مارايكم فى الكارينز

**esam_ayad** · 13-02-2013 10:22 PM

يا باشا الموضوع سهل:
-- لو شكل الكارينز الحاليه مريحك ومايفرقش معاك موضوع السحب وكمان موضوع شفط البنزين ده وكمان لو ولادك كبار في السن مش صغيرين يبقي دوس واشتري الكارينز الحاليه
-- لو مش فارق معاك الوسع الكبيييييييييير قوي بتاع الكارينز الحاليه ومش محتاح غير وسع كبيييييير بس وكمان مش فارق معاك اقل حاجه عشرين الف جنيه(فرق سعر عن القديمه) وعايز سحب معقول نسبيا وشكل جميييييل يبقي استني الكارينز الجديده علي شهر سته ان شاء الله.
وكرأي شخصي : لو مش مستعجل علي الشراء وهاتشتريها تقسيط زي حالاتي يبقي استني الجديده ولن تندم ان شاء الله.

**Mohamed.Muslim** · 13-02-2013 11:08 PM

المشاركة الأصلية كتبت بواسطة esam_ayad

بص ياباشا لو تقدر تستني الكارينز الجديده هايبقي أحسن لأن الجديده أصغر وأحلي شكلا والفتيس احتمال كبير جدا يبقي ست سرعات يعني استهلاك بنزين جيد وأكيد حجمها هايقل -وده من أكتر عيوب الكارينز الحاليه -
ومن ناحية المساحه فالكارينز الجديده أصغر شويه لكن مش قوي,
لكن لو مش فارق مع حضرتك سحبها البطيء واستهلاكها العالي للبنزين يبقي توكل علي الله وهات الهاي لاين منها وهاتعجبك جدا.
وعلي فكره أنا مستني نزول الكارينز الجديده ومش راضي أشتري الموجوده دلوقتي علي الرغم من أن توكيل كيا الكويت عامل عليها عروض حلوه.
وعموما أنا عامل موضوع عن الكارينز الجديده ومقارن أبعادها بأبعاد الكارينز الموجوده حاليا.
وده لينك للموضوع بتاعي:
http://www.nilemotors.net/nile/335329-2014.html

طب يار يت تقولى العروض اللى عاملها كيا الكويت على الكارينز الحالية ؟؟؟

**علاء محمد** · 14-02-2013 12:47 AM

شكلى هستنى الجديدة انا اصلا مش متجوز لسه بدرى انا عمرى ٢٢ سنة هههههههههههه انا والدى مسافر وعايزين عربية للعائلة انا لو عليا هشوف حاجة شبابى

**Ahmed_Adham** · 14-02-2013 03:07 AM

المشاركة الأصلية كتبت بواسطة esam_ayad

يا باشا الموضوع سهل:
-- لو شكل الكارينز الحاليه مريحك ومايفرقش معاك موضوع السحب وكمان موضوع شفط البنزين ده وكمان لو ولادك كبار في السن مش صغيرين يبقي دوس واشتري الكارينز الحاليه
-- لو مش فارق معاك الوسع الكبيييييييييير قوي بتاع الكارينز الحاليه ومش محتاح غير وسع كبيييييير بس وكمان مش فارق معاك اقل حاجه عشرين الف جنيه(فرق سعر عن القديمه) وعايز سحب معقول نسبيا وشكل جميييييل يبقي استني الكارينز الجديده علي شهر سته ان شاء الله.
وكرأي شخصي : لو مش مستعجل علي الشراء وهاتشتريها تقسيط زي حالاتي يبقي استني الجديده ولن تندم ان شاء الله.

عشرين ألف ايه يا باشا اذا كان القديمه زادت 16 ألف وهيه هيه نفس العربيه. الجديده أنا متأكد ان الهاي لاين منها هيدخل 200 ويعدي كمان انما القديمه كانت 140 ودلوقتي 156.

**esam_ayad** · 14-02-2013 09:08 AM

المشاركة الأصلية كتبت بواسطة bybers

طب يار يت تقولى العروض اللى عاملها كيا الكويت على الكارينز الحالية ؟؟؟

الكارينز الهاي لاين حاليا عليها عرض ب 4300 دينار كويتي(لو ضربنا الرقم ده في 24 جنيه مصري يطلع تقريبا 103 ألف جنيه) ولو هاتاخدها تقسيط علي خمس سنوات الفوايد بتاعتها مش هاتكمل عشرين الف جنيه (الفوايد بتاعة التقسيط علي الخمس سنين 18%).
والتوكيل بيسجلهالك في المرور مجاني ويعملك تأمين ضد الغير تلات سنوات وضمان خمس سنوات ومش فاكر والله اذا كانت معاها صيانه مجانيه لأول عشرين الف كيلو ولا لأ لأن دي كانت في العرض اللي فات.

**esam_ayad** · 14-02-2013 09:11 AM

المشاركة الأصلية كتبت بواسطة علاء محمد

شكلى هستنى الجديدة انا اصلا مش متجوز لسه بدرى انا عمرى ٢٢ سنة هههههههههههه انا والدى مسافر وعايزين عربية للعائلة انا لو عليا هشوف حاجة شبابى

يا باشا وأنا عندي 28 سنه يعني لسه شباب وماعنديش ولاد يعني يادوب انا ومراتي وبس.
والكارينز الجديده شكلها حلو وشبابي كمان.

**Mohamed.Muslim** · 14-02-2013 04:13 PM

المشاركة الأصلية كتبت بواسطة esam_ayad

الكارينز الهاي لاين حاليا عليها عرض ب 4300 دينار كويتي(لو ضربنا الرقم ده في 24 جنيه مصري يطلع تقريبا 103 ألف جنيه) ولو هاتاخدها تقسيط علي خمس سنوات الفوايد بتاعتها مش هاتكمل عشرين الف جنيه (الفوايد بتاعة التقسيط علي الخمس سنين 18%).
والتوكيل بيسجلهالك في المرور مجاني ويعملك تأمين ضد الغير تلات سنوات وضمان خمس سنوات ومش فاكر والله اذا كانت معاها صيانه مجانيه لأول عشرين الف كيلو ولا لأ لأن دي كانت في العرض اللي فات.

هى دى العروض ولا بلاش لا حول ولا قوة الا بالله فى البلد دى

**Mohamed.Muslim** · 14-02-2013 04:19 PM

المشاركة الأصلية كتبت بواسطة ahmed_adham

عشرين ألف ايه يا باشا اذا كان القديمه زادت 16 ألف وهيه هيه نفس العربيه. الجديده أنا متأكد ان الهاي لاين منها هيدخل 200 ويعدي كمان انما القديمه كانت 140 ودلوقتي 156.

كلامك مضبوط جدا وانا قبل كده سألت فى التوكيل عليها قالى حتلقى أأقل من السبورتاج بشوية صغيرين عشان نقدر نبيع العربيتين , فى راى أعلى فئة ممكن تبقى ب 200 أو 210 كمان لان اعلى فئة فى السبورتاج ب 236 ألف دلوقتى وكمان ده سعر التوكيل من غير أوفر برايس !!!!!!!!