العربية بتتفتح بكل سهولة ! ! ! !

**os.a.ma** · 10-02-2013 03:53 PM

انا معايا عربية يارس 2011 انهردة كنت في مشوار بيها وللأسف قفلت الأبواب والمفتاح جوا العربية وطبعا مكانش فيه امكانية اني اجسب الاسبير وافتح الابواب ... المهم لقيت سلكة زي بتاعت الشماعات قمت فاردها ومدخلها من الباب الي جنب السواق لحد القفل وشديت القفل فتح طبعا جيوان الباب اتقطع مكان دخول السلك بس العربية اتفتحت في دقيقة .. هو بقى اي عربية ممكن تتفتح بسهولة كدة ؟؟؟؟ انا معايا لانسر بس مش عايز اجرب فيها ..
بس كدة الواحد يخاف على عربياته طالما بتتفتح بسهولة كدة ممكن اصحى مرة ملقهاش ! ايه الحل ؟؟؟

**aldesha989** · 10-02-2013 04:01 PM

والله انا واحد فى الشارع فتح العربيه وحركها من مكانها بقوله عملت كده ازاى بيقولى معايا مفتاح يبانى وفتحتها :d

**mshmshm3** · 10-02-2013 04:40 PM

الحل جهاز انذار محترم
و لوك الدركسيون
و قفل الدركسيون
وماتسيبش حاجة في العربية

**aldesha989** · 10-02-2013 07:52 PM

المشاركة الأصلية كتبت بواسطة mshmshm3

الحل جهاز انذار محترم
و لوك الدركسيون
و قفل الدركسيون
وماتسيبش حاجة في العربية

دا انا شيلت سماعت الانذار علشان الدوشه :d

كل ما احرك ايدى على العربيه تتنيل تزغرط ومش عارف الكهربائى حاطط الحساس فين اللى بيعلى ويوطى روحت شايله

بصراحه حاجه مرهقه انك وانتا نازل لازم تفتكر تقفل الدركسيون وتحط القفل حسبى الله ونعم الوكيل فى كل اللى بيأكل حرام

**youssef_u** · 10-02-2013 09:17 PM

جاري التجربة في عربيات الشارع xD

**Sehsss** · 10-02-2013 09:55 PM

ربنا يسترها على الجميع

**Khaled Lanos** · 11-02-2013 04:01 PM

أمن العربية كويس انذار نوع محترم فيه كتاوت فصل+لوك للدريكسون+متسيبش حاجة مهمة جوا العربية ولا اي حاجة تلفت النظر حتى لو 3 جنيه فضه+غطي العربية كويس واركنها قدام عينيك.
أعرف واحد صحبي كسرولو الإزاز اللي جنب السواق بــ 200 جنيه ولا حاجة عشان كان سايب 7 جنيه فضة على الكرسي!!

وربنا يسترها على الجميع.