بدء العمل بمترو العاشر من رمضان اخر العام الحالي

مترو العاشر من رمضان يدخل حيز التنفيذ نهاية العام ... ورجال اعمال مصريون يمولون المشروع بنظامBOT .. رئيس جمعية مستثمري العاشر من رمضان: الخط الأول سيبدأ من محطة عين شمس بالقاهرة الي العاشر من رمضان, والثاني سيمهد الطريق الي ربط مدينة الزقازيق بالعاشر من رمضان عبر مدينة بلبيس .. ويؤكد: خط المترو ستقضي بشكل جذري علي المعاناة في انتقال العمالة من القاهرة والشرقية الي العاشر من رمضان

http://sphotos-a.ak.fbcdn.net/hphoto...02040147_n.jpg

وكان رئيس جمعية مستثمري العاشر من رمضان والدكتور امير بسام عضو مجلس الشوري قد عقدا اجتماعامؤخرا مع الدكتور حاتم عبداللطيف وزير النقل, بحثا خلاله تفعيل تنفيذ المشروع والمتوقع له ان يحدث نقلة نوعية في جودة الحياة بمدينة العاشر ويعمل علي انتقال جزء كبير من سكان المدن المزدحمة للاقامة بالعاشر.

من ناحية أخري قال رئيس مستثمري العاشر من رمضان انه جار الان الاتصال مع القوات المسلحة لاحياء مشروع انشاء طريق سريع يربط العاشر من رمضان بمدينة الشروق مباشرة مرورا بمدينة الهايكستب بمحاذاة مطار القاهرة, مما سيخفف الضغط عن الطريق الصحراوي المزدحم.

عن وثائق ويكليكس

ربنا يسهل ..

يامسهل يارب

ما هي لو الناس تتهد شوية و تصبر ....... ممكن فعلا نلاقي حاجات على أرض الواقع .و مشاريع خدمية و مصانع و حاجات مفيدة .

إنما الناس عايز الفانوس السحري ........ أضعك يابني العفريت يطلعلك الفلوس و أنت قاعد في بيتكم .

دائما الى الامام يا مصر

ياسلام لو المشروع اتحقق فعلا
هايقلب الموازيين في المنطقه كلها
عندي بيت جميل في العاشر وعايز انقل لكن مستبعد المسافه
لو المشروع اتنفذ فعلا المنطقه الاسعار فيهت ها تقفز قفزه رهيبه
+ الارض بتاعت القادسيه
ان شا ءالله خير

خبر جميل عقبال ما يعملو حاجه زيه فى اسكندريه تريح شويه من ازمه العربيات الكتير

بلدنا جميلة وعشوائياتها بشوية صبر تبقا حاجة تانية ومدنها الجديدة رائعة شوية فكر وعزيمة نبقا تمام بس للأسف احنا مش ايد واحدة

خبر جميل اتمنى يكون صح لكن لا اعتقد ذلك

انا مهندس فى الخط الثالث لمترو الانفاق ولا حديث فى الشركة عن مثل هذا المشروع بالاضافة الى انه مستحيل ان يتم عمل خط للمترو بين المدن لانه سيكون غير اقتصادى بالمرة

هيكون المسافه كبيره قووووووووووووى
لازم تتعمل دراسة جدوى صح
بس انا من راى هيغنى عن حاجات كتيييييييييييييير
و هتكون وسيلة موصلات ادمية و كويسه
بس انا زعلان جداااااااااااااااا
من بعض راكبى مترو الانفاق
الناس مقضيها و مبيقطعوش تذاكر انتا ممكن 2 جنيه للذهاب و العوده ميفرقوش معاك بس ده حق الوسيله الجميله لانى من خلال ثمن التذكرة بيتعملو صيانه و بيتجدد و بيتعمل خطوط تانيه و بتؤدى الى الخساير فى الشركه لقدر الله
اقطع التذكرة علشان نحافظ على الحاجه الجميله و هى المترو يفضل شعال و كويس
ربنا يهدى

اعتقد المواصلات العامة مش شرط تكون مشروع اقتصادى ناجح والله اعلم
يكفى انها تجيب تكاليف تشغيلها او حتى جزء كبير منها وخلاص على كدة
دى مواصلة عامة بتنفذها الحكومة من فلوس اقتطعتها من الشعب عشان الشعب يلاقى حاجة يركبها ارخص من انه يستخدم وسيلة خاصة ، وفى النهاية فرق الفلوس لو فيه عجز هيدفعه الشعب من الموازنة ، ولو فيه فائض يبقا دفعه الشعب من التذاكر !
المواصلات العامة فى اوروبا رخيصة جداً بالنسبة للتاكسى والسيارة برغم ان جودتها مرتفعة جداً والوقود مرتفع جداً جداً
وفى مصر السكة الحديد بتخسر لكن لا يمكن الغائها ومن الصعب رفع اسعارها لأنها مش مشروع اقتصادى فقط
اعتقد انه مشروع جيد وربنا يسهل ويبدأ لأنه هيحل ازمات كتير ، وفعلاً دفع التذاكر والمحافظة على المرافق اللى زى دى واجب

هيروح العبور ؟ وبدر ؟ المطار ؟

ربنا يسهل