السلام عليكم و رحمة الله و بركاته
فجأه و من دون مقدمات .. ظهر صوت غريب جداً عندى فى العربيه .. صوت زنه .. أو صوت إحتكاك بلاستك مع بعض مع دوسة البنزين .. الصوت كان مسمع فى الطابلوه كله كأن فيه حاجه مش مربوطه ..
نفس الصوت الى بتسمعه لما تكون معلى الصوت فى العربيه و تسمع صوت إهتزازات فى السماعات (فيبرشين) .. المهم شيكت على كل المسامير .. فكيت الكاسيت ... العدادات .. كل القطع البلاستيكيه الى تحت الدركسيون .. عمود الدركسيون شخصياً .. فى محاوله منى لتتبع الصوت ... و بعد مجهود فحيت .. إكتشتفت الصوت طالع من علبه بلاستك لازقه فى دواسة البنزين .. حد سمع الصوت ده قبل كده؟؟؟
حاولت أربط مساميرها .. أهزها .. مفيش أى حاجه .. ماسكه كويس و الصوت طالع منها .. و صوت مقرف جداً ..
ديه تقريباًَ صوره مقاربه ليها:
http://nileup.com/up/uploads/nilemotors_13605079421.jpg
حد عنده إقتراحات؟؟؟