حصريا--> تحميل بروشور نيو كيا كارينز2014 + صور جديده لها

**sonybony** · 10-03-2013 08:12 AM

تقرير رائع

**sonybony** · 10-03-2013 08:18 AM

العربيه تحفه والتقرير احييكم عليه لكن لو ده السعر تبقي خرجت بره المتناول ولنا الله

**ahmedz310** · 10-03-2013 01:12 PM

خبر جميل وتقرير أجمل بس للأسف مكتوب علينا في مصر نتفرج وبس هتنزل بسعر خرافي وفاضية كمان

**esam_ayad** · 11-03-2013 08:20 PM

المشاركة الأصلية كتبت بواسطة hossam_elwani

فعلا انا شوفتها بيضا على الصحراوى

هل حضرتك تقصد ان لونها ابيض_انت كاتب بيضا_ ولا الكتابه جت غلط وكان قصدك" أيضا "؟
وحضرتك ماحكتلناش انت شوفتها وكانت ماشيه بسرعه ولا عادي؟
ياريت تحكلنا بالتفصيل.

**Dr_Moustafa** · 11-03-2013 09:27 PM

مشكلة موقع كيا مصر أنه بيتكلم عن عربيات مش موجوده فى مصر
والموديلات اللى بتنزل مصر ليس لها وجود على الموقع

**محمد بدر** · 12-03-2013 12:22 PM

بسم الله ما شاء الله موضوع جامد جدا" جدا"
تحياتى لشخصك الكريم
بارك الله فيك
وبعدين موضوع انك دخلتها فى مقارنة مع القشقاى دى انا أعتبرها البداية
يجدعان الكورى ناويها والكورى لما بينويها بيبقى عامل زى القطر مفيش حد يقدر يقف أمامه
وقسمنا الغالى كمان نويها
يعنى من الأخر ربنا يستر على حبايبنا الغليين على المنافسة أعتقد مش هيبقوا قدرين

**محمد بدر** · 12-03-2013 01:41 PM

المشاركة الأصلية كتبت بواسطة esam_ayad

أشكرك جدا
لكن انت نسيت حاجه مهمه ان الكارينز بتتقارن كمان مع السبورتاج يعني اللي مش قادر علي تمن سبورتاج هايلاقي الكارينز.
يعني قسم الكيا بقي ينافس نفسه ولا عزاء للأخرين.ههههههههههههه:ta_clap[1]:

:c_laugh[1]::c_laugh[1]::c_laugh[1]:
والقسم يقدر كده يعلم علي أي حد

ويعني من الأخر كده سبورتاجيتنا وكارينزيتنا ولا حد تالتنا.

يا صديقى والله كلام حضرتك ده هيكسر الدنيا
زى كيا إللى منفردة ديما بالجديد دى السيراتو الجديده وأفتكر انى قولتها بالرغم من ارتفاع سعرها نسبيا ولاكن هتعمل منافسة شرسة جدا ومحدش هيقدر يقف أمامها برضو
وفى الأخر مش هيلاقوا فى الورد عيب هيقولوا أحمر الخدين

**esam_ayad** · 15-03-2013 05:27 PM

المشاركة الأصلية كتبت بواسطة ultramisho

أنا شايف سعادة من الزملاء بشكل الكارينز الجديدة وليكم حق طبعا وسعادتكم تسعدني أكيد

وشايف تخوف من زيادة اسعارها رغم ان ده طبيعي واسعارها ستكون حول اسعار السيراتو الجديدة يعني لغاية 188 الف كمان ولا جدال في هذا

بس الاهم هل سيتم تدارك عيوب الكارينز
يعني معلومة موتور الجي دي اي ممكن تكون في هذا الاتجاه لكن مش برضه الموتور ده هيحتاج بنزين 95 رغم تأكيدات التوكيل ان السبورتاج الي فيها الموتور ده يمشي معاها 92 بس فرق الأداء رهيب عن تجربة من ماليكيها وده معناه هاجيب موتور قوي ولكن لن استفيد بيه كتير ل حطيت بنزين 92 ويمكن يكون فيه اضرار كمان على الموتر تظهر بعد كده

وزن السيارة ياترى قل كتير هو طبعا ارتفاعها قل وده مع تخفيض الوزن وكمان هيزود الثبات بس ياترى لسه وزن العربية هيأثر على السحب كالقديمة

تكييف العربية ايه اخباره بصراحة تكييف الكارينز القديمة مش مقنع اوي (من وجهة نظري الشخصية) مقارنة بالتكييف الياباني والكوري واقل من تكييف السيراتو القديمة يمكن علشان المساحة الداخلية كبيرة؟ مااعرفش! ياترى حد جرب تكييف السيراتو الشكل الجديد وحس بفرق كبير عن الشكل القديم لو ده حصل يبقى ساعتها ممكن نتوقع تحسن في اداء تكييف الكارينز الجديدة لكن غير كده سيظل محل جدل وإقتناء العربية مش مشجع رغم مزاياها الي انا شخصيا معجب بيها، اتمنى يكون تكييفها على قدها

الحقيقة ان الايام هي الي هتكشف أداء العربية دي الي نتمنى يكون متميز وان سعرها يكون في حدود السيراتو الجديدة حتى تكون صفقة ناجحة (معلش ماحدش يتوقع أقل من كده، لكن أكتر آه)

تحياتي

عندك حق يا باشا وبضيف نقطه لكلامك وتساؤلاتك وهي :
" هل العفشه الجديده اللي هاتبقي عفشه متصله بنفس مستوي العفشه الحاليه المنفصله والتي تعتبر من أهم مزايا العربيه بعد الوسع الداخلي للعربيه؟؟؟ "

وليه يا جماعه ماحدش رد علي نقطة التكييف الضعيف للكارينز الحاليه؟ هو فعلا ضعيف ولا إيه؟؟؟؟؟