الموضوع: موضوع مهم جدا للمزداويه عن تعلية العربيه وعن تجربه

بس ياباشا انت عرضت الكوتش ماعلتش العربيه ..... 14 ده قطر الجنط 65 ده ارتفاع الكوتش 185 ده عرض الكوتش
انت لما ركب كوتش 14/65/185 اانت كدا عرضت مش عليتها
ولا انت ركبت علايات لي عربيتك

هههههههههههه قلبك جامد ياعم
انا بفكر اعمل عكسك عايز اقص من اليايات او اجيبلها يايات اسبور عشان اوطيها وعايز اكبر الجنط واعرضه يا اما اعرض الكاوتش اللي عندي علي نفس الجنط
اللانوس او الفيرنا لما بتوطي بتبقي احسن في الثبات تخيل دي وطيت هتبقي وهم ومستحيل تلعب منك
في اتخن غرزة كمان
العربية نازلة من الشركة بالارتفاع ده بيبقي ليه حساااباته مش ركب مساعدين ويايات وتيجي بظروفها لا كل حاجة معمول حسابها بالورقة والقلم
فعن نفسي اترعب العب في الحسابات دي
انت ممكن تكون جربت وحاسس ان ثباتها هو هو بس جرب كده ادخل اي ملف من الكنت بتدخلهم زمان وشوف العربية هتأدي معاك ازاي ؟؟؟
ومبروك يا باشا وربنا يكفيك شرها بس انا مش بنصح بكده
تحياتي

والله ياميدوا انا بحب اسمع رئيك عشان انت انسان فاهم جدا في العريبات بس ياباشا انا معاك ان العربيه في ثبتها وهيه واطيه ملهوش حل بس برضوا انت اكيد مش عارف تمشي من مطبات بلدك وبعدن انت مش هتعرف تحكم الناس الي تركب معاك وبعدين ياباشا انا عليت عربيتي 5 سم بس يعني مش عاليه زي البيجو 504 والحجات دي يعني معليها كلام فاضي وبعدين مش باين علي شكلها انها اصلا متعليه بس العربيه فرقه جدا في المطبات علي الاقل بدخل علي مطب وفي الزحمه ومش هعد اعرض عليه وعلي فكره ياباشا بتحك برضوا في المطبات بس المطبات العاليا اوي وكمان لو اخت المطب بسرعه (انا ياباشا بصراحه سوقتي كلها غرز وباخد غرز علي سرعات عاليا جدا وبصراحه الواحد لو خد غرزه علي 160 ده يبقي افتري وانا اقسم بالله خت غرزه موووت بعد ماعلتها وبسم الله مشاء الله عليها ولا الهوا ) وبصراحه برضوا ياباشا العربيه جميله جدا بس بسبب وطينها مش مخليها عمليه خالص بس بعد ماعلتها بقت عمليه جدا والسبب الي خلاني اعلي العربيه واحد كان معلي العربيه بتعتوا بغباء
وبعدين ياباشا انت لو فكيت السوسته بتاع المساعد هتلقي فوق السوسته علايه جلد ارتفعها 2 سم انا شلتها وحطيت مكنها علايه ارتفعها 5 سم يعني كلام فاضي بس الارتفاع ده ظب العربيه في المطبات بس مش في مطبات الهوا والكلام ده بعد 160 وكمان ياباشا زمان كان راكب معايا وره تلات تخان جيت اخد مطب عالي فعرضت علي المطب العربيه علقت لا عرفت تمشي قدام ولاعرفت ترجع لورا

وتحياتي ياباشا

حبيبي ^_^ تسلملي
ندخل عل جد
انتا قصدك انوفي جلده فوق الياي بتاع المساعد ؟؟؟
اللي عندي بلية البطاحات بعدين بطاحات مفيش اي جلد عندي ؟؟؟؟
وده العربية علي ابوها كده
انا المطبات عندي عشوائية اكتر من القاهرة عشان الزقازيق بقي والمطبات الجبال والحمد لله انا تقريبا خروجي بالعربية يوميا متوسط ١٤٠ كيلو في اليوم ممكن كل ٣ اسابيع تحك حكة خفيفة في المطب حتي لو كنت محمل بس باخده بالعرض جايز انا اخدت عل عربية لدرجة اني عايز اوطيها!!!!
اه انا جنط ١٦
مشكلة العربية دي مش انها واطية المشكلة في بلدك ومطبات بلدك *_* بس لو خدت عليها هتلاقي نفسك بتتعامل عادي مش همهم اللي وراك يكلكس من هنا لبكره المهم متحكش العربيه عشان عيونه
بس نظريا تعلية العربية من الامام بيقلل الثبات
هقلك ازاي
العربيات الثابتة من احد اهم عوامل الثبات لما يجو يصمموا اي عربية هو : ان العربية شاسيها من قدام اوطي من ورا فبالتالي لما تمشي بالعربية بسرعة حبة هوا صغيرين داخلين تحت العربية لحد مايوصلو ورا عند الشنطة والشاسيه اللي ورا اعلي عن اللي قدام فبيحصل خلخلة للهوا ده فبيشد العربية لتحت وبيزود ثباتها
يعني كل ما الهوا اللي داخل قليل علي مساحة كبيرة الثبات يزيد
انتا عملت ايه رفعتها من قدام يعني زودت مسلحة الهوا اللي داخلة علي الشاسيه اللي ورا فبالتالي مش هتحصلل خلخلة بالكفائة المطلوبة ومش هتبقي ثابتة زي علي ابوها
وده طبعا غير تاثير العلايات علي مشوار الياي
جايز يكون كلامي صح وقد يحتمل الخطأ ^_^
تحياتي

