-
بص يا باشا انا معاك فى ان الواحد فعلا بيفكر الف مره قبل ما يدفع الفلوس اللى معاه فى عربيه و بيشوف ايه انسب للفلوس و قطع الغيار و الاعتماديه و و و
بصراحه انا مش هقدر اتكلم كلمه واحده بعد اللى انت قولته ده
انت بسم الله ما شاء الله واصف العربيتين وصف جميل اوى و محدد فعلا كل حاجه انت عايزها
.
انا بصراحه من عشاق اللانسر بس بجد التيدا اثبتت نفسها بشكل فظيع
و طالما انت ركبتها و حسيت ناحيتها بارتياح ( و ده من رايى اهم شىء ) يبقى توكل على الله
و لى ما تفكر تصلح فيها حاجه لا قدر الله هيكون فات كتير و قطع غيارها رخصت
و لو لا قدر الله اتخبطت ولا اتجرحت
كده كده حتى لو شاهين هتتصلح و تترش
.
-
طيب يا رجالة انا دلوقتي اختياراتي كالآتي:
- تيدا
- صني
- لانسر
بالترتيب. الفكرة حاتبقى في توفر العربية للتسليم الفوري من عدمه. يا ترى ايه رأيكم في الصني؟ انا شايفها شخصيا عربية كويسة جدا بس الناس قالتلي انها خفيفة زيادة عن اللزوم وصاجها خفيف يا ترى ده حقيقي؟ ايه رأيكم؟
-
يا باشا اللانسر حرام تجيبها زيرو بكل بساطه عربيه بقت قديمه فحت و اشتغلت تاكسى بالفعل و قطع غيارها الاصليه غاليه مش عارف مين الى قال انها رخيصه - المضروب موجود اه و رخيص بالنسبه للاصلى - ده غير شكلها الى قدم خلاص و مبقاش ينفع لعربيه فى 2013 شكل من سنه 2000 و ماتور من 2004
التيدا عربيه محترمه طبعا و شكلها الهاتش باك حلو جدا جدا و مع حبه تظبيطات هتبقى تحفه و ثباتها حلو لغايه 140 زى اللانسر ( اللانسر الطول و اتقل بس ثباتها مش قد كده )
هات يا باشا التيدا زيرو و هتقعد معاك على الاقل 3 سنين مبتروحش لبتوع قطع الغيار و صياناتك العاديه فى التوكيل و زيوت و فلاتر و تيل و خلاص على كده
بالمناسبه تيل اللانسر الاصلى بره التوكيل ب 550 جنيه ( مش عارف فى التوكيل بالضريبه بكام على كده )
Content Relevant URLs by
vBSEO 3.6.0 PL2