-
تعديل شارك 2012 مساعده
انا معايا شارك 2012
عايز اعدل فيها شويه حاجات
هيا اخر فئه اللي من غير جنوط
لون العربيه اسود
اول حاجه عايز اعملها اركب جنوط تكون شيك ويكون لونها اسود
تنصحوني اركب مقاس كام ومنين
انا من القاهره
تاني حاجه عايز اعملها كلها تجليد اسود مط
اعملو منين وتقريبا يكلف كام
تالت حاجه عايز اغير الفوانيس عايز الفوانيس اللي فيها ليدات زي بتاعت اودي A8 :Copy of new:
فين احسن مكان بيبع اكسسوارات شارك
وعايز اركب شاشه داخليه بتاعت الايفالويشن :B4_007:
رحت شارع دمشق لقيت الشاشه ب 4000 :toothgrin:
ايه رايكم ف الحاجات دي
ولو فيه حاجه مش هتنفع او مش مهمه قولولي ايه هيا
كلو يشارك عشان الكل يستفيد
-
18 مشاهده وولا حد رد
فين رجاله التعديل والشاركاويه
-
الف مبروك على السيارة
اولا : الف مبروك على العربية وربنا يديك خيرها ويكفيك شرها
ثانيا : انا معايا شارك 2012 بردو اللون الفيرانى الفاتح وركبت الدى فى دى بتاعها اللى بتتكلم عليه وكان سعره 2950 من عند السجان اللى فى شارع دمشق وده فيه ميزات رهيبة فيه 2 يو اس بى وواحدة ثالثة للاىفون وكاميرا خلفية وبلوتوث علشان التليفون وجى بى اس وراديو وام بى ثرى ودى فى دى طبعا وممكن توصله شاشتين خلفيتين بتوع المخادع .العربية بتيقى شكل تانى خالص .
فانا انصحك بيه طبعا .
ثالثا : فى حاجة جميله ممكن تعملها هتجيب اربع صدادات اللى بيركو فى الاكصدام فى الزوايا الاربعة للسيارة وقبل ما تركبهم هتكسيهم كربون اسود هتبقى تحفة منك حميت السيارة وفى نفس الوقت بيدو شكل رهيب للعربية . انا عملتهم بس كاربون فيرانى .
رابعا : بالنسبة للفوانيس وده انا مش عملته لسه ... فى فوانيس اللى بتتكلم عنها ودى تحفة بس انا شايف انا الفوانيس الامامية للسيارة شيك جدا مش محتاجة تغيير اللى محتاج تغيير الفوانيس الخلفية ودى ممكن تلاقيها عند ارابكوم اللى فى مدينة نصر وشكلها حكاية وبص عليهم على النت شكلهم تحفة بجد بيخلى ظهر السيارة مالوش حل .
خامسا : بالنسبة للجنط انصحك تجيبهم نفس المقاس 16 ويكونوا استيراد بلاش صينى لان العربية ثابتة جدا على الطريق فبلاش تعمل حاجة غلط تقلل من هذا الثبات .
سادسا : انصحك تعمل الفرش الداخلى اسود جلد عند اى حد زى جينز كار مثلا وده لو لون العربية من جوه اسود اما لو بيج فعمل جلد بيج طبعا .ومتنساش تعمل الارضية جلد بردو علشان انت عارف التراب اللى فى مصر وخلى اللى يفصلك الجلد يعملك دواسات ارضية تفصيل موكيت علشان المنظر العام يبقى شيك ومايبانش الارضية الجلد اللى انت عملتها .
ملاحظة : انا بعشق هذه السيارة وهى ممتعة فى قيادتها وثابتة جدا على السرعات العالية وفى بعض المواضيع انا كتبتها عن العربية دور عليها فى المنتدى اعمل بحث باسمى heka_m_y .
الف الف مبروك عل العربية وانا تحت امرك فى اى امر يخصها .
-
موضوع جميل, متابع
و انا عن نفسي نفسي اجيب البتاعة السودة اللي بتمسك النمر و تحطها في الجنب و اعمل البتاعة اللي في نص الأكصدام اسود. هيغيرو شكل العربية تماما لو حد عنده معلومات اعمل الحاجات دي فين يقولي.
@heka_m_y
لو حضرتك فاضي يا باشا ممكن صورة للفرش بتاع جينز كار و كلفك كام؟
-
ايوا صح هوا من عند السجان المحل التاني اللي عندو الدي في ديهات والكاسيتات اللي في روكسي شارع دمشق
برافو عليك
بس مفتهمتش قصدك ايه بالصدادات اللي ف الاكصدام
ممكن بعد اذنك
تصورلي العربيه لو مفيهاش تعب لحضرتك
عايز اشوف الدي في دي شكلو عامل ازاي من جوا
وهتعب حضرتك معايا
فيه الاسود اللي بيتحط ع الاكصدام من قدام اللي وركب فيه اللوحه عشان هيبقا شكلها حلو احسن من انها تكون ف النص قدام
في انتظار صور الشارك الفيراني ...
-
Content Relevant URLs by
vBSEO 3.6.0 PL2