بفكر استغل عربيتى فى تحسين دخلى

**naim82** · 10-02-2013 11:27 AM

معايا فيرنا 2009 و بفكر استغلها فى اى حاجة بعد الضهر تدخل فلوس ... فكرت فى موضوع الليموزين بسائق دة بس مش عارف اروح فين و اجى منين و ايه اللى اخللى بالى منه لو دوست فى الموضوع دة .. فا لو حد ليه خبرة فى الموضوع دة ياريت يفيدنى , و لو فيه اى حاجة تانية اقدر اعملها بالعربية قولولى عليها .. شكرا .

**aly_moh** · 10-02-2013 11:49 AM

السلام عليكم انا معايا كارينز و فكرت برضوا فى كدا فاقلت انا هعمل اعلان فى الوسيط و من الساعة 7 الى الساعه 11 كل يوم ماعادا الجمعة و و انى استخدمها فى نقل و انتقالات عائلات و بسعر مثلا 2 جنية لكل كيلومتر و ساعة الانتظار برضوا بمبلغ بس ماحسبتهاش
انا بقولك فكرت ازاى بس انا لازلت فى مرحلة التفكير و ماكنش عندى الشجاعة انى اقدم على الخطوة دى بسبب ظروف البلد و ان مفيش امن خالص

**naim82** · 10-02-2013 12:29 PM

المشاركة الأصلية كتبت بواسطة aly_moh

السلام عليكم انا معايا كارينز و فكرت برضوا فى كدا فاقلت انا هعمل اعلان فى الوسيط و من الساعة 7 الى الساعه 11 كل يوم ماعادا الجمعة و و انى استخدمها فى نقل و انتقالات عائلات و بسعر مثلا 2 جنية لكل كيلومتر و ساعة الانتظار برضوا بمبلغ بس ماحسبتهاش
انا بقولك فكرت ازاى بس انا لازلت فى مرحلة التفكير و ماكنش عندى الشجاعة انى اقدم على الخطوة دى بسبب ظروف البلد و ان مفيش امن خالص

مهية ظروف البلد دى اللى موقفانى بس لازم نعمل حاجة مش حنفضل مستسلمين كدة .. احنا نسعى على طلب الرزق و ربنا يستر
انا برضه فى مرحلة التفكير و فيه فكرة احلى من الوسيط ناس قالتلى عليها . انك تلف على كل معارض تأجير السيارات و تسيب نمرة تليفونك و نوع عربيتك و هما حيجيبولك الشغل و ياخدوا نسبة

**zinger** · 10-02-2013 01:29 PM

فى كمان فكره ممتازه لإستغلال السيارة وهى توصيل تلاميذ المدارس (الخاصة طبعا) تشوف مدرسه تكون قريبه منك ومستواها المادى كويس وتحاول تشوف حد من السكرتاريه أو مشرفات الباصات وتديهم رقم تليفونك وربنا يكرم
والقصه كلها حتكلفك ساعه الصبح وساعه آخر اليوم والعائد المادى كويس ومجزى جدا

**m_medo** · 10-02-2013 01:33 PM

والله لو عايز رأيى بلاش تهين العربية وكمان انت مش عارف مين اللى هيركب معاك و نيته ايه

**naim82** · 10-02-2013 01:42 PM

المشاركة الأصلية كتبت بواسطة zinger

فى كمان فكره ممتازه لإستغلال السيارة وهى توصيل تلاميذ المدارس (الخاصة طبعا) تشوف مدرسه تكون قريبه منك ومستواها المادى كويس وتحاول تشوف حد من السكرتاريه أو مشرفات الباصات وتديهم رقم تليفونك وربنا يكرم
والقصه كلها حتكلفك ساعه الصبح وساعه آخر اليوم والعائد المادى كويس ومجزى جدا

هية طبعا فكرة حلوة بس متنفعش لواحد بيطلع من شغله الساعة 4 العصر

**أبو يوسف** · 10-02-2013 02:02 PM

انا كمان فكرت أعمل كدة
لانى العربية عليها ديون كتيير
بس مش عارف اعمل اية ؟

**bassemali** · 10-02-2013 02:38 PM

متابع بأهتمام

**aly_moh** · 10-02-2013 03:53 PM

لا سيبك من شغل المعارض و الكلام دا دا ممكن يعملك كمين ويرفع منك العربية انما توصل سيدات او اطفال " مشواير عائلية " كدا دا حلو و خفيف و كمان التوصيل فى مناطق راقية :)