اليكم طريقة ازالة اللبان من على فرش العربية ...
السلام عليكم
طبعا الموضوع يبدو فى ظاهرة انه تافه وبسيط ...
لكن لولاقدر الله لبانة لزقت فى الفرش وشوفت شكلها بيبقى عامل ازاى لما تنشف فى الفرش وتسود وماتعرفش تشيلها ازاى فعلا بتبقى حاجة صعبة
طبعا فى البداية ذهبت للمغسلة بص عليها وقاللى انسى دى لازم يتغسل الفرش كيماوى وهايكلفك 90 جنيه ...
اليكم الطريقة البسيطة جدا : مبيد الحشرات
- تجيب مبيد حشرى اى نوع (انا استخدمت كيروكس) يفضل يكون عديم الرائحة
- تجيب سفنجة خشنة سكوتش برايت مثلا
- ترش المبيد وبعدين تعمل بالسفنجة الخشنة
وشوف النتيجة الرائعة .. ازالة تامة
لولا انى ماكنتش متاكد من الطريقة كنت صورت لكم الموضوع قبل وبعد
ربنا يحفظ عربياتنا جميعا