كل سنة وانتم بخير
عرض للطباعة
كل سنة وانتم بخير
السلام عليكم ورحمة الله وبركاته
كل عام وانتم بخير
لما قريت الموضوع كعضو عادى وشوفت رد فعلكم وقريت مشاركاتكم
ومشاركات ناس كانت اختفيت من فترة ناس سمعت عنهم معرفتهومش
ناس شوفت لمساتهم وموضوعاتهم ومشاركاتهم وتميزهم فى كل ركن من اركان نايل موتورز
حسيت بجد بضآلة الدور اللى بقدمه فى نايل موتورز
اسماء كتير اوى صنعت نايل موتورز من العدم ساهمت فى تكوين اكبر داتا بيز عن السيارات
انضمامى لنايل موتورز كان فى ازهى عصوره عام 2009
كان بالفعل ولازال يمثل اكبر قبلة لعشاق السيارات وكل باحث عن معلومة او حل لمشكلة
او نصيحة قبل الشراء
تعاون وتماسك شديد جدا ولوجه الله بين الاعضاء مش بس فى تخصص السيارات لكن كمان عالمستوى الاجتماعى
كنت لما تقرا موضوع وتيجى ترد عليه بمجرد ما تكتب الرد وتعتمده تلاقى 10 ردود واكتر تعمل ريفريش تلاقى مشاركات جديدة موضوعات جديدة
حقيقى نايل موتورز كان المنتدى الوحيد اللى فيه النشاط الشديد والمميز بالشكل ده
والحمدلله انه مازال محتفظ بهذا التميز رغم المنافسة الشديدة والشرسة من الفيس بوك حاليا :-)
اعتقد انه المنافس الوحيد لينا حاليا لكن الحمدلله لسة واقفين على رجلينا ومكملين بقوة وتميز
بمشاركاتكم ووجودكم معانا
بالروح الخاصة جدا التى تميز ترابط اعضاء المنتدى حيث ان اكثر ما يميز نايل موتورز عن غيره
هو الترابط الاجتماعى والعطاء المتناهى بين اعضائه
شكرا لكل الاعضاء الذين اسسوا وساهموا فى بناء نايل موتورز
شكرا لكل الاعضاء الذين ساهموا فى استمرار نايل موتورز
شكرا لكل عضو ساهم ولو بكلمة شكر على معلومة وجدها او مشكلها لقى حلها
شكرا لكل عضو شارك ولو بدعوة لكل من اعان وساعد الاخرين
شكرا لكل زائر شرفنا بزيارة المنتدى ونتمنى يكون وجد لدينا مبتغاه
واولا واخيرا كل الشكر والحمد لله على ما وهبنا اياه وما اعاننا عليه
اللهم صل على محمد وعلى آله وصحبه أجمعين
افضل و احسن منتدى اشتركت فيه و شكرا لكل اعضاءه الكرام
جزاكم الله خيرا على هذه الروح الطيبة
الف شكر على المعلومات والمشاركات القيمه من حضراتكم
والى المزيد والتألق دائما
كل عام وانتم بخير
صراحه مش قادر احبس دموعى بجد بعد اللى قريته فى الموضوع ومشاركه كريم منير ... لا أجد الا ان اقول جزاكم الله عنا خيرا وحاجه تانيه ..... متمناش دلوقتى أكتر من حاجتين:
أولا : ربنا يوفق المنتدى أكثر و أكثر لحد مايوصل ﻷحسن ترتيب عالمى
ثانيا : يارب الروح اللى فى المنتدى دى تغمر مصر كلها
كل سنة والمنتدي بخير والي الامام دوما
ياالله على الروح الجميله نفسى اشوف بلدى زى منتدانا كده نفس الروح نفس الحماس
كل عام و انتم بخير
شكرا لهذا المنتدي المحترم و الداعيمين له و كل الاعضاء الكرام
دائما في تقدم وعلو ان شاء الله
كل عام ونايل موتور في تقدم وازدهار
كل عام ونايل موتورز في تقدم وإزدهار ان شاء الله
شكرا نايل موتورز
كل سنه وانتم طيبين مشرفين واعضاء اعظم منتدي .
موقع عظيم
لا أجد أفضل من الدعاء لكم وللموقع ولمصرنا الحبيبة على الكثير من المعلومات الغالية التي أفادتني انا شخصيا في الكثير من المواقف وبالتأكيد أفادت الكثيرين في هذا الموقع ،
اللهم وفق أصحاب الموقع وأعضاؤه للخير دائما يارب العالمين وأجعلها مكتوبة لهم في ميزان حسناتهم
وأجعل اللهم هذا الموقع دائما وأبدا مقداما للخير لكل من يدخلة ويقرأ فيه أعضاءا أو زوار يارب العالمين
ووفق بلدنا مصر وأجعلها آمنه مطمئنة سخاءا رخاءا وسائر بلاد المسلمين ..... آمين يارب العالمين
كل عام وانتم بخير
كل عام والمنتدى العظيم ده بكل خير ان شاء الله ...
