لية اسعار جينز كار مبااااااااالغ فيها كدة ؟!

**tito29** · 11-02-2013 01:50 PM

الحق يجب أن يقال:

شغل الراجل ده يعتبر لمسة فنية حقيقية و يستحق كل مليم و عن جدارة
شغل الفرش الجلد مش مجرد خامة و خلاص
أقصد أن الصنعة و الخبرة بتنعكس علي الشغل بشكل واضح و لا يمكن أنكاره
ممكن تشتري فرش جلد من أول 180 جنيه و تركبه و تبقي مبسوط و سعيد و ممكن يكون خامة جيدة كمان و يعيش معاك كتير
بس لو أنا حأعمل فرش جلد عند جينز كار فأكيد أنا عارف أني حأخد حاجة غير عادية و قطعة فنية تساوي كتير و مش حاتفرق معايا الفلوس ساعتها
السوق مليان أنواع و أشكال كتير
علي فكرة و ألله أنا عمري ماروحت له بس شفت كذا عربية عملها و كانت تحفة حقيقية لدرجة أن واحدة منهم كانت أوبترا (مع كامل الأحترام) بس الفرش الجلد ده كان صالون خيالي و رائع و ماتحسش أنه راكب في مصر بل كان المفروض أن المصنع ينزلها كده من الأساس

ده مجرد رأي شخصي و لا يقلل من قيمة كلام أو رأي أي شخص.
مع تحياتي.

**SYD** · 11-02-2013 02:04 PM

معلش انا عايز اقوا حاجة
بغض النظر عن موضوع الجلد انواع وخامات ووو
وكمان بصرف النظر عن جينز كار وانه فعلا بيطلع شغل الله اكبر عليه
ليه بندقق اوي في السعر لبعض الاشياء ونتغاضي عن السعر في اشياء اخري؟
يعني نقول علي الفرش ب1800 غالي وممكن نجيب موبايل ب4500 جنيه
رغم ان الفرش هتفضل قيمته فيه لسنين والموبايل قيمته هتقل خلال شهرين

مجرد راي

**ashouhdy** · 11-02-2013 02:20 PM

ياجماعة كلامكم كلة صح

انا نزلت القاهرة ولفيت مع واحد صاحبى وسألنا فى اماكن كتير من مصر الجديدة لمدينة نصر وكل الاسعار ثابتة متكسرتش متوسط ال 1000 جنية قبل الفصال حتى.

سألت عند جينز كار من خلال الفيس بوك و صديقى ارسل وواحد زميلنا معاة كارينز برضوا لسة عامل السعر 1850

انا اتضايقت لان اكيد مش هو بس اللى فى البلد اللى ايدة حلوة

علي راسي من فوق
بس ملبسش قرب ال 1000 جنية زيادة

دة رأيي ولا يمثل اهانة لحد وشكرا.

**ahmad--ezzat** · 11-02-2013 02:34 PM

هو فيه اصلا فرش يوصل ل 1800 جنيه هههههههههههه

دنا اروح اسقط ماتور افضل

لاكتير جدا الصراحه وانا شفت شغل جينز كار...حلو جدا بس لو الاسعار كده يبقى غالى

**Samir Elshahawy** · 11-02-2013 02:40 PM

عربيتي اللي ركب لها الفرش الجلد هو جينز كار
و الحاج / أحمد مشعل بنفسه هو اللي أختار لها اللون و التفصيلة و كل حاجة

لما وقفت بأحد المعارض بجانب سيارة أخري (ألنترا فولي لودد - خليجي) صاحب المعرض أستغرب أن عربيتي وكيل و بتنزل بالفرش ده
و لما شاف الفرش و عرف أنه تفصيل أستغرب لأن التقفيل و الفنيش أفضل بمراحل من اللي بينزل في العربية من بره

**أبومعاذ** · 11-02-2013 03:17 PM

فين المحل اللي عنده نفس الخامة و التقفيل و كل حاجة بنص الثمن؟؟
أنا من تعاملي مع "دوس" بتاع الفرش اسعاره مرة و نص سعر جينز كار و الخامات واحدة

**SHNORY** · 11-02-2013 04:05 PM

بغض النظر عن علاقتي الشخصيه بالحاج احمد مشعل اكرمه الله ووسع عليه رزقه
وربنا يكرمني واكون في ربع اخلاقه
بس فيه حاجه اسمها الصنعه
احيانا بيدخلي زبون بعيب معين اقوله 50 جنيه
يقولي دا فلان بيعمله ب10
اقوله كل واحد يقدر صنعته براحته
المصنعيه صاحبها الي يقدرها ومتخضعش لسعر سوق الا لو موجود وسط منافسين كتير(علي سبيل المثال شارع عبد العزيز في مهنه الموبيلات) وساعتها السعر حيغلب علي الجوده
فكل واحد يحدد صنعته في مكانه براحته طالما مش بيحتكر الصناعه
زي دكاتره الاسنان يا حاج شهدي
فيه دكتور غالي ونضيف جدا
ودكتور غالي وشغله عادي
ودكتور سعره متوسط
ودكتور علي قد حاله
بتفرق في حاجات صغيره في المهنه بتوصل لنوع البنج والابره في حاله الدكاتره
ونوع الخيط ودقه الشغل كما في حالات جينز كار
والضمان برضه ليه سعر ومصداقيه
هو بيدي ضمان علشان عارف جوده شغله
وفي نفس الوقت العميل يكون عنده ارتياح نفسي انه لو حصلت للمنتج اي عيوب
وربنا مقسم الارزاق وبيحلي رزق كل واحد
ويا رب يوسعها علي الكل ويرزقنا من حيث لا نحتسب