ممكن حد من الخبراء يفيدني_ _ _ أصلي عايز أركب بوجيهات 3 شمعة في العربية الشاهين و مش عارف هتبقى مضرة ولا إيه و هتستهلك بنزين كتير ولا لأ
و هل الفايدة من تركيبهم كبيرة و لا التأثير بسيط
عرض للطباعة
ممكن حد من الخبراء يفيدني_ _ _ أصلي عايز أركب بوجيهات 3 شمعة في العربية الشاهين و مش عارف هتبقى مضرة ولا إيه و هتستهلك بنزين كتير ولا لأ
و هل الفايدة من تركيبهم كبيرة و لا التأثير بسيط
مالهاش أى داعى هتزود استهلاك البنزين وتزيد من سخونة الموتور ومش هتأثر بدرجة كبيرة زى ماانت فاكر سيبك منها ركب زى اللى بتيجى بيها العربية شامبيون 1 شمعة أو دنسو 1 شمعة دول ممتازين جدا للشاهين وعن تجربة
شكرا ع الرد
بس الكلام ده عن تجربة و لا إيه النظام
أنا كنت مركب بوجيهات دنسو واحد شمعة ياباني أصلي
وبعدين فكرت أركب متعدد الشمعات
فركبت NGK ثلاث شمعات ياباني أصلي
والحقيقة بعد تجربتها لمدة حوالي 3000 كلم أثبتت فشلاً ذريعاً
بل أكاد أجزم أن البوجيهات الدنسو ذات الشمعة الواحدة كانت أفضل منها أداءاً
ولذلك أنصحك بالإبتعاد عنها وعليك بالدنسو الياباني الأصلي ذات الشمعة الواحدة المحفورة
وتأكد أنه أصلي لأن السوق غارق بالمغشوش
بعد عمر طويل وتجارب لا اول لها ولا اخر فى البوجيهات مع الشاهين هقول لك الخلاصة
شامبيون شمعة واحدة، لو مليقيتوش يبقى دنسو شمعة واحدة
وانسى اى حاجة غير كدة
انا عندى الانجيكشن لازم اركبلها شامبيون شمعة واحدة وصل سعر الطقم دلوقتى 70 جنيه ! للاسف البوجيهات العادية او الثلاث شمعة بتضرب لوحة الكمبيوتر بها وثمنها 1200 جنيه وهذا حدث مع زملاء لى
معلش سؤال سريع , يعنى ايه بوجيه يضرب ال Ecu بتاع العربية ؟
على فكرة انا معايا تيبو , انجيكشن , و تقريبا النظام هو هو اللى فى الشاهين
ركبت جميع انواع البوجيهات و مفيش حاجة باظت
و بالمناسبة لسه جايب طقم شامبيون من الكيلانى و للاسف زى الزفت مع انى عارف ان الشامبيون و البوش مضروبين من زمان بس قولت اكيد الكيلامى مش حيبيع حاجة مضروبة
لو عايز حاجة كويسة و عن تجربة Ngk شمعة و احدة ابو مقاومة اللى علية حرف ال R تقريبا كان ب 45 جنيه
و مرة جبت طقم فرنساوى Eyequim ب 40 - 3 شمعة و كان تحفة بس للاسف مالقيتهمش تانى