ما الأفضل مانيوال أم أوتوماتيك

**i_samy** · 12-02-2013 11:28 AM

بعد ما سمعت عن لانوس شيفروليه أوتوماتيك من منصور
فكرت فى بيع عربيتى (دايو لانوس 2006) ومش باشتيكى منها خالص
وشراء النسخة الأوتوماتيك كنوع من القفز من فئة المانيوال إلى الأوتوماتيك خصوصا أنها نازلة على حد قول بعض المواقع ب abs

لكن أصدقائى كان ليهم رأى مختلف منهم من قال :
- شرائك لأول دفعة سيعرضك إلى جميع العيوب التى تظهر بها
- ليه تشترى عربية أخرى أغلبية المكونات بها صنعت فى الصين بمصنع شيفروليه
- مادام السيارة المانيوال مريحاك يبقى مفيش داعى للمصاريف
- مش دايما الزيرو بيبقى خالى من المشاكل
- عزم السيارة يقدر بحوالى 86 حصان ولكن مع الأوتوماتيك قد تقل تلك الأحصنة لإن الأوتوماتيك مش بيجمع فى الغيارات بنفس سرعة المانيوال

مين الصح فى رأيكو ؟

**tarek_2005** · 12-02-2013 12:06 PM

بلاش اوتو في الكوري عامتاً

**mahmoud_anwar** · 12-02-2013 01:16 PM

بلاش شيفروليه لاانوس مع والد صحبي والعربية اعتقد 2010 او 2011 وجابت فاتيس وهيا مانيول مابالك بقا لو اتو ماتيك ؟
وعلي فكرة الشيفروليه تقفيل زي الزفت انا كنت هاشتريها زيرو ورحت اتفرجت عليها اول حاجة افتح الطبلوة واقفلة برحة مش راضي لقيت صحبي الي معايه قام رزعة جامد لدرجة انا قولت الناس الي في المعرض هتشتمنا وهتدور فينا الضرب
لقيتة بيقولي هيا ما بتقفلش غير كده وانا صدقتة لي انها عندهم زيها تاني حاجة ركبتركبت مع سواق تاكس ابيض وكانت بي اكيسها ومشغل التكيف وقافل الزجاج والعزل فيها زبالة وصوت عجلها تحس انك سمعة داخل الصالون
هما دول الي قدرت احددهم حتي الأن

**S O P H O S** · 12-02-2013 01:23 PM

راي خليك مانيوال ..

**AlGazar2** · 12-02-2013 05:00 PM

طالما عربيتك مريحاك يبقى ما تبيعهاش عشان تجيب نفس العربيه بس بمكونات اسوء عشان اوتو ( هتبقى بطه بلدى ) + مش هيبقى فيها abs ولا حاجة الاوبترا منصور منزلهاش ب abs هينزل اللانوس بيه

لو عايز اوتو يبقى تبيع و تجيب حاجة اعلى و فيها وسائل امان زى الصنى ( مع اعتراضى على شكلها ) او السى اليزيه الجديده ( لسه هاتنزل اول ابريل ) او ار بى او ريو ( مع اعتراضى على سعرهم المبالغ فيه بالنسبه لامكانياتهم المحدوده )