حبيبيي قلبي ياميدو
بص ياباشا انا ماقولتش اني علتها من قدام خالص ..الطبيعي ان الواحد بيعلي من وره مش قدام ...في واحد عله المازدا بتعتوا من وره بس علاها جامد اووي كانت لما بتدخل البياره كانت بتحك من قدام ...المهم الكلام ده علي عربيتي 1-اول حاجه لما تفك المساعد الي وره هتلاقي فوق الياي الي هيه السوسته فوقها علايه جلد وهيه عندي في شنطه عربيتي هبقي ارفعها واروهالك بس انا في السعوديه دلوقتي ونزل الاسبوع الي جي انشاء الله المهم ياباشا العلايه دي ارتفعها مايتعداش 2سم انا شلتها وحطيط وحده ارتفعها 5سم اسمها علايه واطيه نوعها بتاع لادا نفس بتاعت مازدا بالظبط وللعلم يابشا عفشه مازدا اصلا فورد والفلتر الاصلي للعربيه بتاع البنزين مكتوب عليه فورد وانا يابشا عربيتي منزلها من السعوديه وكل قطع غيرها من هناك بنزلها والحمد لله محافظ عاليها وهنا في مصر منزلين قطع الماني للعربيه وغالين جدا وبعدين ياباشا العفشه نشفت عن الاول حاجه بسيطه بس مش زي الكيا السيراتوا طبعا عشان دي مش عفشه اصلا وعلي فكره واحد صحبي معاه سيراتوا مركبلها يايات من وره بتاعت مازدا عربيتوا بقت ناعمه جدا ومفيش اي نشفان وكمان العربيه من وره بقت واطيه حبتين
المهم ياباشا العربيه بعد ماركبت ليها العلايه مش باين اصلا انها عليت خالص من نحيت الشكل بس من نحيت الدخول علي المطبات بيتحك لما ابقي محمل خمسه في العربيه زيها زي النتر او السيراتوا بس العلو ده مظبط الواحد
وعلي فكره المازدا من قدام اعلي من وره والكلام ده انا متأكد منو 100*100 عشان العفشكي الي روحت عندو قلي كدا بس انا مصدقتوش الا لما طلع العربيه بتعتوا عندوا في الجراج في حته مستقيمه حط ايدوا من قدام لاقي من بين الكوتش والرفر الي قدام مسافه 3 صوابع ومن وره مسافه مابين الكوتش والرفرف صوبعين بالظبطالكلام ده قبل مااعليها (انت ممكن تشوف عربيتك برضوا عشان انت نفس الجنط بتاعي 16 )والراجل ده تاني تعامل معاه عشان اول تعامل انا غيرت عندو المساعدين الي قدام عشان كان واحد منهم كلن جايب زيت فغيرت الاتنين لو انت حابب توطي العربيه
انا كان فيه واحد معاه مازدا 3 في السعوديه عربتوا ملهاش حل كان مسخن الياي الي قدام وموطي عربييتوا من قدام وعربيتوا جنط 17 قاعد بيلعن اليوم الي وطي فيه عربيتوا عربتوا بسبب الوطيان ده جابت علبه دركسيون وجابت كبلن وانت عارف ان الاسفلت في السعوديه حرير مش اسفلت وده الي حصل معايا يابشا بالظبط وللعربيتي وتحياتي ياباشا

بصو يا جماعه انا حبيت اشارك معاكم عن تجربتى فالموضوع ده انا عربيتى 2007 بالجنط ال 15 السبور الاصلى بتاعها بس انا ليا ملاحظه فالاول : العربيه المازدا فيها مصفحتين حديد بطول العربيه من تحت ودول اطول من اللى موجودين ف اى عربيه تانيه. وهما وظيفتهم يحمو العربيه من تحت وهما دول اللى بيحكو فالمطبات .
نخش بقى فالموضوع انا كنت عند الميكانيكى بتاعى وسالته عن الموضوع ده وقالى ان ممكن بدل من نعلى العربيه من ورا نحل المساعدين اللى ورا ونزود لهم صدادات من اى مساعد تانى وكده العربيه ماتهبطش من ورا حتى لو محمل 3 عالكنبه وعلو العربيه زى ماهوا وفعلا رحتلو مره وعملى الموضوع ده ودى كانت ملاحظاتى
العربيه العفشه ناعمه زى ما هيا ومافيش اى فرق عن الاول . وبرضو السبات زى ماهوا بس انا اخر حاجه 150 لان الطريق عندنا من منيا القمح لبنها فيه حوالى 300 مطب ف مافيش فرصه تفتح اكتر من كده
المطبات بقى فعلا حسيت بفرق بس برضو باخد المطبات بالراحه زى ما ميدو قال بس باخدها ال 4 عجلات عادى
فالاخر بسلم على ميدو وباقوله عاوزين نتقابل قريب انا هشام الطوخى من منيا القمح وكالمتك عالموبيل مره من شهرين تقريبا. وتحياتى للجميع