عايز مساعدة فى السيور واسعارها
السلام عليكم ورحمه الله
ازيكم يا شباب
انا عايز اقلكم انى طلع عينى بقالى شهرين مكنتش لسا استلمت العربية
واسبوع ف اسبوع ف شهر لغايه ما عدى تقريبا شهرين
واخيرا هروح اسجل العربية بكرا وارخصها ان شاء الله
انا سقت العربية النهارده 3 ساعات كدا لاحظت كذا حاجه كدا
العربية بتحدف يمين ودا اكيد عشان ترصيص وظبط زوايا صح كدا ولا يه ا
وتانى حاجه بضغط فرامل بسمع صوت صفير العربية مركونة بقالها شهرين تقريبا وكان كلها تراب قلت لما اغسلها ممكن الصوت يروح هل التراب ممكن يكون سبب ولا دا تيل الفرامل
والعربية واقفة سامع كأن السير جوا بيزيق او بيصفر فى صوت صفير عموما دا بعد ما اغير السيور الصوت هيروح ولا ايه نظامة
كنت بس عايز اعرف السيور دى اسعارها ايه ويا ريت لو حد من طنطا واركبها فين عشان انا مليش فى الانسر خالص ولسا اول مرة
وهغير الزيت طبعا وهربط ع العفشة وكدا فى حاجه تانيه اعملها ولا كدا تمام؟
مستنى ردكم ومتشكر جدا يا شباب