الموضوع: العربية طلعت دخااان من فرن الشكمان

السلام عليكم

حصلت حاجة غريبة في العربية امبارح , هي شيفرولية لومينا 2002 خليجي
كانت الحرارة عليت بسبب مشكلة في غطاء الردياتير وصلحته حمد الله , كانت الميا قلت شويا طبعاا لما خرجت من الغطا , فا وقفت في مكان اشتري حاجة وسبتها تبرد شويا عشان ازود ميا .
فا خلصت مشواري ورجعت فتحت الكبوت وفتحت غطا الردياتير لاقيت الميا لسه بتغلي وفااااااااااااارت واتدلقت كلها في الشارع لحد مافضي الردياتير خاااااااااالص.

كان معايا جركن ميا 2 لتر فا حطيته فيها وطبعا ماكافاش وقولت امشي بيهم لحد ماراوح .... ودي كااااااااااانت المصييييبة .

في الطريق سمعت صوت كركرة لما ادوس بنزين وفضل الصوت يزييييد ويزيييييييد لحد ماباقت عاملة زي العربية النقل روحت واقف وفتحت الكبوت لاقيت دخاااان كمان خارج من فرن الشكمان (مخرج الشكمان في الموتور), فا واحد ميكانيكي اعرفه قالي دا زييت نازل على الشكمان فا بيتحرق ويطلع دخان كدا.

فا بطلت العربية و سبتها تبرد نص ساعة , كنت جنب البيت ب 1 كم بس , بعد نص ساعة كان الدخان وقف , دورت العربية لاقيت الصوت خف شويا ومشيت بيها لحد البيت.

النهاردة الصبح نزلت دورتها ومالتها ميا للاخر ومشيت بيها تقريبا 2 كم بسرعة 20- 40 والحرارة في حدود ال70 ولاقيت مافيش صوت ولا دخان خااااااالص ولا اكن في حاجة حصلت امبارح .

السؤال بقا : ياترى الصوت والدخان دول كانو بسبب الحرارة بس ولما بردت خلص الموضوع ؟؟ ولا اول ماجري بسرعة شويا وتسخن هايرجعو تاني ؟ ؟؟؟؟

ياريت اللي عنده معلومه يفيدنا يارجالة , خايف امشي بيها بعيد شويا تعملها معايااااااا

المفروض ماتسكتش علي كده وحاول تكشف عليها عند ميكانيكي يكون شاطر علشان لو مشكلة صغيره ماتسيبهاش تكبر