اولا السلام عليكم ياجماعة محتاج رايكم فى كيا كارينز من حيت الموتور والثبات واستهلاك البنزين والفتيس وحكاية السحب الضعيف والتكيف خاصة الكنبة اللى ورا
عرض للطباعة
اولا السلام عليكم ياجماعة محتاج رايكم فى كيا كارينز من حيت الموتور والثبات واستهلاك البنزين والفتيس وحكاية السحب الضعيف والتكيف خاصة الكنبة اللى ورا
بالرغم من اني مش بحب سحب الكارينز البطيئ نسبيا بس سحبها ما أقل من عربيات أغلى منها بكتير زي الباسات والاوكتافيا والجيتا وعربيات تانيه كتير وهرجع وأقولك دي عربيه عائليه فمش مطلوب منها الجري من الاساس بس عموما لو عايزها تجري شويه حول على المانيوال واتأخر في النقلات لحد ما تجيب الرابع وبعد كده حول اوتوماتيك تاني.
التكييف مفيش فتحات ورا وبالنسبه للي قاعدين قدام هوه ممتاز وبالنسبه للي قاعدين ورا مش قوي ولا ضعيف بس أكيد اللي ورا مش هيحس بالحر وعلى أسوأ الاحوال هتعمله على 3 لو فيه ناس ورا وعلى 2 لو مفيش حد ورا علما بان المروحه 4 سرعات.
لو عايز عربيه عائليه واسعه يكون اللي قاعد ورا مرتاح زي اللي قاعد قدام يبقى الكارينز ومفيش اختيارات تانيه خالص قدامها في النقطه دي ولو عايز عربيه بتجري في حدود نفس السعر عندك النترا وسيراتو أسرع من الكارينز بثانيتين ولا حاجه.
كلام مضبوط
انا شاكر جدا ليك والله علشان انا ناوى عليها بأذن الله اخبار سعرها ايه دلوقتى
حضرتك قولت كل ما يمكن ان يقال عن الكارينز
واسمح لى ان اضيف جملة أخرى ذكرتها كثير ومازلت اذكرها لأختصر الموضوع
وهى ان السيارة الكارينز هى السيارة الأولى العائلية فى مصر دون منافس أو منازع حتى بقيمتها المادية بعد أرتفاع الأسعار
والكارينز الجديدة أعتقد صعب جدا تكون بنفس حجم الكارينز الحالية
أخى توكل على الله فهى فعلا سيارة تستحق الأقتناء
عربية ممتازه يعيبها فقط السحب الضعيف مع استهلاك بنزين عالى خصوصا مع التكييف
شكرا جدا ياجماعة والله ان شاء ربنا يسهل وننزل نجيبها باذن الله واحنا عائلة كنا عايشسن فى اسوان والدنيا هناك طبعا رايقة وهنا الجماعة مش متكيفين على الوضع المواصلات زحمة وكده علشان كده عايزين عربية
بص ياباشا لو تقدر تستني الكارينز الجديده هايبقي أحسن لأن الجديده أصغر وأحلي شكلا والفتيس احتمال كبير جدا يبقي ست سرعات يعني استهلاك بنزين جيد وأكيد حجمها هايقل -وده من أكتر عيوب الكارينز الحاليه -
ومن ناحية المساحه فالكارينز الجديده أصغر شويه لكن مش قوي,
لكن لو مش فارق مع حضرتك سحبها البطيء واستهلاكها العالي للبنزين يبقي توكل علي الله وهات الهاي لاين منها وهاتعجبك جدا.
وعلي فكره أنا مستني نزول الكارينز الجديده ومش راضي أشتري الموجوده دلوقتي علي الرغم من أن توكيل كيا الكويت عامل عليها عروض حلوه.
وعموما أنا عامل موضوع عن الكارينز الجديده ومقارن أبعادها بأبعاد الكارينز الموجوده حاليا.
وده لينك للموضوع بتاعي:
http://www.nilemotors.net/Nile/335329-2014.html
بعد ماشفت الموضوع احترت اكتر بين الاتنين
يا باشا الموضوع سهل:
-- لو شكل الكارينز الحاليه مريحك ومايفرقش معاك موضوع السحب وكمان موضوع شفط البنزين ده وكمان لو ولادك كبار في السن مش صغيرين يبقي دوس واشتري الكارينز الحاليه
-- لو مش فارق معاك الوسع الكبيييييييييير قوي بتاع الكارينز الحاليه ومش محتاح غير وسع كبيييييير بس وكمان مش فارق معاك اقل حاجه عشرين الف جنيه(فرق سعر عن القديمه) وعايز سحب معقول نسبيا وشكل جميييييل يبقي استني الكارينز الجديده علي شهر سته ان شاء الله.
وكرأي شخصي : لو مش مستعجل علي الشراء وهاتشتريها تقسيط زي حالاتي يبقي استني الجديده ولن تندم ان شاء الله.
شكلى هستنى الجديدة انا اصلا مش متجوز لسه بدرى انا عمرى ٢٢ سنة هههههههههههه انا والدى مسافر وعايزين عربية للعائلة انا لو عليا هشوف حاجة شبابى
الكارينز الهاي لاين حاليا عليها عرض ب 4300 دينار كويتي(لو ضربنا الرقم ده في 24 جنيه مصري يطلع تقريبا 103 ألف جنيه) ولو هاتاخدها تقسيط علي خمس سنوات الفوايد بتاعتها مش هاتكمل عشرين الف جنيه (الفوايد بتاعة التقسيط علي الخمس سنين 18%).
والتوكيل بيسجلهالك في المرور مجاني ويعملك تأمين ضد الغير تلات سنوات وضمان خمس سنوات ومش فاكر والله اذا كانت معاها صيانه مجانيه لأول عشرين الف كيلو ولا لأ لأن دي كانت في العرض اللي فات.
كلامك مضبوط جدا وانا قبل كده سألت فى التوكيل عليها قالى حتلقى أأقل من السبورتاج بشوية صغيرين عشان نقدر نبيع العربيتين , فى راى أعلى فئة ممكن تبقى ب 200 أو 210 كمان لان اعلى فئة فى السبورتاج ب 236 ألف دلوقتى وكمان ده سعر التوكيل من غير أوفر برايس !!!!!!!!