أكتئاب البيكانتو 4500 جنية صيانة ال 90 الف

**divianella** · 12-02-2013 04:17 PM

المشاركة الأصلية كتبت بواسطة a.saad

شوفى حالة الطنابير عند ميكانيكى بيفهم
التيل بحوالى 400 من شهر من ابو رواش

طقم الدبيراج اسالى على سعره فى التوكيل نفسه احسن وسعر البلى ليه
والاهم انتى ضمانك قرب يخلص
اعمللى صيانتك بره عند مكان محترم الا المشاكل الكبيرة اعمليها فى التوكيل

انت اثرت موضوع مهم . هو الضمان لية علاقة باللى انا قلته دة اصلا ؟ و لا دية قطع استهلاكية لا يسرى عليها اكيد الضمان و بتتغير عادى انا كدة كدة فاضلى 4000 و أتم ال 100.000 و ابدأ سن المعاش المبكر

**divianella** · 12-02-2013 04:18 PM

المشاركة الأصلية كتبت بواسطة nadernabil

طقم الدبرياج كامل بالمصنعية كلفني 550 جنيه

دة كورى اصلى ؟
وركبتها فين عند الميكانيكى اللى فى الحدائق و لا حد تانى
انا قولت اشوف حاجة قريبة من الجندى بس لو لازم اهتم باللى هركب عند الدبرياج و التيل
اروح لحد تانى ثقة مفيش مشاكل خالص

**NaderNabil** · 12-02-2013 04:20 PM

المشاركة الأصلية كتبت بواسطة divianella

اسمحلى يا نادر اقولك إن إنت السبب ..................... فى إنى انا و صحبتى نجيب بيكانتو :))))))))))
بس طبعا مش السبب فى الصيانة
و احب انتهز الفرصة و أسألك .. بعد وصولى لل 95.000 الف فى تلات سنين و نص فيه ناس نصحتنى افكر فى بيع العربية :s افكر فى النصيحة و لا ممكن اكمل بيها كمان سنتين لحد ما اقدر اجيب حاجة كويسة
1.6 suv ?

ده شرف ليا يا فندم..اتمنى ماتكونوش ندمتوا على الإختيار ده :)

البيكانتو بتاعتي عاملة حالياً 99964كم بس في 8 سنين :)...و لأني كنت مديها لأختي تتعلم عليها السنة اللي فاتت كلها...و كون انها مش فاهمة في العربيات قوي فا اتبهدلت معاها...و حالياً بصلح فيها و هابعها و أجبلها أي حاجة أوتوماتيك صغيره

العربية دي و أي عربية عموماً طول ما متحافظ عليها و الصيانات في مواعيدها و لو أي مشكلة فيها تتعالج علطول مش هاتتعبك خالص...فلو هي مكفية إحتياجاتك...يبقى خليها أفضل

**NaderNabil** · 12-02-2013 04:25 PM

المشاركة الأصلية كتبت بواسطة divianella

دة كورى اصلى ؟
وركبتها فين عند الميكانيكى اللى فى الحدائق و لا حد تانى
انا قولت اشوف حاجة قريبة من الجندى بس لو لازم اهتم باللى هركب عند الدبرياج و التيل
اروح لحد تانى ثقة مفيش مشاكل خالص

معلش...لازم انوه ان الكلام ده كان في 2009...يعني أيام العز...و ساعتها كان في التوكيل التكلفة كانت 1000 جنيه بالمصنعية :)

ده كان طقم فاليو كوري...مش الأصلي بس فاليو ماركة محترمة...و شغال لحد دلوقتي زي الفل...و كنت جايبه من عند الجندي و هو اللي كان رشحلي الورشة في كوبري القبة إسمها الأصدقاء...

**divianella** · 12-02-2013 04:33 PM

المشاركة الأصلية كتبت بواسطة NaderNabil

ده شرف ليا يا فندم..اتمنى ماتكونوش ندمتوا على الإختيار ده :)

البيكانتو بتاعتي عاملة حالياً 99964كم بس في 8 سنين :)...و لأني كنت مديها لأختي تتعلم عليها السنة اللي فاتت كلها...و كون انها مش فاهمة في العربيات قوي فا اتبهدلت معاها...و حالياً بصلح فيها و هابعها و أجبلها أي حاجة أوتوماتيك صغيره

العربية دي و أي عربية عموماً طول ما متحافظ عليها و الصيانات في مواعيدها و لو أي مشكلة فيها تتعالج علطول مش هاتتعبك خالص...فلو هي مكفية إحتياجاتك...يبقى خليها أفضل

لاء الحمدلله كانت الاحسن فى فئتها و لازالت بفضل الله :)))) متقلقش كلنا اخت الحقيقة و كلنا اتعلمنا فيها و اتعلم عليها :)))))))))))))))))

