Mirror less Camera

**eng_maged** · 10-02-2013 11:45 AM

السلام عليكم
انا حبيت ابتدي مناقشه معاكم عن الكاميرات ال Mirror less. لاني في رائيي الكاميرات ده هتكون هي المستقبل. ممكن ناس كتير تختلف معايا بس انا حاسس انها مع التطوير هتكون افضل من غيرها.

نبذه مختصره : الكاميرا ده بتتصنع من غير مرايات داخليه وكل حاجه بتحصل فيها بتكون ديجيتال. و ال View Finder بتاعها بيكون ديجيتال. ده بيخلي حجمها صغير اوي

مميزاتها : كاميرا بروفيشينال بحجم اصغر بكثير ولكن السنسور حجمه كبير زي اي كاميرا بروفيشينال.
عيوبها : مفيش فيها Optical View Finder وكمان ال Auto focus البطئ واللي مؤخرا ابتدى يبقى افضل بكتير.

سؤالي: لو ليك خبره او استخدمت اي كاميرات من النوع ده. يا ترى انت ايه رايك في الكاميرات ال Mirror Less وعلى رأسهم السوني نكس. الفئه الخامسه بالذات. هل حد جربها او سمع عنها .. هل ليها عيوب معينه.

شكرا

**Sameh** · 16-02-2013 08:43 AM

موضوع جميل يا ماجد
انا كمان شايف ان مستقبل التصوير هيكون لل mirror less ب لما يحلوا مشاكلها الحالية والمتمثلة خصوصاً فى الاوتوفوكاس
ولو انهم مش هيسمحوا ابداً ان عرش ال DSLR يهتز لأن دى صناعة وبيزنس كبير جداً وخطوط انتاج كتير بتنتج عدسات ليها وغيره
انما الاكيد ان الميرورليس هتنتشر بمرور الوقت
بالنسبة لسونى انا جربتها فى معرض فى ماليزيا ، ماقدرش اقول غير ان جودة الصور ممتازة ، انما هى احساس مختلف الحقيقة ، كأنك بتاكل اكلة انت بتحبها بس الملح مش مظبوط :)

**hany63** · 16-02-2013 12:53 PM

اللي بيحب السوني لازم يكون ابتداء تصوير بيها
انما صعب مثلا واحد معاه كانون او نيكون يغير لسوني حتى لو امكانياتها اعلى
الموضوع ده عامل زي الخلطه السريه اللي كنتاكي و تكا بيعملوها و استحاله اي مطعم يعرف يظبطها
معلش على التشبيه اصلي جعان شويه

**eng_maged** · 16-02-2013 02:00 PM

المشاركة الأصلية كتبت بواسطة hany63

اللي بيحب السوني لازم يكون ابتداء تصوير بيها
انما صعب مثلا واحد معاه كانون او نيكون يغير لسوني حتى لو امكانياتها اعلى
الموضوع ده عامل زي الخلطه السريه اللي كنتاكي و تكا بيعملوها و استحاله اي مطعم يعرف يظبطها
معلش على التشبيه اصلي جعان شويه

مش لازم سوني. في انواع كتير mirror less ومنها كمان نيكون وكانون