لاحظت وجود اعلانات متكررة عن موبايلات غالية مثل سامسونج اس 3 وبنفس المواصفات تقريبا وتلاقيها رخيصة ب 300 ج مثلا ، طيب دي لو مقلده ازاي يسمحوا بعمل اعلان عن سلعة مقلدة باحتراف وبنفس الاسم التجاري ؟ ولا الموضوع نصب ؟ :pirate14:
عرض للطباعة
لاحظت وجود اعلانات متكررة عن موبايلات غالية مثل سامسونج اس 3 وبنفس المواصفات تقريبا وتلاقيها رخيصة ب 300 ج مثلا ، طيب دي لو مقلده ازاي يسمحوا بعمل اعلان عن سلعة مقلدة باحتراف وبنفس الاسم التجاري ؟ ولا الموضوع نصب ؟ :pirate14:
تقليد مجرد شكل
لكن طبعا امكانياته تعبانه جدا
واحيانا تشتري 2 وتاخد واحد هديه
هيفطس في ايدك
ازاي سامسونج تسمح بإعلان مضلل زي ده وبيتكلم بكل ثقة عن اسم المنتج عادي خالص
اوع تقرب منه دا موبيل زبالة الزبالة
توقيع
واحد مقروص في 250 جنية في عدة زبااااااااااااااااااااااا ااااااااااااااااااااااااا ااااااااااالة من محل اللي بيبيع فيه واحد شبه المتظاهرين السلميين بتوع المولوتوف وخلافه الواحد مبيتعلمش ببلاش
يا دكتور بيغيروا حرف او بيبدلوا حرفين عن الماركه الاصليه
وبكده خرجوا من السرقه
المشكله ان فى عدد ممتازة وفى حاجات زباله
ببساطة الموبايل اللى بيتعرضلك على ال t.v دة هو الاصلى بتاع سامسونج , لكن تيجى بقى تشترى الهاتف دة تلاقية اصبح 3310 نوكيا متنكر فى جهاز بشاشة كبيرة وشكرا على كدة , لكن الكاميرا تعبانة جدا, ال radiation بتاعة التليفون عالية اوى اوى , جاهز صوت بس , بجد والله حرام فعلا ان الحاجات دية بتتعلن كدة على الهواء
احنا لازم ننظف بقى من الحاجات دية مش عارف لية سايبينها والله الواحد يبقى قاعد مثلا بيتفرج على فيلم وفجأءة فاصل 30 دقيقة وهات بقى اعلانات منيلة بنيلة زى وشهم , منشطات - اجهزة ورق وتعبانة - زيوت - ادوية - مراهم وكل دول تلاقيهم معمولين تحت بير السلم ومتعبين وطبعا مافيش رقابة لان الاعلانات دية هية اللى قايمة عليها المحطة لانها بتاخد فلوس وشوف بقى مدة الاعلان قد اية " والحسابة بتحسب "
بجد لازم ننظف فعلا انا مش عارف هنفضل لحد كدة امتى ؟؟؟؟؟؟؟؟؟؟؟؟؟؟؟؟؟؟؟؟؟؟
متستغربشى يا دكتور محمود
اللى حضرتك شوفته ده تجسيد للواقع اللى بقينا عايشين فيه للأسف .
إعلانات قذره
ألفاظ خارجه
مناظر فجه
كله بيدور على السبوبه وبدون رقابه أو أى معايير للجوده أو حقوق ملكيه فكريه أو أى حاجه
الشركات اللى من النوع ده بتستغل سذاجه البعض وجهل البعض الاخر وبتعمل الاعلانات دى وبتصرف
مقابل بيعها للأجهزة المضروبه والمعيبه والقنوات اللى من النوع ده بتعتمد على المشاهده العاليه
للمشاهد العادى وهو بيتابع فيلم وتعرض الأعلانات المستفزة دى وكله بتمنه
لدرجه ان العادى بقى اعلانات بفواصل افلام مش العكس .
المسئوليه على الجميع أصحاب الفضائيات ووزاره الاستثمار اللى بتديهم تصاريح لفتح القنوات دى دون مراقبه المحتوى والمعروض وكمان وزارة الاعلام وعلى رأسهم المواطن العادى
اللى هو الهدف والفريسه لأنه بيشترى
لازم الناس تغير ثقافتها الشرائيه وتبطل نصاحه
يعنى ازاى موبايل تمنه 4000 او 5000 جم ويتباع هو نفسه ب 300 جم
شئ مش منطقى بالمره ومع ذلك الناس بتصدق .
ربنا يرحمنا من الجهل والسذاجه والجشع وعدم الأمانه .........
تقبل تحياتى يا دكتور وواحشنى جدا .
المفروض الاعلانات دي تتمنع اساسا غير الموبيل
في اعلانات ادوية وغلط وبردوا متسابة عادي !!
وده الاخطر ..