عرض للطباعة
الشريط دخل و مش راضي يطلع و لا راضي يشتغل
شريط حطيته في الكاسيت و اشتغل شوية و بعدين راح واقف مرة واحدة و مش راضي يشتغل أو يطلع من الكاسيت...........تقريباً كدة سف جوة........ و مش عارف أعمل إيه
أنا فكيت الكاسيت من العربية و فكيت الكاسيت من برة كدة بس لقيت الشريط جوة الكاسيت في مكانه و تصميم الكاسيت من جوة بيبقى حاشر الشريط حشرة منيلة
و مش عارف إيه الحل و أوديه لمين في الإسكندرية لو لازم حد يصلحه
و شكراً لكل أعضاء المنتدى
بص .... اي حد بتاع تصليح كاسيتات بيت او سياره .... دور حتلاقي .... و ماتسيبلوش الكاسيت .... يطلعه و انت واقف لانها حاجه بسيطه .
شكرا للنصيحة
غالباً ترس فوت ومحتاج يتغير
بص ياريس
على ما اتذكر انك لما تفتح الكاسيت من جوا هتلاقي عمود صغير مشرشر بيقوم بنفس وظيف التروس البلاستيك (هتلاقيه شبه عقب السيجاره بس على صغير) جنب التجويف بتاع شريط الكاسيت
حاول تزقه بصباعك كأنك بتلفه حولين محوره (بس خليك صبور) وافضل مستمر على الحركه دي لغايه لما هتلاقي الشريط بيترفع وبيطلع في اتجاه فتحه الكاسيت , وان شاء الله الشريط يطلع بس طبعا هتلاقيه بايظ