارف شكلها ونوعها

**limo** · 10-02-2013 07:20 PM

النيابه مش هترضى ترحل المخالفات عليه بدون شهاده مخالفات الى انت اخدها منها
وبعدين الترحيل بيكون على الرقم القومى بتاعه المدون فى العقد او التوكيل ولما بيجى بجدد اى عربيه تانيه او يجدد رخضه القياده بيدفعها
لو هوه اخد شهاده المخالفات من نيابه المرور وجدد بيها الرخصه هتلاقيها فى الملف
طيب معلش انت شارى العربيه امتى وتاريخ تحرير الرخصه امتى ؟ يمكن تلاقى شهاده مخالفات فى الملف بتاع العربيه تخدها وترحل المخالفات عليه ؟؟؟؟

**wael_power** · 11-02-2013 08:58 AM

المشاركة الأصلية كتبت بواسطة limo

النيابه مش هترضى ترحل المخالفات عليه بدون شهاده مخالفات الى انت اخدها منها
وبعدين الترحيل بيكون على الرقم القومى بتاعه المدون فى العقد او التوكيل ولما بيجى بجدد اى عربيه تانيه او يجدد رخضه القياده بيدفعها
لو هوه اخد شهاده المخالفات من نيابه المرور وجدد بيها الرخصه هتلاقيها فى الملف
طيب معلش انت شارى العربيه امتى وتاريخ تحرير الرخصه امتى ؟ يمكن تلاقى شهاده مخالفات فى الملف بتاع العربيه تخدها وترحل المخالفات عليه ؟؟؟؟

هو بدايه تجديد الرخصة كان في شهر 2 -2010 واكيد كان في شهادة مخلفات وديه اكيد في الملف
واحنا اشترينا منه في شهر 9 -2011 وطلعلنا شهادة مخالفات واستلمناها منه وضاعت ,هل بيكون في صورة لها في الملف او نسخة من ايصال الدفع لو كان هو فعلا دافع ؟
وشكرا لأهتمامك

**M.Elgergawy** · 11-02-2013 10:05 AM

بص يا باشا هقولك تعمل ايه بالظبط عشان كل ده حصل معايا
حضرتك روحت تجدد لاقيت مخالفات على العربية في تاريخ وجودها مع المالك القديم صح تمام
هتروح النيابة ومعاك اصل التوكيل + العقد وهطلع حاجة اسمها بيان صرف لوحات وتاخدها معاك لوكيل النيابة بكدا يبقى انت ثبت ان المخالفات على المالك القديم واوتوماتيك بتترحل على المالك القديم على عنوانه المثبت في الرخصة القديمة وتتشال من عليك نهائي
وده بالظبط حصل معايا وكان في مرور العتبة

**wael_power** · 11-02-2013 12:23 PM

المشاركة الأصلية كتبت بواسطة m.elgergawy

بص يا باشا هقولك تعمل ايه بالظبط عشان كل ده حصل معايا
حضرتك روحت تجدد لاقيت مخالفات على العربية في تاريخ وجودها مع المالك القديم صح تمام
هتروح النيابة ومعاك اصل التوكيل + العقد وهطلع حاجة اسمها بيان صرف لوحات وتاخدها معاك لوكيل النيابة بكدا يبقى انت ثبت ان المخالفات على المالك القديم واوتوماتيك بتترحل على المالك القديم على عنوانه المثبت في الرخصة القديمة وتتشال من عليك نهائي
وده بالظبط حصل معايا وكان في مرور العتبة

شكرا ياباشا علي اهتمامك
بالنسبة للعقد قاصدك عقد مسجل ؟ ولا العقد الابتدائي؟

**M.Elgergawy** · 11-02-2013 01:37 PM

المشاركة الأصلية كتبت بواسطة wael_power

شكرا ياباشا علي اهتمامك
بالنسبة للعقد قاصدك عقد مسجل ؟ ولا العقد الابتدائي؟

طبعا لو مسجل هيكون افضل كتير ولو مش موجود يبقى الابتدائي وبيكون فيه محضر استلام العربية بالتاريخ طبعا

