كنت عاوز اعرف رايكم في كلية حاسبات و علومات و مستقبله في الشغل خاصة قسم هندسة برمجيات و لو في حد خريج منها يقولي ايه نظامها ؟؟
عرض للطباعة
كنت عاوز اعرف رايكم في كلية حاسبات و علومات و مستقبله في الشغل خاصة قسم هندسة برمجيات و لو في حد خريج منها يقولي ايه نظامها ؟؟
كلية ممتازه بمعني الكلمه وهي كلها برمجه وفيها 4 اقسام
1- Computer Science
2- Information Technology
3 - Information System
4- Operation Research and Decision Support
القسم الأول كله برمجه حتي النخاع وشغل بقي Database, Operating System, Compilers يعني يطلع مبرمج جامد فحت
القسم التاني خاص بالشبكات والملتيمديا
القسم التالت خاص بقواعد البيانات وال Data mining
القسم الرابع خاص ب Business Intelligence وده ليه شغل كتيير قوي في الحكومه ومجلس الوزراء
اهم حاجه مش اي حاسبات تدخلها
يعني لو مدخلتش قاهره او عين شمس او حلوان ودوول من الأحسن للأوحش يبقي بلاش تدخلها عشان مش هتتعلم حاجه وهتندم انك دخلتها
شغلها حلو قوي قوي قوي ومتوفر بكتره بس اهم حاجه تكون بتحب البرمجه وتعمل حسابك انك هتفضل طول عمرك تقرا وتتعلم عشان كل يوم في جديد ومرتباتها كويسه جدا بس كله قطاع خاص لان لسه ملهاش نقابه لكن في الطريق ان شاء الله وفي حاجه امسها جمعية المبرمجين المصريين او العرب تقريبا
لو عايز اي حاجه قولي انا الحمد لله خريج حاسبات القاهره 2006
زى ما استاذ شداد قال بالظبط
ويا سلام لو ربنا كرمك وكملت فى ال iti
تلاقى الشغل جايلك لغاية عندك وبمرتب كويس
خريج 2003 ..... و عمري ما ندمت على قراري (داخلها غصب عن اهلي و بخناقة و حتى ابويا نفسه بيقول لي دلوقتي انت جدع انك عملت كده) ......
1- ترتيب الكليات مبني علي الدكاتره والمستويات اللي بتدخل وعلي حسب خبرتي بالخريجين بتوعها (قاهره او عين شمس او حلوان وفي امل كده في المنصوره) بس غير كده هتحس انك داخل معهد سنتين
2- عشان مفيهاش دكاتره كويسين ونظام تعليمي كويس يعني في القاهره مثلا دلوقتي عندهم نظام الساعه المعتمده وبتختار الكورسات بنفسك محدش بيفرض عليك كورسات
3- اشتغلت بعد التخرج بشهر في شركة ITWOrx
4- كل حاجه درستها في الكليه اشتغلت بيها لانها بتدرسلك Software Engineering مش زي هندسه كمبيوتر مثلا بيدرسولك حاجات كتيير مش بتشتغل في مصر زي الحاجات الهاردير
هي كليه محترمه و زي الفل بس مفيش شغل محترم الا بواسطه
طيب انت خريج الكلية؟
تعرف كام خريج منها؟
حضرتك مصمم توصل معلومات غلط للناس ليه؟
انا خريج الكلية دي من 10 سنين ...... و اعرف ناس كتير من خريجيها سواء زملاء دراسة بحكم الدراسة فيها او زملاء عمل من خريجيها من جامعات اخرى بحكم العمل
99% من الوظايف في المجال ده من غير واسطة ....... بالعكس ده اكتر مجال مفيهوش واسطة لان الاختلافات بين الخريجين فيه مهولة و انواع التخصصات الفرعية مالهاش اول من اخر و اللي هيثم شداد يعرف يعمله احمد كمال ما يفهمش فيه بشلن و العكس صحيح عشان كده لو انا معايا كوسة محدش هيعينني مكان هيثم و لا العكس
مين قالك انك ان الشغل المحترم مفيش من غير واسطه ...
جربت تقدم فى شركه من الشركات المحترمه وفشلت عشان قالك عايزين واسطه ... ولا سمعت بس وبتنقل الكلام
انا شخصيا اعرف كذا حد شغال فى شركه محترمه ومن غير واسطه وخريج حاسبات او غيرها
منهم فى جوجل وغيره وغيره ....
يا سكرين فى حاجات مينفعش تفتى فيها او تتكلم من غير علم فيها عشان ممكن تأثر على مستقبل بنى أدم
من تكلم منكم فليقل خيرا او ليصمت ....
كلمتين
اتوكل على الله يا باشا بشرط واحد بس
انك تبقى حابب الموضوع
انا معرفش اي حد اشتغل بواسطه في مجالنا ده لكن ممكن يحصل لو كان شغل حكومه مثلا ورايج يتعين مدرس ولا اي وظيفه مكتبيه وساعتها هيبقي ده واحد اكيييييييييد فاشل التنين لانه هياخد مرتب اي كلام وهو هيبقي اصلا ميعرفش اي حاجه
لكن الشركات كلها خاصه ومفيش واحد هيجيب حد تاني يديله كام الف عشان سواد عيون الواسطه لانه وجود واحد ميعرفش حاجه مش بس فلوس بياخدها كل شهر لا ده حاجات هيبوظها وهيعطل الدنيا وممكن يتسبب في خسارة بالملايين
الله يكرمكم بلاش فتي ده مستقبل ناس واللي متاكد من حاجه وجربها بنفسه يقول غير كده بلاش سمعت وشفت والكلام اللي يجيب ورا ده