- قررت تجيب مستعمل على قد فلوسك ولا تجيب جديد وتكمل أقساط؟
قررت اجيب مستعمل
2- ليه اخذت الاختيار ده؟
لاني كنت بدور على العربيه دي بالذات لحبي فيها وفي شكلها والكلام اللي بسمع عنها وفكك من وجع الاقساط حتى لو باظت اركنها تحت البيت لحد ما تفرج لاكن لو قسط وحصل حاجه حادثه مثلا او خلافه القسط ماشي غير تكاليف التصليح وربنا يسترها معنا جميعا
3 - العربية نوعها ايه؟ وموديلها؟ وكنت شاريها بكام ؟و معاك بقالها فترة قد ايه؟
النترا 2005 كامله اوتو ليها سنتين معايا والحمد لله
3- صرفت كام تقريبا على العربية خلال الفترة دى؟
500 سيور وبلي كاتينه اصلى من التوكيل
500 وشويه تيل فرامل امامي وخلفي اصلي من التوكيل
1700 عدد 4 فرد كاوتش جديد كمهو فيتنامي
500 تقريبا فلاتر وزيت فتيس اوتو
340 حساس بنزين
170 فريون تكييف
140 تقريبا بلية عجل امامى اصلى
وشوية حاجات مش فاكرها يعني تقريبا 5000 جنيه بس على فترات متباعده
5 - حاسس ان قرارك كان صح ولا غلط؟ ولماذ؟
الحمد لله كان قرار صح لاني امتلكت سياره بها كل الكماليات اللي كنت بتمناها وكمان مش متهانه
6- لو رجع الوقت بيك لمرحلة التفكير كنت هاتجيب عربية مستعملة كاش ولا جديدة قسط؟
نعم كنت حشتري مستعمل لان الميزانيه وقتها مكنتش تشتري جديد بالكماليات دي