**ahmed_bq** · 19-03-2013 10:17 AM

انا لسه حاصل معايا الحوار ده بالظبط في مرور الجيزه بين السريات ... شاري العربية انا وكان فيها رخصة سنتين بتوكيل ... لما روحت اعمل شهادة المخالفات .. قاللي عليك 1350 جنيه !!! لما شوفت المخالفات لقيتها قبل ماشتري بحوالي 3 شهور ... ولحسن الحظ انا مبرميش ورق خالص ... شهادة براءة الذمه من اللي بايعلي والطلب اللي بيتقدم ده كمان معايا الاتنين الاصل مش صور بس.
دخلت لوكيل النيابه .. قولتلو ممكن اعرف الشهادة دي طلعت ازاي لما كنت بشتري؟ ازاي البس انا المخالفات دي؟
قاللي بالحرف كده ... معاك اصل العقد المسجل او التوكيلات؟ طبعا كان معايا التوكيل وكنت بايع لنفسي ومعايا عقد مسجل كمان الاصل ... وصور طبعا.

اديتهملو راح معلم بالقلم على التواريخ في الصور اللي معايا واتأكد من الاصل ... قاللي صورة البطاقة والرخصة والتوكيلات والعقد وشهادة براءة الذمه القديمه دي .. اطلع بيهم على شباك 4 وقولو يعملك مخالفات مالك سابق.

روحت للراجل ده هوا كمان راجع تاني بنفس الطريقه على الاصول .. وكتبت طلب كده جاهز عندهم .. وفيه ملخص للي حصل وانا اشتريت يوم كذا طبقا للعقد الفلاني والتوكيل العلاني .. وشهادة براءة الذمه بتاريخ كذا كذا.

الخنيق في الموضوع بقى ... قاللي تعالى كمان اسبوع او 10 ايام كده اسال عليها !!!! طبعا بعد محاولات شرعيه وغير شرعيه .. عرفت ان الموضوع فيه محامي عام وان المالك ده بيبحثو عن عربيه باسمه وتتحول عليه وحاجه زي كده ... انا مش مقتنع بالكلام ده بصراحه بس دا اللي حصل معايا بالظبط امبارح.

واديني مستني اما نشوف

**ffff** · 19-03-2013 11:37 AM

ترحيل المخالفات على المالك الأصلى ده موجود وفى ناس جربتة توكل على الله وأسعى فى الموضوع هايتم ......
أنا إشتريت عربية فى شهر 10/2011 وبعتها شهر 4/2012 واللى إشتراها منى لقى عليها 1500 مخالفات طلعت بتاريخ قديم عن اللى إشتريت بيه أنا كمان من قبل الثورة مثلا ومن 2009 برغم العربية كانت مترحصة بعدها؟؟؟؟
فهمت إن المخالفات القديمة نزلت مرة واحدة عشان المرور اللى إتحرق والحوارات دى ودى مشكلة عامة.....
اللى إشترى العربية كلمنى قولتلة على موضوع ترحيل المخالفات على المالك الأصلى اللى العربية لسه بأسمة.....عشان أنا إشتريت وبعت بتوكيل

**Abo Yasso** · 19-03-2013 12:27 PM

بصراحه ربنا معاك
ومتابع للاستفاده

-

الموضوع: بخصوص المخالفات والمرور

LinkBack

أدوات الموضوع

عرض

-

-

-

-

-

-

المواضيع المتشابهه

بخصوص شهادة المخالفات الخاصه برخصه القياده

بخصوص المخالفات :(

بخصوص المخالفات :(

استفسار بخصوص شهادة المخالفات

استفسار بخصوص المخالفات

الكلمات الدلالية لهذا الموضوع

المفضلات

المفضلات

ضوابط المشاركة