المشاركة الأصلية كتبت بواسطة lanos2004
انهاردة الصبح كنت فى التجمع ورايح المهندسين وفى نص الطريق بالظبط لقيت مؤشر الحراره قرب للنص وانا عربيتى يا على الربع او اعلى بحاجه بسيطه قلت اقف اشوف ايه
استنين شويه لما بردت بفتح غطا القربه مافيش ميه يا حلاوة
اشتريت زجاجه ميه معدنيه-مع انها فى عبوة بلاستيك بنقول ازازة ميه ليه---
المهم دورت وزودت وقعدت ادور الميه بتتسرب منين هوب -لقيتها من تحت الفرن على طول-عرفت انها الطبه اللعينه-قلت الحمد لله انى فى الشارع -ومش على كوبرى اكتوبر
المهم شيلت الغطا الالمونيوم الى على الفرن-وانتظرت لحد اما بطلت تخر وتبرد شويه-كفايه لسع لحد كدة-انا اتشويت وانا بفك المسامير
طبعا انهاردة الاحد-قشطه
بدور لقيت انبوبه امير فى العربيه--سوبر جلو للدقه--جبت شويه تراب وحطيت عليهم الامير وعملت قرد لحد اما عرفت اسد مكان الخرم الى فى الطبه
زودت ميه بس مش معدنيه---من عند واحد بتاع عصير قصب
الحمد لله مافيش ميه بتنزل كدة تمام قوى
بعدها رووحت شارع دمشق قلت ممكن الاقى ميكانيكى على اى ناصيه وحد فاتح اشترى منه طبه
والحمد لله لقيت ميكانيكى واشتريت طبع نوع محترم بعشرة جنيهات نوع زباله بخمسه جنيهات-
وتم تركيبها بنجاح ولله الحمد والتكلفه كانت 10 جنيه طبه--سبعه جنيه علبه جملكه-50 تركيب
واحمد ربنا انى لحق الموضووع من اوله
وان انبوبه الامير حلت المشكله لحد اما وصلت لميكانيكى-طبعا جركن ميه خضرا اسبانى 35 جنيه-بس دة مدفعتش تمنه لانى كنت شاريه من زمان ومرضتش ازود منه -استخصار قلت اسيبه للنهايه
انا اتكلمت كتير قوى اعذرونى