هى بس المشكلة انكم الولاد بتقدروا تتدخلوا عند اى ميكانيكى او صيانة فى التفاصيل
لاكن دايما البنات بيشربوا شاى بالياسمين D:
و من هذا المنطلق بأعلن ان اللى شربته شاى بالياسمين ان شاء الله هطلعوا كله نسكافية بالحليب عليهم
و هكتب الصيانات و الاحتياجات بشكل مجدول عشان احافظ على العربية لحد ما يأذن ربنا و أقدر أغيرها
او اضحك على أختى و أبيعهالها

شكرا جزيلا والله

**divianella** · 12-02-2013 04:35 PM

المشاركة الأصلية كتبت بواسطة NaderNabil

معلش...لازم انوه ان الكلام ده كان في 2009...يعني أيام العز...و ساعتها كان في التوكيل التكلفة كانت 1000 جنيه بالمصنعية :)

ده كان طقم فاليو كوري...مش الأصلي بس فاليو ماركة محترمة...و شغال لحد دلوقتي زي الفل...و كنت جايبه من عند الجندي و هو اللي كان رشحلي الورشة في كوبري القبة إسمها الأصدقاء...

تمام عُلم و يُنفذ و هو غالبا هيرشحهالى برده لانى غالبا هروح للجندى الاسبوع اللى جى اجيب الدبرياج و التيل و هشوف الطنابير هجيبها من فين كمان لانها عند الجندى هتبقى اخر الشهر
و هحاول اصور نفسى متشحمة عشان اخلد الذكرى دية و هى زيارتى الاول لورشة الاصدقاء

**AlGazar2** · 12-02-2013 04:40 PM

ممكن تسالى فى محل اسمه المنير فى اول فيصل بجيب منه حاجات النوبيرا الاصليه او الكورى و مبغشش فى التعامل و اسعاره كويسه

**shady982** · 12-02-2013 05:32 PM

المشاركة الأصلية كتبت بواسطة divianella

انا برده لسة قافلة مع الجندى و قالى بكرة هيجى الدبرياج و تيل الفرامل بكرة
دبرياج 650
تيل امامى 300
و الطنابير اخر الشهر و هيودينى عنده لحد يركيبهوملى

بس محتاجة رأي حضرتك الأنذار اللى كنت مركباه عملى مشاكل على طول فى الكهربا و فى الصيانة عرض عليا يشيله و يرجع الضفيرة زى ماكانت و يركب واحد من المركز ب 440 تركيب و شراء
اعمل كدة ؟ لانى معنديش استعداد اروح للشركة بتاعة الانذار تانى انا كفاية روحتلهم اول ما ركبته 4 مرات مش عارفة دة كان سوء حظ منى و لا قلة ضمير منهم

اول مرة هروح لميكانيكى فى حياتى هحاول اسجل اللحظة دية فيديو

بالنسبة للإنذار روحى لأى حد اسمة كبير اسمة بيخاف علية اكبر واحد فى منطقة الجيزة هو أدريان
و متهيألى فى منة امام نادى الشمس بس مش متأكد اسألى هنا و الناس هتدلك أكيد
و عموما هقولك حاجة بردو كنت بصلح الكاسيت عندهم كان بيتحايل عليا يركبلي انذاى فى السيراتو كان ب 350 و نازلها مخصوص و دة كدة المفروض انة غالى
وعموما أى حد هيبص علية هيقول دة عايز يتغير علشان عايز يبيع بس لو عامل مشاكل يا يتغير يا يتشال علشان ميبهدلش العربية

**A.Saad** · 13-02-2013 09:33 AM

المشاركة الأصلية كتبت بواسطة algazar2

ممكن تسالى فى محل اسمه المنير فى اول فيصل بجيب منه حاجات النوبيرا الاصليه او الكورى و مبغشش فى التعامل و اسعاره كويسه

بلاش المنير
مبقاش زى زمان

**A.Saad** · 13-02-2013 09:34 AM

الفاليو توكيله الهندسية للسيارات smg فى ش رمسيس قرب غمرة
لو حد عايز حاجة من هناك ممكن اساعده

الموضوع: أكتئاب البيكانتو 4500 جنية صيانة ال 90 الف

LinkBack

أدوات الموضوع

عرض

-

-

-

-

-

-

-

-

المواضيع المتشابهه

صيانة ال 10 الاف ب 40 جنية

صيانة الـ 20 الف للياريس ....بـ 711 جنية

البيكانتو و صيانة 5000 كم

صيانة البيكانتو

عملت صيانة الالف فى غبور و دفعت 2 جنية بس

الكلمات الدلالية لهذا الموضوع

المفضلات

المفضلات

ضوابط المشاركة