الكرانيش الفيوتك

**greenday** · 10-02-2013 04:46 PM

كنت عايز اعرف معلومات عن الكرانيش الفيويتك يعنى اشترى منين وهل فى صنيعية ممكن اتفق معاهم ويعملولى مقايسة فى الشقة ويركبوه وياترى مصنعيتيهم كام وهل هو افضل ولا الجبس العادى لانى جبت صنايعى جبس ومصيص فوجئت انه طلب 4000 جنيه مصنعية ايده بس لشقة 80 متر ومكنتش هاعمل حاجة غير بيتين نور بس فى الشقة كلها غير الكرانيش طبعا فبصراحة اتصدمت وقررت اعمل فيوتيك عشان اوفر على قد ما اقدر و ياريت لو فى اى نصايح بالنسبة للكرانيش و الديكورات اللى فى السقف

**smsm2015** · 11-02-2013 02:36 PM

المصتعية فى حدود 5 ج للمتر والمعجون اللاصق على حسابهم من ضمن المصنعية .. وفى محل اسمه كنوز فى شارع السودان بعد بولاق بيبعها او لو كنت ساكن فى اول الهرم جنب النساجون الشرقيون فيه محل برده وممكن تاخد الصنايعى من المحل يركبهملك ...

**greenday** · 11-02-2013 03:22 PM

المشاركة الأصلية كتبت بواسطة tza

المصتعية فى حدود 5 ج للمتر والمعجون اللاصق على حسابهم من ضمن المصنعية .. وفى محل اسمه كنوز فى شارع السودان بعد بولاق بيبعها او لو كنت ساكن فى اول الهرم جنب النساجون الشرقيون فيه محل برده وممكن تاخد الصنايعى من المحل يركبهملك ...

شكرا ليك بس حضرتك متعرفش حد فى حلوان او المعادى لانى فى حلوان وهل الفيوتيك هتوفر معايا زى ما انا متخيل لان شقتى صغيرة ولا الجبس العادى افضل وادور على واحد سعره كويس شوية

**amrelsha3er** · 11-02-2013 03:22 PM

فى محل فى ميدان الاسماعليليه معروف بالفيوتك وعنده صنايعيه برضو بس بصراحه مش فاكر الاسم

**smsm2015** · 11-02-2013 05:03 PM

المشاركة الأصلية كتبت بواسطة greenday

شكرا ليك بس حضرتك متعرفش حد فى حلوان او المعادى لانى فى حلوان وهل الفيوتيك هتوفر معايا زى ما انا متخيل لان شقتى صغيرة ولا الجبس العادى افضل وادور على واحد سعره كويس شوية

للاسف معرفش حد فى حلوان او المعادى لكن اعرف ان فيه محل مشهور برده فى الرويعى وعندهم صنايعية بيركبوه ...

هو بص الفيوتك بيفضل عادة لما الشقة تكون مدهونة قبل كدا علشان التكسير وايضا بيركبوه فى الحمام والمطابخ لكن طالما ان الشقة على المحارة هيبقى الجبس افضل هتلاقى منه فورم واشكال كثير بخلاف الفيوتك الاشكال محدودة واسعارها غالية فالافضل الجبس بس مش اى جبس اتاكد انه جبس سيناء لكن فى الحمام والمطبخ اعمل فيوتك اختار فورمة رفيعة يدوبك تغطى الفراغ اللى بين السقف والسيراميك علشان الرطوبة وبلاش الخشب وحاول تدور على واحد سعره يكون اقل شويه بالتوفيق ..