ويجزى الله القائمين عليه كل خير ان شاء الله ....
كل سنه وكل اعضاء نايل موتورز طيبين وبخير
السلام عليكم ورحمة الله وبركاته
كل عام وحضراتكم جميعًا بخير وسعادة، وهذا المنتدى الرائع في تقدم مستمر، وهو تجسيد فعلي لما يمكن يُبنى ويعلو من مجرد فكرة بسيطة، وحلم بسيط بدأناه انطلاقًا من كونتاكت كارز أنا ومجموعة الأخوة الأعزاء المؤسسين لهذا المنتدى والوارد ذكرهم في صدر هذا الموضوع، ولهم مني كل الحب والتقدير..وإن منعتنا مشاغل وظروف الحياة من الالتقاء إلا أن الود موجود والشكر موصول للجميع.
وتقبلوا خالص تحياتي
انا عضو جديد اتمنى ان تقبلونى
بعد قرائتى للموضوح عجز لسانى عن التعبير
ولاكن ساسعى جاهدا لخدمة المنتدى والتعاون معكم ان كان الى مكان بينكم
مهندس اسامه محمد
كل عام وانتم بخير
تسلموا
أشكر الأعضاء المحترمين على ما بذلوه من جهد كبير.
كل عام وانتم بخير
كل سنه والمنتدى طيب وكل اعضاوه بخير فعلا لما الواحد بيدخل هنا بيكتسب معلومات جديده وبيفهم حاجات مكنش يعرفها ومش بيضيع وقت ابدا مزيد من النجاح والاستمرار وان شاء الله الكل يستفاد
موفقين ان شاء الله
كل سنه ونايل موتورز بخير يا احلى منتدى والوحيد فى حياتى النتاويه
كل سنه وكل اعضائه بخير يارب
شكراا للجميع على جهودهم المثمرة
ربنا يوفقكم
كل عام وانتم بخير ومن تقدم الى تقدم باذن الله افتكرت اسمي مكتوب بس مش مهم المهم ان في ناس انا بحبها اسمها مكتوب وتستاهل فعلا ............
تحية وتقدير لإدارة المنتدى وكل القائمين وكل الاعضاء واتشرفت بكونى عضو معكم
السلام عليكم
صراحة من أول نزول الموضوع و أنا بحاول أني أرد و مش عارف.......حاسس أني مش عارف أعبر عن اللى بداخلي فعلاً.
أولاً أنا بشكر الإدارة على تكريمي فى الموضوع ده.
و ثانياً أنا فعلاً نايل موتورز بيمثل لي أكتر من مجرد منتدى على الأنترنت بدخل عليه شوية و خلاص.........أنا مشترك فى الكثير من المنتديات منها منتديات سيارات و منتديات تقنية كتير.........بس مفيش منتدى منهم بدخله بصفة يومية غير نايل موتورز.......بحس أن اليوم فيه حاجة مش طبيعية لو عدى بدون ما أدخل.
تحية شكر و تقدير للمؤسسين......اللى ساعدوا على تحويل الفكرة لواقع ليستفاد اليوم أكثر من 130 ألف عضو من منتدى بقوة و حجم نايل موتورز.
و تحية أخرى للقائمين على المنتىدى من مجلس إدارة و مشرفين و منسقين و لكل من ساهم فى المنتدى بخبرته و تجاربه لكي يستفيد منها غيره و جعله الله في ميزان حسانتكم جميعاً.
و أخيراً رحمة الله على الأعضاء الذين توفاهم الله و نسأل الله لهم الرحمة و المغفرة و الجنة.
ياااااااااااااااه انتو لسة فاكرني :)
فيكو الخير والله
بجد فعلا الواحد اتشرف بمعرفة ناس كتير محترمين من المنتدى وكون صداقات غالية وكمان استفاد من ناس كتير من خلال المنتدى بدون ما يتعرف عليهم او يقابلهم والقائم على كل دا هم ادارة المنتدى اللي ليها جزيل الشكر على مجهودهم الكبير في تنظيم ومتابعة المنتدى بالشكل دا
وشكرا جزيلا على ذكر اسمي في لوحة شرف المنتدى
اه صحيح كنت هانسى " هابي فلانطنطن داي " :)
منتدى عظيم وفى تقدم ان شاء الله
شكرا
Kol sana w nilemotors f naga7 mostamer isa gazakom allah 5er isa