منتجــــــات شركة ArmorALL لنظافة السياره

**Dragon78** · 11-02-2013 11:05 AM

السلام عليكم

زملائي الأعزاء أعضاء المنتدى الكرام .. حبيت أشارك معاكم بالموضوع ده ومتأكد ان في ناس كتير تعرفه

بس أنا حبيت أخليه مرجع لكل اللي مش عارف واللي يحب يستفسر عن أي منتج من منتجات الشركه دي

لفت نظري وجود منتج باسم Shield for Wheels وده المفروض انه بيعمل طبقة حمايه فوق الجنوط بحيث ان التراب والطين ماتلزقش فيها
أنا شوفت الفيديو الإعلاني بتاع المنتج ده وعجبني جدا , وحبيت أسأل لو في حد من العضاء جربه وهل فعلا فعال زي مالفيديو بيوضح ولا لأ ؟

ودي صورة المنتج :

ياريت اللي يعرف المنتج أو جربه يفيدنا

وأتمنى كمان من كل الأعضاء اللي جربوا المنتجات دي كل واحد يدخل هنا ويكتب تجربته مع المنتج اللي اشتراه وهل ينصح بيه زمايله ولا لأ .. ولو في منتجات تانيه أحسن يذكرها

وده موقع الشركه الرئيسي وفيه عرض لكل المنتجات بتاعتهم

Products - Armor All UK

أرجو ماكونش طولت عليكم ويارب الموضوع ده يقدر يفيد ناس كتير

تحيـــــاتي

**ahmed_hanafi** · 11-02-2013 11:47 AM

متابع باهتمام

**akmm** · 11-02-2013 02:02 PM

اللى اعرفه منتج تنظيف الكاوتشوك .... لكن تنظيف الجنط زاته اول مره اشوفه ... ومتابع .

**Dragon78** · 12-02-2013 02:45 PM

المشاركة الأصلية كتبت بواسطة akmm

اللى اعرفه منتج تنظيف الكاوتشوك .... لكن تنظيف الجنط زاته اول مره اشوفه ... ومتابع .

تعديل بسيط .. المنتج ده مش عشان تنظيف الجنوط ياباشا .. ده بيعمل طبقه عازله شفافه على الجنط عشان مافيش حاجه تلزق فيه من طين وتراب وكلام من ده

لكن لو حضرتك عايز حاجه لتنظيف الجنوط نفسها .. في منتجين تانيين لتنظيف الجنوط وهما :

- Wheel Foam (وخد بال حضرتك ده غير المنتج بتاع الكاوتش اللي هو Tire Foam ) .

- Wheel Cleaner .

ياريت تدخل على اللينك اللي أنا حاطه فوق وتشوف بقيت المنتجات بنفسك .

تحيــــاتي

**mado83** · 12-02-2013 11:55 AM

انا فعلا محتاج حاجه لموكيت العربيه لان لونه بهتان من التراب
وكمان عاوز منظف للسقف

**Dragon78** · 12-02-2013 02:56 PM

المشاركة الأصلية كتبت بواسطة mado83

انا فعلا محتاج حاجه لموكيت العربيه لان لونه بهتان من التراب
وكمان عاوز منظف للسقف

بالنسبه لموكيت العربيه والفرش .. في منتج مخصص لتنظيفهم اسمه :

- Carpet & Seat Foaming Cleaner .

ودي صورة المنتج :

أما بخصوص سقف العربيه أعتقد ممكن تستخدم المنتج العام في التنظيف اسمه :

- Multi Purpose Cleaner .

ودي صورة المنتج :

ولمزيد من المعلومات برجاء زيارة الرابط بالأعلى

تحيـــــــاتي

**jankiez** · 16-02-2013 09:19 AM

المشاركة الأصلية كتبت بواسطة Dragon78

بالنسبه لموكيت العربيه والفرش .. في منتج مخصص لتنظيفهم اسمه :

- Carpet & Seat Foaming Cleaner .

ودي صورة المنتج :

أما بخصوص سقف العربيه أعتقد ممكن تستخدم المنتج العام في التنظيف اسمه :

- Multi Purpose Cleaner .

ودي صورة المنتج :

انا جربت Carpet & Seat Foaming Cleaner قبل كدة ومعجبنيش خالص.. اولاً الفوم بتاعه كتير قوي بيتغلغل جوة الفرش وريحته بشعة.. والنظافة اقدر اقولك انه بينظف بنسبة 60% تقريباً

وكنت جايبه من كارفور , وعلى فكرة المنتجات دي موجودة في كارفور وفي امارات مصر

**Dragon78** · 17-02-2013 08:04 AM

المشاركة الأصلية كتبت بواسطة jankiez

انا جربت carpet & seat foaming cleaner قبل كدة ومعجبنيش خالص.. اولاً الفوم بتاعه كتير قوي بيتغلغل جوة الفرش وريحته بشعة.. والنظافة اقدر اقولك انه بينظف بنسبة 60% تقريباً

وكنت جايبه من كارفور , وعلى فكرة المنتجات دي موجودة في كارفور وفي امارات مصر

شكرا على مشاركتك ياباشا .. وكويس انك قولتلنا على رأيك في أحد المنتجات

وياريت أي حد عنده تجربه مع أي منتج تاني يدينا خبرته ومايبخلش بالمشاركه معانا

شكرا

**Sehsss** · 29-03-2013 01:53 PM

المشاركة الأصلية كتبت بواسطة jankiez

انا جربت Carpet & Seat Foaming Cleaner قبل كدة ومعجبنيش خالص.. اولاً الفوم بتاعه كتير قوي بيتغلغل جوة الفرش وريحته بشعة.. والنظافة اقدر اقولك انه بينظف بنسبة 60% تقريباً

وكنت جايبه من كارفور , وعلى فكرة المنتجات دي موجودة في كارفور وفي امارات مصر

الأفضل منه وعن تجربة انتريور سوناكس الألماني.. ودي صورته وموجود في كارفور

الموضوع: منتجــــــات شركة ArmorALL لنظافة السياره

LinkBack

أدوات الموضوع

عرض

العرض المتطور

منتجــــــات شركة ArmorALL لنظافة السياره - انشر الموضوع فى :

-

تعديل -

-

-

المواضيع المتشابهه

فين اللاقى منتجات armorall

شركة فولكس فاجن تستحوذ على شركة تويوتا لتصبح أكبر شركة صناعة سيارات على مستوى العالم

Armorall

حل رائع لنظافة التابلوة

الكلمات الدلالية لهذا الموضوع

المفضلات

المفضلات

ضوابط المشاركة