الموضوع: استفسار لاهل الخبرة فى الفيليشيا؟

لا حولا ولا قوة الا بالله....*

ربنا يعوض عليك وينتقم من الظالمين الغشاشين المدلسين واعلم ان الله لن يبارك لهم فيما يفعلون من غش وتزوير وتدليس....

العربية حضرتك اشتريتها بالعيب بس كانت متعالجه بمسكن يعنى ممكن يكون غير الجوان وكتر شويه فى الجملكة وعلى طول خلص فى بيعها وخلص منها وربنا يخلص منه إن شاء الله....

طبعا بعد ما حتركب الوش الجديد حتتظبط الدنيا معاك وربنا يكرمك إن شاء الله فيها....*

المشاركة الأصلية كتبت بواسطة osamahassan85

اشتريت عربية فيليشيا وو الحمدلله بقالى اسبوع وكان دايما عداد الحراره اقل من سبعين و مرة واحدة بس عدا السبعين بشوية و نزل تانى المهم اول امبارح كنت ماشى لاقيت الحرارة بتعلى لكن موصلتشللمية بصيت على القربة لاقته فاضية زاودتها وبصيت علي التسريب مفيش بصيت على الزيت لاقيتة مطحن عرفت الكارثة المهم روحت للميكانيكىى قالى الوش دا مش نافع فأجبت وشسلندر تركى السؤال اية سبب اللى حصل دا وهل ممكن يكون المشكلة فيها قبل ما أشتريها علما بانى غيرت زيتاول ما اخدتها و كان الزيت مشمطحن ولا حاجة وهل الوشالتركى دا يستحمل علما بأنى بسافر كتير؟أفيدونا افادكم الله

اولا الف مبروك على العربية وقدر الله ماشاء فعل وزى ما الزملاء وضحولك ان العربية انت اشتريتها وهيه معيوبة المهم يكون بص على البساتم والشمايز بالمرة مادام فتح الموتور واللى حصل معاك ان المية فضت تنقص بانها دخلت على مواسير الزيت جوة البلوكة لغاية مافضيت من القربة والردياتير وطبعا الحرارة بتاعة الموتور فضلت تعلى لغاية مالعربية مرديتش تدور منك تانى المهم بعيد عن الكلام ده الميكانيكي اللى ركبلك الوش الجديد خليه ينزل الزيت اللى انت لسه حاطه وحط زيت موبيل 1000 كيلو وامشي بيه 500 كيلو وارجع للميكانيكي يشد على الوش تانى وارجع حط الزيت بتاعك تانى عادى
عربيتي كانت جايبة جوان قبل كده وعملته على الوش القديم وسافرت بيها عادى مرتين بس اهم حاجة تلاحظها فى فترة 500 كيلو دول ان المية متكونش بتنقص زكمان الزيت ميطحنش تانى