السلام عليكم
لو سمحتم عايز اروح مركز الطاهرة للاشعة اللي في روكسي-شارع بطرس غالي-مصر الجديدة من عند مستشفي المقاولين العرب
عرض للطباعة
السلام عليكم
لو سمحتم عايز اروح مركز الطاهرة للاشعة اللي في روكسي-شارع بطرس غالي-مصر الجديدة من عند مستشفي المقاولين العرب
هتخلى المستشفى على يمينك و تكمل فى طريق الاوتوستراد هتفضل ماشى مسافه كويسه هتلاقي بنزينه مصر اللى فى اول عباس هتبقى على يمينك بعدها بشويه على الشمال الناحيه التانيه هتلاقى ساعه كبيره اوى كده ده اسمه ميدان الساعه هتاخد يو تيرن و ترجع تخش من جمب الساعه دى يمين
هتكمل على طول هتلاقى كوبرى تنزل من تحته و تكمل على طول هتلاقى سد تدخل يمين و اول يو تيرن و ترجع ( كانك من تحت الكوبرى دخلت شمال )
هتكمل بقى على طول هتلاقى نفق ( نفق الثوره ) تنزله و بعد ما تطلع بشويه هتلاقى الطريق اتقسم يمين و شمال ... هتاخد يمينك و تكمل هتلاقى الطريق بياخد شمال تمشى معاه .. هتلاقى ميدان كبير و كنيسه على يمينك تاخد من جمبها شمال ( تبقى الكنيسه فى ظهرك ) انت كده فى روكسى
تفضل مكمل شويه فى الطريق ده لغايه ما تلاقى التامين الصحى على ناصيه على يمينك تخش الشارع ده و تدخل تانى يمين بعد كده هو ده شارع بطرس غالى
احسنلك من اول ما تدخل اليمين اللى عند التامين الصحى تركن و تنزل تتمشى و تسال لغايه ما توصل للى انت عايزه لان هناك شوارع رخمه و فيها حتت اتجاه واحد
طبعا هو فيه 100 طريق و وصفه انا قلتلك اللى جت على بالى .. اكتبها فى ورقه علشان متنساش و امشى واحده واحده و لو لا قدر الله حصل اى حاجه اسال و اللى يسال ما يتوهش
ممكن تمشى فى الاوتوستراد و تلف اليوترن اللى قبل المنصه و تخش يمين من عند قاعة المؤتمرات و طوالى و تطلع كوبرى الفنجرى و طوالى و من جنب كوبرى القبه تخش يمين على الخليفه المامون و تمشى مع سور المستشفى و تلف مع الشارع و تخش على روكسى .... من هناك هتكون قريب قوى ...
و ممكن برضه من عند الندى تاخد شارع السكه البيضا لصلاح سالم و تلف من تحت الكوبرى (كأنك رايح اتجاه الازهر) فى اول يمين و تلف و ترجع على العباسيه و من هناك تاخد شارع الخليفه المامون من اوله من عند تجارة عين شمس..
المشكله فى الطريق ده من ناحية روكسى انه قريب من الاتحاديه و الله اعلم الدنيا هتكون عامله ازاى... على العموم هو بطرس غالى موازى لابراهيم اللقانى و من العلامات المشهوره عنده التامين الصحى اللى جنب سينما نورمندى عشان لو هتسال فى السكه