مناقشة لاختيار افضل نوع كاوتش للسيراتو جنط 17

**fddf512** · 12-02-2013 09:51 AM

السلام عليكم يا شباب

انا عاوز افتح موضوع للنقاش العام في موضوع الجنط 17 وعاوزين نكلم عن تجارب فعلية لناس غيرو كاوتش وايه كان افضلهم واحسنهم من وجه نظرة علشان كلنا نستفيد

وحبدا بنفسي ، انا اشتريت عربية سيراتو كسر زيرو جنط 17 ولما الكاوتش اتخرم رحت اعمله الراجل قالي الكاوتش بتاعك وحش ويفضل تغيرة في اقرب وقت العربية عاملة 15000 الف كيلو بس وعندي بلونو صغيرة قوي في الفردة الي قدام مش ملحوظة اساسا ( مش جامده يعني ) المهم ان الراجل بيقولي ان الكاوتش الي بينزل مع السيراتو سئ جدا وكان بيرشحلي نوع ياباني بس انا نسيت اسمه للاسف مقاس 225/45/17 وقالي دا حلو وحيعيش معاك ، بس انا فاكر ان حد كان بيتكلم ان التوكيل قاله الافضل انك تغير لمقاس 215/50/17

احنا عاوزين تجارب الناس بقة علشان الكل يستفيد.

**ahmed_halim197** · 12-02-2013 10:11 AM

متابع

**moha4tec** · 12-02-2013 10:16 AM

السيراتو بتنزل برا مصر بمقاسين
215/45/17
215/50/17
و فى ناس جربت 225/45/17 و شكرو فيه جامد

**fddf512** · 12-02-2013 11:20 AM

طيب يا جماعه برده الي عنده مقاس 215/17/45 ونوع حلو ومريحة يكتبة ويقول مواصفاته ونقشته علشان كلنا نستفيد
وكمان الي عنده مقاس مختلف عن الي مكتوب في الاختيارات يتكبه ويدينا لمحة عنه بردو :)

"هو ال 55 هيركب ازااااااى ؟؟؟؟؟؟؟"
انا مش عارف ازاي ممكن يركب اكبر بس انا قلت يمكن يكون فيه اكبر

**AhmedNaeem** · 12-02-2013 11:28 AM

انا جبت نوع ايطالي اسمه
marangoni mythos 215/45 ZR 17 XL 91Y
من 7 شهور وكويس قوي الحمد لله مفيش مشاكل

**mouraddesk** · 12-02-2013 12:03 PM

انا شارى العربية كسر زيرو عاملة 27000 و كان فيها كومهو بتاع الفابريكا بس كله بلالين رحت مغير برضه لكومهو نفس المقاس و النقشه هو مش حلو و مش وحش و سمعت انك لازم تحسس علشان البلالين اما بالنسبة للبريدجستون سمعت انه اقوى من ناحية البلالين و انعم فى الصوت فياريت كل واحد يحكى التجربة علشان نستفاد و ياريت فكرة عن الاسعار الكومهو كان عامل حوالى 420 الفرده فى حين البريدج ستون كان عامل فوق 700 و هو ده اللى خلانى اجيب كومهو.

**excel_team2000** · 12-02-2013 12:08 PM

على فكرة اى نوع كاوتش هيعمل بلالين مع الجنط 17 لما الكاوتش القديم عندى اتمسح كنت عايز اغير الجنوط ل 16 لكن فى التوكيل نصحونى انى اخلى الجنوط 17 واجيب نوع كاوتش محترم يكون جنبه ناشف و احط نيتروجين 35 و فعلا جبت كاوتش يوكوهاما يابانى 215/45/17 الفردة ب930 وكانت تحفه و ناعمة و فرامل و ثبات زى الفل و استحملت مطبات الزراعى لمدة 3 شهور من غير بلالين و لكن فيه نقرة او بمعنى اصح حفرة على الدائرى مطلع كورنيش المعادى وقبل نزلة البحر الأعظم 3 ورا بعض اكلتهم على سرعة 100 سمعت صوت عالى زى مايكون صاج بيخبط فى بعضه او صوت تصادم عربيتين قلت اكيد الكاوتش اتقطع بس لقيت بلونة صغيرة فى الفردة اليمين قدام ودلوقتى انا هاجيب جنوط 15 و كاوتش 205/60/15 و ربنا يعوض عليا فى تمن الكاوتش

**moha4tec** · 12-02-2013 04:19 PM

ربنا يعوض عليك و حاول تكون حريص شويه فى المشى .و 35 ضغط كتييييير اوى و هتخلى العربيه تدبدب جدا جدا جدا و تنشف و تتنطط اكتر من الاول

و هتعمل اه فى الكاوتش ال 17 السليم و اللى فيه بلونه.