عايز اعمل صيانه ال 60 الف بس مش فى التوكيل

**DR/WAFEK** · 11-02-2013 04:24 PM

طبعا صيانة الستين دى اغلى صيانه فى الصيانات كلها وانا كنت عامل الصيانات السابقه كلها فى التوكيل بس خلاص العربيه طلعت من الضمان فمش عايز التوكيل يستغلينى خصوصا ان اسعار الصيانات زادت وعايز اروح مكان مضمون بالنسبه لانه بييفهم فى العربيه كويس وقطع الغيار تكون مضمونه ويا ريت لو حد عمل كده يقولى الموضوع اتكلف كام وايه هى القطع اللى لازم اضمن انها اصليه يفضل فى الاسكندريه او ممكن القاهره لانى من طنطا قتقريبا المسافه واحده وجزاكم الله خيرا

**gebreel** · 11-02-2013 06:23 PM

يا جماعة الصيانة دي تتعمل في التوكيل علشان دي يا تجدد العربية يا تخرب المكنة لو اتعملت غلط

انت دفعت في الصيانات اللي فاتت المبالغ دي كلها مجاتش بقى من الصيانة دي كمان

اعتبر ان عربيتك لسة في الضمان

و ده موضوع يؤيد كلامي
http://www.nilemotors.net/Nile/334915-a.html

اما لو مصمم على انك تعملها برة يبقى تجيب قطع الغيار الاصلية بدون كلام

**walidzakzok** · 12-02-2013 12:26 AM

انا مع اراء الزملاء ولو حصلك مشكلة بعد الصيانة لاقدر الله هاتروح تخرب بيتهم لكن لو عملتها برة مش هتاخد حاجة

**Egyzizo** · 12-02-2013 11:33 AM

أنا ظروفى زى ظروفك بالظبط
داخل على 60 ألف ، وخلصت الضمان
وقريب من طنطا وكمان عربيتى 2010 فيرانى :)
وبافكر أعمل الصيانة دى بره
بس عدم وجود حد ثقة يعملها مش مشجعنى على الخطوة دى.

**tamer61** · 12-02-2013 03:01 PM

آهي صيانة ال 60 ألف دي بالذات بقا إعملها في التوكيل ...... الغلطه فيها بتعويره جامده زي ما بيقولوا .... الخطأ وارد في كل الأحوال ولكن حتعرف تآخد حقك منهم وربنا ما يجيبش أي مشاكل بإذن الله وبعدين دي بتتعمل كل سنتين ونص أو 3 سنين .... فالأفضل كله يبقي مستعد لها من بدري شويه

**DR/WAFEK** · 12-02-2013 11:12 PM

ممكن اعرف يا اخوانا ايه اصعب حاجه فى الصيانه دى اللى ممكن اللى بره التوكيل يعك فيها اصل الصراحه 2200 ج فى صيانه دا مبلغ حراق ونصه حتلقيه ضايع ضريبه مبيعات على مصنعييه على مبالغه فى الاسعار لو فى حاجه مهمه هل ممكن اجيبها من التوكيل واعملها عند اى حد فاهم وده اكيد موجود بس عايز اللى يسال