عندي استفسار بخصوص اضاءة الفتيس الاوتوماتيك في لانسر 2013 لما بشغل نور التابلوه الفتيس مش بينور هل ده في كل العربيات و لا انا عربيتي فيها مشكلة
لاني اعرف انه المفروض الفتيس بينور مع اضاءة نور التابلوه لكن اللانسر عندي مش كده
عرض للطباعة
عندي استفسار بخصوص اضاءة الفتيس الاوتوماتيك في لانسر 2013 لما بشغل نور التابلوه الفتيس مش بينور هل ده في كل العربيات و لا انا عربيتي فيها مشكلة
لاني اعرف انه المفروض الفتيس بينور مع اضاءة نور التابلوه لكن اللانسر عندي مش كده
ياباشا ال 2013 كلها الفتيش ما بينورش ولا طفايه السجاير.و شكرا
وانا لسه برضو شاري لانسر ومبينورش مفيش حل يجماعه وانا كل شويه اتلخبط لاني مش شايف الغيارات صح انا اصلي متعود على المنوال ياريت اصحاب اللانسر يفيدونا
ملهاش حل ودا غباء من شركة ميتسوبيشى يعنى ايه اللى كان هيضرهم لو عملوها ما ال 2010 لحد اول مانزلت البومة وكان فيتسها بينور وكمان فى لمبة ولاعة ولمبة طفاية
غبااااااااااااااااااااااا ااااااااااااااااااااااااا اااااااااااااااااء
والعربية تمنها بيزيد ولو خدتو بالكو ان خامات الطابلوة بقت ضعيفة عن الاول ولو خدتو بالكو اكتر هتلاقو التقفيل بقتا حاجة تقرف مثلا كل باب فيه مسمارين بكلبس بيقفل على المسمار مش هتلاقى الكلام دا فى 2012 ولا 2013 هتلاقى المسمار باين كدا زى اللطعه
انا سألت على الموضوع ده في التوكيل
وقالولي انهم شالوا كل الإضاءات دي علشان كانت بتعمل سخونه وحراره في الموديلات القديمه فاكتفوا في ٢٠١٢ و ٢٠١٣ بنور التابلوه والتكييف ولمبة الانتظار بس
بس السؤال بقى :
هل في توصيلات للحاجات دي وبس اللمبه اللي مش موجوده؟؟؟؟
يعني ينفع اركب انا ليدات من عندي وانورهم والا ايه النظام؟؟؟؟
دا قصر ديل يعنى هما مخدوش بالهم من 2003 لحد دلوقتى انها بتسخن ياسلام والبومة اصلا التطور الطبيعى للمكوة يعنى مخدوش بالهم من 2000
دا تبرير لسوء التقفيل
مانا راكب عندى نور الولاعه ونور الطفاية وانا موديل 2009 ومانيوال ولا عمرى اشتكيت من سخونية يعنى
ولو نور الفتيس اللى بيعمل سخونية كانو حطو نور الولاعة والطفاية عذرا دا اى كلام فى الحمادة من توكيل بدا بهرتلة غير عادية
طب تفتكر توصيلاتهم موجوده؟؟
يعني ممكن اركبهم انا؟
ازاي ممكن اعرف ان ليهم وصلات في اماكنهم
سهلة شيل الطفاية خالص وبص تحتها لو لقيت دوايه اللمبة تبقى موجودة التوصيلات
وبالنسبة للمبة الولاعه دى علشان تعرفها تفك الفبرة بتاعة الكنسول اللى بيبقى فيه الفتيس لو من تحتها هيبان فى وصلات ولا لا ودى افضل انك متعملهاش بنفسك وتشوف حد كهربائى فاهم يفكلك الحتة دى ويشوف هل فى توصيلات ولا لا
ومعتقدش ان هيكون فى توصيلات من اساسه يعنى
والله يجماعه احنا لازم نشوف حل لان انا كل شويه اتلخبط وحتى المنظر العام للكونسوول مش كويس ياريت نجمع افكار مع بعض ونحاول بما اني لسه جديد في اللانسر
Can any one upload a pictur to the consol without lights)
أنا عربيتي 2009 أوتوماتيك 1600.. أشتريتها مستعمله ومعجبنيش النور بتاع التابلوه والفتيس.. فكيت البرهان بتاعت الفتيس والتابلوه بالكامل بنفسى وبمنتهي السهوله.. ولو انت فكيت الفبره أكيد هتلاقى وصلات اللمض كامله لإن الفبر كله بيتعمل بنفس الاسطمبه من أول 2003... فممكن تنورها, بنفسك وبالتوفيق
طب تعرف مفتاح الانتظار بيتفك ازاي علشان تغير لمبته برضه؟
صباج الفل عليك
صباحو
بعد التحيه
بالنسبة لمفتاح الانتظار بيتفك بالبالفبرة الطويلة اللى راكب فيها ( اللى فيها اهوايات و الساعة )
و الخطوات بالترتيب كالتالى
1 - تفك الوش اللى فية الكاسيت و بكر التكييف ( يوجد مسمارين فى سقف الجراب اللى تحت الوش تفكهم و تشيل ال3 بكرات بتوع التكييف بالسحب للخارج و بعدين تشد الوش برفق لأنه متثبت بكلبسات بلاستيك)
2 - تفك لوحة العدادات ( يوجد مسمارين فى سقف لوحة العدادات تفكهم و مش لازم ترفعة من مكانية و كفاية تجيبه شمال شويه)
3 - بعد ما فكيت القطعتين رقم 1 و 2 ها تلاقى مسامير رابطة الفبرة اللى احنا عاوزين نفكها اصلا اللى فيها مفتاح الانتظار ها تفكهم و تسحب الفبرة كلها بالراحة لأنها مثيته بكلبسات فبر برضه و تبدأ تسحب للخارج من ناحية العدادات على شان ها يكون ليها طرف سهل و بأكد انك تتعامل بالراحة
4 - بعد ما الفبرة تطلع كلها ها تلاقى فيش الانتظار و الساعة تفكهم على شان الفبرة الطويلة تبقى حرة فى ايدك و بعدين تفك منها المفتاح او ممكن تخليه ( الافضل ) و تفك بس قاعدة اللمبة و تشترى واحدة زيها بس تكون محترمة و غالية لأن الوصول ليها تانى ......( زى ما انت شوفت )
فى الاغلب ها تتعب على ما تلاقيها لأن مقاسها صغير جدا عن كل اللى شوفته قبل كدة
5 - انا عن نفسى ما لقيتهاش و ركبت على نفس القاعدة لمبه 12 فولت dc بنفس المقاس بالضبط اشتريتها من اللى بيبيعو قطع غيار راديوهات و كاسيت
6 - المهم الحفاظ على جميع الاجزاء لحين انهاء المهمة علشان الفبرة ما تتجرحش او المسامير تضيع مثلا
و فى النهاية اتمنى ان اكون قدمت لك افادة و لو بسيطة
مع تحياتى
انا معايه 2012 واول جبتها كنت فاكر ان اللمبة بتاعت الفتيس محروقة ورحت لكهربائي ممتاز جداا وفك الالجزء ده وقالي ان مفيش اصلا لمبة والا في التوصيله بتعاتها :(
طب ممكن طريقة فك كونسول الفتيس عشان اظبط لمبة الفتيس ولولاعة ؟
شكرا مقدما
ياريت يجماعه لو حد يعرف طريقة فك الكونسول علشان نعرف في مكان للمض ولا لا
ياريت شرح طريقة فك كونسول الفتيس