الموضوع: محتاج اشترى مسرح منزلى اشتري ايه من واقع خبراتكم

سونى يا باشا شاشه نضيفه جدا و تصنيع بجوده عاليه ده فى التلفزيون و طبعا فى المسرح المنزلى سونى سماعاتها جودتها عاليه جدا و تصنيع محترم

نصيحه ما تشتريش مسارح جاهزه الافضل انك تشتري المكونات كل حاجه لوحدها يعني هات السماعات لوحدها وهات الريسيفر لوحده بالنسبه للسماعات انصحك بالياماها او بولك اوديو او جامو او انكيو وطبعا انا كاتب ترتيبهم من الافضل الي الاقل يعني الياماها افضلهم والريسيفر برضه انصحك بالياماها او اونكيو وان كنت افضل الياماها وعلي فكره كل الموديلات الي كتبتها لك في منها اكثر من فئه يعني بتلاقي فيها فئات دنيا وفئات متوسطه وفئات عليا وده ينطبق علي السماعات والريسيفرات في سماعات اسمها برادايم بس ما اعتقدش في منها في مصر شفتها في الكويت في معرض اليوسفي للالكترونيات شفت منها فئه سعرها بما يعادل خمسين الف جنيه هههههههههههه تخيل السعر انا مرضيتش اكتبها ٥٠٠٠٠ لحسن تفتكر ان في صفر ذاد مني ولا حاجه هههههه عموما مش هقدر اوصفلك صوتها كان عامل اذاي بس كل الي اقدر اقوله لك اني سمعت مشهد من فيلم ٣.١٠ to yoma بتاع راسل كرو وكان فيه مشهد اطلاق نار وكنت احس ان الرصاصه بتعدي جنب ودني ههههههههه اه والله ذي ما بكلمك التوزيع الصوتي بتاع الفيلم مالوش حل والسماعات احترافيه لابعد الحدود وكمان الريسيفر نقاء الصوت فيهم مالوش حل وتسمع فيه ادق التفاصيل وحتي البيز كمان بتاع السب ووفر بيز عميق جدا وفي نفس الوقت مش مذعج بمعني انه تحس بيه ولكن يادوب تسمعه هو عموما داون فيرنج يعني بيضرب البيز في الارض والسماعه بتلاقيها بالاسفل تقريبا ١٥ انش القطر بتاعها وفي سبووفرات اب فيرنج ودي بتلاقي السماعه في الجهه الاماميه من السبووفر وده بيكون مزعج شويه والاهتزاز بتاعه اقل وفي مشهد تاني برضه سامعه كان فيه عربيه بتتقلب وفي رمل طبعا وزلط من اثر الحادثه وقلبت العربيه كنت حاسس ان الرمل والذلط جه علي ههههه

صوره للبرادايم




وده جدول فيه بعض اسعار الفئات بس ما تتخضش من الاسعار