أنا حالياً بدور على شقة في القاهرة .. وبفضل الأماكن الجديدة عشان الهدوء والتخطيط كويس
شفت في التجمع الخامس .. بس الأسعار عالية والمساحات صغيرة جداً عشان سياسة البناء هناك :H_angry[1]:
ومن كام يوم كنت عند كارفور المعادي وشفت منطقة (المعراج) وأول مرة أشوفها
وفيها أبراج وشقق كويسة جداً ..
بس عايز رأي حد ساكن هناك في المنطقة ومميزاتها وعيوبها عشان أقدر آخد القرار الصح
اخى الكريم
انا ساكن قريب من المنطقه دى و لى ناس سكنين هناك و انا راى فيها كالتالى:-
1- موقع مميز بنسبه للقاهره يعتبر متوسط جغرافيا ( وخاصتا انها على الدائرى)
2- تنوع المساحات و اسعار الشقق
3- منطقه تعتبر بكر و لازالت الكثافه السكانيه بها قليله ( وده نادر فى القاهره)
4- مستوى الناس كويس ( متوسط و فوق المتوسط )
يعيبها حاجات ... بسيطه باذن الله
1- لابد من وجود سياره
2- بعض المناطق بها هادئه جدا و خصوصا ليلا
3- عدم استكمال المرافق الاساسيه بشكل كامل ( عادى هتتظبط قريب باذن الله) زى الغاز و رصف الشوارع و الاناره لكن المياه و الكهرباء كويسه
4- اسعار المواد الاساسيه اغلى شويه من المنصوره مثلا
ده تقريبا الى انا لامسته فى المنطقه دى
اتمنى لك التوفيق باذن الله
المنطقة كويسة...كنت بلف هناك مع واحد صاحبي من شهر كده...ميزتها انها قريبة من كل حاجة... و أسعارها معقولة جداً...المتر هناك من 1900 و انت طالع لحد 2500...تسليم فوري بس هي فيها بعض العيوب:
1- و انت ماشي تحس بالعشوائية شوية...مافيش عمارة شبة التانية...طويلة و قصيرة و عريضة و رفيعة...و ألوان غريبة و تشطيب نضيف و تشطيب أي كلام...يعني ماتحسش انها متجانسة
2- الشوارع مكسرة و وصعبة جداً
3- بالليل الدنيا ضلمة و هدوء قاتل...و مافيش رجل جامدة هناك...و طبعاً لازم على الأقل عربية واحدة في البيت
انت ركز في الحتة اللي بره خالص اللي قدام سور المنطقة العسكرية..عمرانة إلى حد كبير و عجبتني الصراحة
مدينة المعراج علوى - سفلى / ممتازة جدا
الشوارع غير ممهدة الى حد ما لان بعض المرافق تحت التنفيذ
بها جميع الخدمات - قربها من الدائرى - الهرم - التجمع - مدينة نصر
كارفور - مولات غصن الزيتون
عندى عمارة هناك فى السفلى - مميزة جدا - بحرى - ناصيتين - ثلاث شوارع
جارى تشطيب الواجهات والمداخل
متبقى عدد 3 شقق
الشقة 155 م2 كاش 385000 الف
قسط 430000
اى استفسار تحت امرك 01223341501
تقسيط على فترة قد ايه ؟اقتباس:
المشاركة الأصلية كتبت بواسطة ahmedkhairy
المنطقة كويسة لكن للاسف مشكلتها ان كل واحد بيبني بمزاجوا !!
منطقه كويسه و مستقبلها كويس هي تعتبر تحت الأنشاء خاصه المعراج العلوي بس طبعا كونها اغلبها اهالي فده مديها طبع عدم التناسق طبع يعيب المكان او يميزه ( حسب ميول الشخص) للهدوء الرهيب و ضروره وجود سياره طبعا
انا ساكن هناك
كما تفضل الزملاء المنطقه واعده جدا جدا
ديه خريطه المدينه
https://fbcdn-sphotos-h-a.akamaihd.n...53944757_n.jpg
يتضح منها ان المكان الجغرافي مميز جدا
تعدد المداخل
القرب من الطرق الرئيسيه
المنطقه سكنيه بلاساس
اغلبها اربعه ادوار
سعر المتر في السفلي متوسطه 2500 جنيه
انا عندي المعراج احسن كتير من التجمع
ويارب الناس تفضل عميانه عنها