الموضوع: بخصوص المخالفات والمرور

شكلي كده هلبس المخالفه الكبيره دي بالراحه اوي من الاخر...
المفروض انهم قالولي في مرور الجيزه ان المخالفه الصغيره ام 20 جنيه دي لازم عشان اشيلها اروح مرور الهرم لانها مش تبعهم.

اللي حصل من اللينكه بتاع النت اللي ممكن اشوف المخالفات بتاع العربيه لقيتهم شالو المخالفه ام 20 جنيه دي وسابولي المخالفه التقيله ام 1300 ...
واحد صديقي بيقول انهم بيعتبرو التوكيلات ملهاش لازمه لانها مازالت باسم مالك واحد والمخالفات التي تنزل عليه لازم تدفع لانها على المالك ... لو كان معايا عقد مسجل من زمان كانت اتشالت بسهوله ... لكن انا كنت شاري العربيه فيها رخصه سنتين ومشيت بالتوكيل السنتين دول ولسه عامل عقد وبايع لنفسي بالتوكيل من اسبوعين .. فممكن ينفضو للموضوع ده حتى لو كان اللي بايعلي جايبلي براءة زمه... وطبعا لو قولت للي بايعلي انا شاري منك العربيه من سنتين وعليك فلوس وبتاع ... اساسي هيقولي انتا مين اصلا :)

السؤال هنا بقى: هل العقد الابتدائي بينفع في القصص دي .. خصوصا ان الناس كلها عارفين ان التوكيل معناه بيع وشرا .. بس هنعمل ايه في الوساخه والروتين ... انا هروح يوم السبت مرور الجيزه اشوف ايه القصه ورسيت على ايه... وهبقى احكيلكو للاستفاده.

السؤال التاني: المخالفه المنيله دي ... تعمد سير عكس الاتجاه دي ب 1000 والاعتداء على عسكري المرور دي 300 ... هل من الممكن وكيل النيابه يخفضها او يشيلها ؟ انا ممكن اتحايل عليه واعيطلو عادي :)

الحاجه التانيه بيقولو مرور الدراسه ممكن تروح تنجز منه كل حاجه خاصه بالمخالفات ... محدش يعرف حد هناك سواء مرور الجيزه او الدراسه ... اي حد وانا هروقه يعني وهشوفه :) ما باليد حيله يا هلبس المخالفات واريح دماغي.

المشاركة الأصلية كتبت بواسطة ahmed_bq

شكلي كده هلبس المخالفه الكبيره دي بالراحه اوي من الاخر...
المفروض انهم قالولي في مرور الجيزه ان المخالفه الصغيره ام 20 جنيه دي لازم عشان اشيلها اروح مرور الهرم لانها مش تبعهم.

اللي حصل من اللينكه بتاع النت اللي ممكن اشوف المخالفات بتاع العربيه لقيتهم شالو المخالفه ام 20 جنيه دي وسابولي المخالفه التقيله ام 1300 ...
واحد صديقي بيقول انهم بيعتبرو التوكيلات ملهاش لازمه لانها مازالت باسم مالك واحد والمخالفات التي تنزل عليه لازم تدفع لانها على المالك ... لو كان معايا عقد مسجل من زمان كانت اتشالت بسهوله ... لكن انا كنت شاري العربيه فيها رخصه سنتين ومشيت بالتوكيل السنتين دول ولسه عامل عقد وبايع لنفسي بالتوكيل من اسبوعين .. فممكن ينفضو للموضوع ده حتى لو كان اللي بايعلي جايبلي براءة زمه... وطبعا لو قولت للي بايعلي انا شاري منك العربيه من سنتين وعليك فلوس وبتاع ... اساسي هيقولي انتا مين اصلا :)

السؤال هنا بقى: هل العقد الابتدائي بينفع في القصص دي .. خصوصا ان الناس كلها عارفين ان التوكيل معناه بيع وشرا .. بس هنعمل ايه في الوساخه والروتين ... انا هروح يوم السبت مرور الجيزه اشوف ايه القصه ورسيت على ايه... وهبقى احكيلكو للاستفاده.

السؤال التاني: المخالفه المنيله دي ... تعمد سير عكس الاتجاه دي ب 1000 والاعتداء على عسكري المرور دي 300 ... هل من الممكن وكيل النيابه يخفضها او يشيلها ؟ انا ممكن اتحايل عليه واعيطلو عادي :)

الحاجه التانيه بيقولو مرور الدراسه ممكن تروح تنجز منه كل حاجه خاصه بالمخالفات ... محدش يعرف حد هناك سواء مرور الجيزه او الدراسه ... اي حد وانا هروقه يعني وهشوفه :) ما باليد حيله يا هلبس المخالفات واريح دماغي.

- علشان تعمل مالك سابق لازم يكون معاك براءه ذمه معاصره لتاريخ الشراء بمعنى لو انت شارى بتوكيل تكون معاصره لتاريخ التوكيل و لو شارى بعقد تكون معاصره لتاريخ العقد ومعنى ان الشهاده تكون معاصره يعنى تكون اقل او اكتر ب15 يوم ( مده صلاحيه الشهاده ) لتاريخ العقد او التوكيل
-تانى حاجه لو انت شارى بتوكيل بيع لازم تعمل عقد مسجل لنفسك مش لاى حد تانى ( يعنى مينفعش تعمل عقد مسجل لاخوك حتى )
- لو المخالفه جايه على الرقم القديم لازم تجيب حاجه اسمها بيان صرف لوحات علشان تثبت علاقه الرقم القديم بالجديد .
-لو الورق بتاعك مكتمل بتصور الرخصه والبطاقه والعقد والتوكيلات وبراءه الذمه وبتملى طلب كده وتقدمه لوكيل النيابه وبيقولك تعالى كمان ثلاث ايام او اسبوع فى الحدود ده