حد اتعرض للموقف ده في حساس الكامة ؟؟ - الفيشة ساحت !!
السلام عليكم ورحمة الله وبركاته
ازيكم ياوحوش؟؟
دلوقتي حصلي مشكلة إن العربية بطلتها وجيت أدورها مارضيتش تدور نهائياً، كانت بتدور وتبطل فوراً
الميكانيكي جه وكشف بالجهاز طلع حساس كامة وبعدين فك فيشة طلمبة البنزين نضفها وركبها تاني اشتغلت ودارت
المهم رحت جبت حساس الكامة تركي الراجل - محل قطع غيار في ش الترعة في شبرا - قالي انه الأصلي وجبته بـ 260ج
جينا نغير الحساس فوجئنا إن الحساس ضارب والفيشة بتاعته سايحة وبايظة تماما!!، أنا طبعاً مكانش عندي مشاكل في العربية ولا حاجة متعلقة بحساس الكامة وبالتالي مش عارف الحساس بايظ من امتى لكن أنا ماكشفتش بالجهاز من ساعة ما جبت العربية بس واضح إن دي حاجة مهمة !!
المهم دلوقتي الكهربائي متخصص في الرينو جابلي فيشة من عنده مش نفس الفيشة لكن نفس المقاسات والـ Pins وكل حاجة وركبها ولحمها مكان التانية وركب الحساس مظبوط
الوضع دلوقتي إن أنا مش لاقي فيشة الحساس جديدة ولا استيراد عند أي حد سألت عنده والكشف بالجهاز بيدي نفس العيب برضو (مفيش إشارة من حساس الكامة) لكن العربية كويسة ومافيهاش مشاكل والكهربائي بيؤكدلي نقطتين
1- مستحيل يكون الحساس الجديد بايظ
2- مستحيل يكون فيه مشكلة من الفيشة
وعليه هو بيقولي إن العيب كده من الكونترول وإن الحساس شغال وكل حاجة ومش هايعمل مشاكل
أنا بعد تفكير وتمحيص قلت أنا معرفش موضوع إن الفيشة ساحت ده ممكن يكون خلى الكنترول يفصل الحساس من باب الأمان علشان مفيش حاجة تاني تضرب في الضفيرة بسببه - هل ده منطقي أصلا - ولو كان ده بيحصل فعلا ايه حل المشكلة دي بعد تركيب حساس سليم
حد فاهم يقدر يفيد في الموضوع ده ؟؟
في انتظاركم وجزاكم الله كل خير
