مناقشة لاختيار افضل نوع كاوتش للسيراتو جنط 17

**moha4tec** · 09-12-2013 01:23 PM

فى مهندس فى توكيل كيا القطاميه معاه سيراتو و مركبلها 215/50/17 و بيقولى مريح جدا و مبيعملش بلالين و كويس و مريح فى المطبات و كله تمام بس بيقولى مشكلته انه بيعمل صوت خشونه او صوت عالى على سرعه 200كم/ساعه و انت طالع .
قلتله كده يبقى مفيهوش مشكله لان مفيش حد بيقفل عداد كده خالص

**moha4tec** · 11-12-2013 10:02 PM

غيرت كوتش 225/45/17بريدجستون يابانى ب 4040 جنيه اربع فرد و اخدت خصم 10فى الميه.
هو ملهوش صوت و لكن مش طرى زى ما كنت متوقع بس شغال . هعمل تست دريف و اشوف .
و هعمل موضوع بيه باذن الله

**moha4tec** · 12-12-2013 10:31 AM

السلام عليكم
اشتريته من بريدجستون فرع عمارات العبور . فى طريق صلاح سالم و تاريخ الكوتش جديد اخر شهر 10 2013
سعر الفرده قبل الخصم 1135 و بعد الخصم 1010 تقريبا مش متاكد عملى 10% و الا 11 %
بالترصيص و النيتروجين و كله .و نايل موتورز ليها خصم 5% اتصالات 10% فودافون و موبينيل 7% كارت atm البنك الاهلى المصرى 10% تخفيض
الصدفه هى اللى عملت كده و الله
قلتله اعملى تخفيض نايل موتورز .قالى تحت امرك .و بطلع كارت البنك الاهلى احاسب .قالى انا هعمل معاك واجب جامد .و قام مدينى 10% خصم ههههههههههههههههههههههههه ه .قلتله هجيبلك اصحابى فى الشغل و حبايبى .
و قالى البنك الاهلى واخد اكبر نسبه خصم .10%
الحمد لله
اخبار الارتفاع و الاتزان لسه معرفش . لانى لسه مجربتوش فى جرى
اللى جربته :
انى مشيت فى طرق عاديه بسرعات متوسطه و بطيئه .و فى حتت مكسره بسرعه منخفضه .

صوت الكوتش اقل و انعم من الكمهو الاكستا . و لكنه مش طرى عن الكمهو الا بفرق بسيييييييط جدا
و بسبب ان الفرده صوتها منخفض و الكمهو كان صوتها عالى .اتخضيت لانى لقيت صوت الموتور عالى جدا مره وحده هههههههههههههههه. تقريبا الفرده الكمهو كانت مغطيه على صوت الموتور
البريدجستون صوتها واطى فى كل شىء ما عدا عيون القطط .
و عكسها الكمهو
بالنسبه للثبات .
انا اول ما اشتريت الكمهو 215/45/17 معجبتنيش و حسيت ان انا رميت الفلوس فى الارض
و بعد شهر حسيت انها كويسه و تمام و كنت جربتها فى مطره و غيره و فرامل و كده .و تماسك مع الارض جميل
البريدج .الشاسيه بتاع الفرده ال 225/45/17 يساوى او اقل من 215/45/17 الكمهو .=نسبه الكوتش الملامس للارض زى بعض او اقل من الكمهو
يعنى فى الثبات هتكون زيها تقريبا اللى هيفرق الكمبوند بتاع الفرده و تماسكه مع الارض
و الله اعلم
و عموما الفرده دى 225/45/17 البريدج اسمها تورانزا جى ار 90 و دى فرده معموله للمدينه و المفروض تبقى مريحه و كده .يعنى مش بتاعة جرى و غرز و كده . و عمرها المفروض طويل
و لكن البوتنزاى الادرينالين موجوده فى المقاس ال 16 و ال 17 و اغلى و مش يابانى . و لكنها سبورت و ناشفه و ادائها فى الملفات و الغرز رهيب و عمرها قصير

و الله اعلم

**moha4tec** · 12-12-2013 09:54 PM

ثمك المداس فى التورانزا 7ملى عشان كده عمرها اطول و ثمك البوتنزا الادرينالين 5.5ملى عشان كده عمرها اقصر شاسيه المداس فى التورانزا اقل و نقشتها مختلفه و مسارات الميه فيها 4 و اكبر عشان كده صوتها اهدى و انعم من التورانزا .
البوتنزا الشاسيه الملامس للارض اعرض و مسارات تفريغ الميه 3 عشان كده ثباتها افضل بكتير جدا . بس انشف و ثوتها اعلى .
و الله اعلم .